Author: albi

Sipas Institutit të Gjeoshkencave në Shqipëri janë regjistruar 5 lëkundje tërmeti gjatë mëngjesit të së shtunës por fatmirësisht me magnitudë të vogël dhe pa shkaktuar asnjë dëm material.

Lëkundja e fundit sipas IGJEUM është ajo e orës 08:07 me epiqendër në Laç dhe me magnitudë 1.8.

Lëkundja me magnitudën më të fortë është ajo e shënuar në oren 07:53 të mëngjesit, me epiqendër 4 km në Jug të Laçit dhe me thellësi 25 km.

Kujtojmë se ndërkohë Turqia po përballet me katastrofën që la pas tërmeti me magnitudë 6.8, me shumë viktima dhe mijëra të lënduar.

Një ngjarje e rëndë ka ndodhur në Kavajë ku një foshnjë vetëm 2 muajsh ka ndërruar jetë në shtëpi ndërsa në spitalin e Kavajës është dërguar pa shenja jete.

Ngjarja ka ndodhur në fshatin Bago të njësisë Administrative Synej në rrethin e Kavajës. Mjekët e spitalit të Kavajës bëjnë me dije se foshnja ka ndërruar jetë në orën 03:00 të mëngjesit të së shtunës. Më pas prindërit e tij në orën 07:00 janë paraqitur në spitalin e Kavajës për të marrë skedën e vdekjes gjë që nuk kanë mundur ta marrin dot.

Mjeku i familjes, ai që ligjërisht, firmos e vulos skedën e vdekjes nuk e ka lëshuar pa mësuar shkakun e vdekjes. Në këto kushte foshnja është dërguar në morgun e spitalit të Durrësit (pasi Kavaja nuk e ka një të tillë) ku do t’i nënshtrohet autopsisë për të përcaktuar shkencërisht shkakun e vdekjes.

Drejtori i policisë së Shtetit, Ardi Veliu ka zhvilluar një mbledhje me krerët e policisë së Shkodrës ku nuk kanë munguar kritikat dhe kërkesa e llogarisë, ku është vënë theksi tek lufta kundër krimeve të pronës, grabitjeve, fajdeve si dhe kontrabandës. Në analizën e punës, një mbledhje që është zhvilluar me dyer të mbyllura dhe që ka zgjatur mbi dy orë, Veliu e ka cilësuar Shkodrën, një njollë të e zezë sa i takon kontrabandës, dhe ka kritikuar policinë që ka zbehur luftën kundër këtij fenomeni.

“Shkodra është një njollë e zezë sa i takon kontrabandës”, është shprehur Veliu, i cili shoqërohej në Shkodër nga Drejtori për Krimin e Organizuar Tonin Vocaj dhe Drejtori i Rendit Gjovalin Loka.

“Gjatë vitit 2018 kemi pasur 26 vepra penale sa  i përket kontrabandës. Kemi pasur ulje te fenomenit ne 2019-en. Ka rënë kontrabanda apo është paaftësi e juaja? Shkodra është një njollë e zezë në vend sa i takon kontrabandës”- është shprehur Veliu, i cili gjithashtu ka kërkuar luftë kundër fajdeve dhe krimeve ndaj pronës. Sipas Veliut lufta kundër krimit të organizuar është sfida për vitin 2020. Ai ka kërkuar që të dokumentohet gjithçka sa i takon krimit, ndërsa ka shtuar se duhet të angazhohen të gjithë strukturat e policisë vendore në Shkodër.

“Ne kompleks në të gjithë situatën ka shumë problematika. Kërkohet angazhim nga të gjitha strukturat. Dua ta ndaj ne dy pjesë, angazhim total për ngjarjet e rënda, por një neglizhencë për krimet kundër pronës.  Detyra jone është ta zbardhim çdo ngjarje, duhet vlerësim maksimal për veprat penale kundër pronës duke iu referuar rasteve te vjedhjeve dhe grabitjeve te cilat në të shumtën e rasteve janë neglizhuar. Parandalimi ne kontrollin e territorit”, tha ndër të tjera Veliu. Përveç kritikave ka pasur dhe një vlerësim për policinë e Shkodrës dhe kjo lidhet me menaxhimin e protestave të zhvilluara nga opozita gjatë vitit që lamë pas. “Përveç Tiranës edhe në Qarqe ka pasur protesta, më pas edhe menaxhimin e fushatës ku qe një fushatë e vështirë për përballimin nga policia së bashku me sezonin turistik ku ju falënderoj për punën e bërë”, tha Veliu.

Analiza e policisë se Shkodrës ka zgjatur rreth dy orë ndërkohë që është zhvilluar pa praninë e mediave.  Analiza e punës së policisë do të shtrohet edhe në qarqe të tjera.

Politikanët shqiptarë kanë shprehur ngushëllimet e tyre për humbjet e jetëve që shkaktoi tërmeti i mbrëmjes së të premtes në Turqinë Lindore. Përmes mesazheve në rrjetet sociale politikanët shqiptarë kanë shprehur trishtimin për fatkeqësinë që goditi Turqinë.

Presidenti Ilir Meta në mesazhin e tij shkruan se lutet që mos të ketë më jetë të humbura dhe uron shërim të shpejt personave të lënduar.

“Me shqetësim dhe dhimbje të thellë po ndjek situatën në Turqinë mike, të goditur nga tërmeti tragjik. Shumë i tronditur nga viktimat në njerëz, ju shpreh ngushëllimet më të ndjera familjarëve e të dashurve të tyre, të gjithë popullit turk dhe Presidentit Recep Tayyip Erdoğan, duke u lutur që të mos ketë të tjera humbje jetësh. Të gjithë të lënduarve nga kjo fatkeqësi natyrore ju uroj shërim sa më të shpejtë. Në këto momente tepër të vështira, unë dhe populli shqiptar jemi në krah Turqisë mike!”, shkruan Meta në Facebook.

Kryetari i opozitës, Lulzim Basha, shprehu ngushëllimet më të thella për viktimat e tërmetit në Turqi, i cili ka shkaktuar, deri tani, mbi 20 viktima dhe ka shkatërruar shumë banesa.  Në një postim në Tëitter, Basha shprehet: “Ngushëllimet e mia më të thella për popullin turk dhe Presidentin Erdogan për viktimat e tërmetit. Mendimet dhe lutjet tona janë me familjet e viktimave. U urojmë shërim të shpejtë të plagosurve dhe shprehim solidaritetin me popullin e Turqisë”- shkruan kreu i opozitës.

Kryeministri Edi Rama reagoi menjëherë pas tërmetit duke shkruar në Twitter, se në këtë moment të vështirë Shqipëria i qëndron në krah popullit turk.

 “Shumë e trishtueshme fatkeqësia që ra mbi Turqinë mike prej një tërmeti të rëndë, ku janë shënuar edhe jetë të humbura! I jemi pranë popullit turk dhe lutemi që Zoti t’u japë autoriteteve të vendit dhe Presidentit Erdogan të gjithë forcën për ta përballuar këtë tragjedi”, shkruan Rama.

Edhe ministrja e Mbrojtjes Olta Xhaçka ka shprehur ngushëllimet për viktimat e tërmetit tragjik në të rënë në Turqi ku la pas disa viktima. Xhaçka kujton solidaritetin dhe ndihmën e popullit turk kur Shqipëria po kalonte të njëjtën situatë tragjedie ndërsa për situatën e ka cilësuar si të tmerrshme.

“Me mendje e me zemër pranë popullit turk në këto momente tragjedie. Ndajmë me miqtë tanë dhimbjen e çdo shqiptari që nuk mund të harrojë solidaritetin e ndihmën e pakursyer që populli turk na dha në të njëjtën situatë tragjedie. Lutem për sa më pak viktima e të lënduar, nga kjo ngjarje e tmerrshme”, shkruan ministrja Xhaçka.

Ministri i Punëve të Jashtme në detyrë, Gent Cakaj shkruan se është thellësisht i shqetësuar për tërmetin që la pas shumë viktima në Turqinë lindore. Cakaj ka shkruar se në këto momente të vështira Shqipëria qëndron pranë Turqisë.

“I shqetësuar thellësisht për tërmetin e fundit në Turqi. Në këto momente të vështira ne jemi afër vëllezërve tanë turq të prekur nga tërmeti. Mendimet dhe lutjet tona janë për Turqinë. Lutemi për Turqi” shkruan Cakaj në një reagim në rrjetet sociale.

Tërmeti në Turqi ka sjellë dhe reagimin e autoriteteve kosovare, ku të parët që kanë shprehur solidaritetin janë Presidenti i Kosovës, Hashim Thaçi dhe ministri në detyrë Behgjet Pacolli.

Shteti turk ishte ndër të parët që iu gjend pranë Shqipërisë pas tërmetit të 26 nëntorit duke dërguar ekipe shpëtimi dhe ndihma në çadra dhe mjete të tjera, ndërsa qeveria turke ka vendosur të ndërtojë 500 banesa të reja për njerëzit e prekur nga tërmeti dhe që mbetën pa shtëpi.

Ndërtesa të shembura, kaos, njerëz të lënduar, ekipe shpëtimi në aksion. Kjo është pamja që ofron situata pas tërmetit që goditi mbrëmjen e së premtes Turqinë lindore duke shkaktuar të paktën 20 viktima dhe qindra të tjerë të plagosur, një pamje pothuajse identike me tërmetin e 26 nëntorit që goditi Shqipërinë dhe që shënoi 51 viktima.

Pjesa lindore e Turqisë u godit nga një tërmet me magnitudë 6.8 të shkallës riter.

Ndonëse temperaturat në këtë zonën shkonin deri në -7 gradë celsius, forcat e kërkimit vijuan gërmimet gjatë gjithë natës , ndërsa ky mëngjes i gjeti sërish duke kërkuar nën gërmadha.

Sipas autoriteteve të emergjencave Civile në Turqi, tërmeti u pasua nga më shumë se 200 goditje sizmike.  Mbi 400 ekipe shpëtimi nga i gjithë shteti dhe rajoni po marrin pjesë në kërkime.  Janë urdhëruar njerëzit të mos kthehen në shtëpitë e dëmtuara, ndërsa janë hapur stadiume dhe pallate sporti ku janë vendosur shtretër për strehimin e të personave të mbetur të pastrehë.

• 

• 

• 

• 

• 

• 

• 

• 

• 

• 

• 

• 

Në rrugët e Tiranës qarkullojnë drejtues mjeti të dehur në timon dhe që drejtojnë makinën me shpejtësi skëterrë, ndaj dhe policia ka marrë masat duke pezulluar jo pak por 900 leje drejtimi vetëm gjatë 24 ditëve të para të janarit.

Policia ka shtuar kontrollet veçanërisht gjatë natës duke përdor radar dhe thotë se veçanërisht aksi Tiranë-Elbasan përdoret nga makinat si pistë avioni. Gjatë natës ata kanë ndaluar automjete që ecnin me shpejtësi të çmendur me mbi 171 km/h.

“Policia Rrugore ka ndërmarrë kontrolle të shtuara, me matës shpejtësie dhe test alkooli, për rritjen e parametrave te sigurisë rrugore gjatë fundjavës. 171 km/h në rrugën interurbane kryesore Tiranë -Elbasan, në unazën e madhe, e matur me Radar ne një largësi prej 734 m. Shpejtësi e mjaftueshme për të fluturuar si avion dhe sigurisht e mjaftueshme edhe për t’u përplasur.

Edhe pse prej fillimit te muajit janar rrugët interurbane dhe urbane kryesore te vendit, te konsideruara me risk të larte për shkak të aksidenteve rrugore dhe pasojave të ardhura prej tyre, kryesisht shpejtësia mbi normat e lejuara, vijojnë të jenë të monitoruara me radar dhe janë jo pak, por vetëm për 24 ditët e para të këtij viti, numërohen më shumë se 900 leje drejtimi te pezulluara për shpejtësi, përsëri ka shumë drejtues mjetesh që rrugën e përdorin dhe e konsiderojnë si piste për të “fluturuar” dhe jo për të qarkulluar me automjet.

Prej orës 20:00 e deri në orën 01:00 të mëngjesit të sotëm, u pezulluan 9 leje drejtimi për shpejtësi mbi normat e lejuara që varionin nga 130 deri në 171 km/h.

Gjithashtu nga verifikimi rezultoi se krahas shpejtësisë ekstreme për kushtet e rrugës, 2 prej tyre ishin debitor me mbi 7 masa administrative te pashlyera si dhe një tjetër automjet rezultoi i pasiguruar dhe certifikuar teknikisht”, njofton policia, e cila njofton se po vijon kontrollet me Radar e Drager në të gjitha rrugët e Tiranës dhe bën thirrje që drejtuesit e automjeteve të mos abuzojnë me shpejtësinë dhe alkoolin, pasi do jenë të ekspozuar ndaj rrezikut për t’u përfshirë në aksidente rrugore.