Ambasadori i Britanisë së Madhe, Alastair King-Smith ka zhvilluar një takim me Komisionerin Shtetëror të Zgjedhjeve, Ilirjan Celibashi, ku ka bërë thirrje për miratim të Reformës Zgjedhore para zgjedhjeve të ardhshme parlamentare.
Në një njoftim në faqen zyrtare të Ambasadës Britanike në Shqipëri, thuhet se, Ambasdori ka theksuar se në Reformën Zgjedhore të përfshihen rekomandimet e OSBE/ODIHR dhe vendimet e Gjykatës Kushtetuese.
“Ambasadori britanik, Alastair King-Smith u takua sot me Komisionerin Shtetëror të Zgjedhjeve, Ilirjan Celibashi për të konfirmuar mbështetjen e Mbretërisë së Bashkuar për Komisionin. Ambasadori bëri thirrje për të miratuar Reformën Zgjedhore përpara zgjedhjeve parlamentare, përfshirë rekomandimet e OSBE/ODIHR dhe vendimet e Gjykatës Kushtetuese. Të gjitha perspektivat politike duhet të përfshihen në debatin mbi Reformën Zgjedhore”, thuhet ne njoftimin e ambasades britanike.