Një zjarr i madh ka rënë në një apartament në qendër të Durrësit mesditën e së shtunës.
Shkak për zjarrin është bërë një furnelë e ndezur nga një 85-vjeçar i cili jetonte vetëm në shtëpi. Ai po gatuante ndërkohë që furnela ka bëtë masë dhe më pas ka marrë flakë. Ngjarja ka ndodhur në lagjen nr. 4 në rrugën Tregtare në Durrës.
Fatmirësisht nuk raportohet për njerëz të lënduar, por vetëm për dëme materiale.
Ndërkohë, zjarrfikëset kanë mbërritur në vendngjarje dhe po punojnë për shuarjen e flakëve.