Një ngjarje e rëndë ka ndodhur në Mallakastër, ku një burrë 46 vjeç, në gjendje të rënduar psikologjike i ka vënë flakën banesës dhe është kyçur dhe vetë brenda.
Ngjarja ka ndodhur në fshatin Visokë, të Mallakastrës rreth orës 22:00 të mbrëmjes së të hënës.
Fatmirësisht ndërhyrja e shpejtë e zjarrfikësve ka bërë të mundur që të nxjerrin jashtë pa lëndime 46 vjeçarin, A.C, të cilit i është dhënë ndihma e shpejtë.
Aktualisht 46 vjeçari ndodhet jashtë rrezikut për jetën në Spitalin e Ballshit.
Shërbimet zjarrfikëse kanë bërë të mundur fikjen e zjarrit në banesë. Grupi hetimor vijon veprimet për sqarimin e rrethanave të ngjarjes.