Basha i hapur për dialog me Ramën, por e thotë indirekt

Më të fundit


Pas thirrjeve për dorëheqjen e Ramës, apo rrëzimin e tij me protesta, kryedemokrati Lulzim Basha duket se ka ndryshuar qëndrim. Për herë të parë sot ai ka nënkuptuar se do të ulet në një tryezë bisedimi mes opozitës dhe maxhorancës, ashtu sikurse propozuan sot partitë aleate të PD-së.

Basha është pyetur nga gazetarët nëse është i gatshëm të ulet në një tryezë me Edi Ramën, ashtu siç propozuan sot krerët e partive aleate të PD-së. Ai u tha gazetarëve se nuk ka asnjë mospërputhje qëndrimesh mes PD dhe aleatëve duke nënkuptuar se është i hapur për dialog.


“Nuk ka asnjë mospërputhje qëndrimesh mes partive të gjithë koalicionit tonë. PD ka përfunduar javën e kaluar një dokument të detajuar sa i takon detyrave të qeverisë transitore në raport me zgjedhjet e lira dhe të ndershme. E kemi diskutuar dhe me aleatët tanë dhe një pjesë e pikave të shpalosura nga aleatët janë të përbashkëta. Të jeni të sigurtë se koalicioni vepron me bashkëpunim të plotë”, tha Basha.

Këto deklarata Basha i bëri pas një takimi që zhvilloi me përfaqësues të Institutit Ndërkombëtar Republikan. Ai tha se PD do të modernizohet dhe se kandidatët për deputetë, por edhe kryebashkiakë do të zgjidhen me një tjetër sistem, një anëtar, një votë.

“Po avancojmë në rrugën tonë për demokratizimin dhe modernizimin e PD-së. Takova drejtorin e Institutit Demokrat Amerikan, qëllimi është i njëjti, pavarësisht sistemit që do të ketë Shqipëria, do i zgjedhim deputetët me sistemin një anëtar një votë, nuk ka ndodhur asnjëherë në Ballkan. I shërben transparencës, e fillojmë brenda PD-së, që nesër të jetë modeli ynë i qeverisjes. Kandidatët për deputetë do i nënshtrohen një procesi vlerësimi për integritetin moral dhe shkallën e përgatitjes.

Do të bëjmë një transformim të thellë të klasës politike shqiptare. Hapjes së PD-së që të përfshihen të gjithë qytetarët për të nxjerrë Shqipërinë nga kriza ku ndodhet. Fiks një vit pas Kuvendit Kombëtar të PD-së kur e vendosëm këtë rregull, hodhëm këtë hap me miqtë amerikanë dhe britanikë, për ta bërë PD-në partinë e parë me stil perëndimor. Jemi në një betejë për jetë a vdekje për demokracinë” deklaroi ai.

LIVE

LIVE – Komunikim me median pas takimit me përfaqësues të Institutit Ndërkombëtar Republikan.

Publiée par Lulzim Basha sur Lundi 29 avril 2019



Skip to toolbar