5 maji njihet nga shqiptarët si dita e përkujtimit të dëshmorëve të kombit të rënë në luftën antifashiste, por me një iniciativë të re të Bashkisë së Tiranës kjo do të kujtohet nga sot e tutje edhe si Dita pa makina.
Bashkia ka organizuar me dhjetëra aktivitete përgjatë bulevardit “Dëshmorët e Kombit”, sheshit “Nënë Tereza”, sheshit “Skënderbej” dhe Parkut të Liqenit gjatë gjithë ditës.
Krahas përkujtimit të dëshmorëve të atdheut, qytetarët do të festojnë dhe do të sensibilizohen më shumë për një qytet më të pastër dhe me më pak ndotje në ajër. Bashkia e Tiranës bën thirrje që më 5 maj qytetarët t’i lënë makinat dhe të ecin sa më shumë në këmbë dhe me biçikleta.
