Një aksident i rëndë ka ndodhur paraditen e së enjtes në zonën e Kombinatit në Tiranë ku një makinë ka përplasur këmbësoren teksa po kalonte rrugën. E plagosura është dërguar menjëherë në spital por ndodhet në gjendje kritike për jetën.
Sipas policisë aksidenti ka ndodhur rreth orës 10:10, në rrugën e “ Qelqit”, në Kombinat. Mjeti me drejtues shtetasin SH.H, ka aksidentuar këmbësoren, TH.M, 64 vjeçe , e cila u dërgua menjëherë në spital dhe ndodhet në kujdesin e mjekeve.
Shërbimet e Policisë Rrugore dhe grupi hetimor ndodhen në vendngjarje dhe po punojnë për sqarimin e rrethanave të ngjarjes dhe përcaktimin e shkakut të aksidentit.