Një 27-vjeçar francez është arrestuar, pasi akuzohet se ka vrarë një person në Francë. I riu me iniciale T.Q., në Nantes të Francës ka vrarë me pistoletë një shtetas dhe më pas është larguar në drejtim të Shqipërisë, ku ka hyrë me dokumentacion të rregullt para se të shpallej në kërkim ndërkombëtar.
Pas vrasjes, gjykata e Nantes në Francë e dënoi atë më 23 tetor 2019 me burgim të përjetshëm për veprat penale “Vrasja”, “Grup i strukturuar kriminal” dhe “Armëmbajtja pa leje”. Menjëherë pas krimit, 27-vjeçari është futur në territorin shqiptar dhe jetonte në Tiranë në një shtëpi me qira te “Rruga e Barrikadave”.
Arrestimi i tij u bë pas aksionit të koduar “Barrikada” të policisë për kapjen e personave me rrezikshmëri të lartë shoqërore, të shpallur në kërkim ndërkombëtar. Arrestimi i tij u bë me qëllim ekstradimin drejt Francës, ku do të vuaj dhe dënimin.
