Policia e Shtetit ka bërë ‘bilancin’ e operacioneve të realizuara në gjithë vendin. Në deklaratën për shtyp, policia thotë se operacioni ‘Tempulli’ ka çuar në pranga të 563 prodhues/shpërndarës të narkotikëve, si dhe sekuestrimin e rreth 800 kilogramëve droga të ndryshme dhe 15 armëve të zjarrit.
Sa i takon fazës së dytë, pra “Tempulli 2”, deri më tani ka çuar përpara drejtësisë 301 shtetas, ka goditur 11 grupe kriminale në fushën e narkotikëve, si dhe ka sekuestruar rreth 585 kilogramë droga të ndryshme (cannabis, kokainë dhe heroinë) dhe 12 armë zjarri. Policia ka bërë bilancin edhe të operacioni ‘Sundimi i Ligjit’ për muajin janar.
-u kapën 14 shtetas të shpallur në kërkim ndërkombëtar dhe 59 shtetas të shpallur në kërkim kombëtar;
-u sekuestruan 7 mina me telekomandë, gjatë operacioneve “Safe City”, “Neë Start” dhe “Brothers”, në Mirditë, Lezhë dhe Tiranë. Nëpërmjet këtyre operacioneve, Policia parandaloi ngjarje të rënda kriminale kundër personit. Ndërkaq, forca parandaluese e Policisë dhe reagimi i menjëhershëm për njoftimet e qytetarëve parandaluan dhe përshkallëzimin e 8 konflikteve, kryesisht: në familje, me mjete prerëse ose për motive pronësie.