Policia e Skraparit ka arrestuar 2 persona dhe po ndjek në gjendje të lirë një tjetër, pasi shpërndanin lëndë narkotike në doza të vogla në zonën e Çorovodës dhe posedonin armë zjarri.
Pas një hetimi dy mujor, është bërë i mundur finalizimi me sukses i operacionit të koduar “Osumi”. Personat u arrestuan në flagrancë në një lokal në qytetin e Çorovodës. Arrestohen shtetasit:
-P.K, 46 vjeç, banues në Çorovodë, të cilit gjatë kontrollit fizik iu gjetën dhe sekuestruan, 11 doza kokainë, 520 euro, 57.400 lekë dhe 4 aparate celular.
-E.H, i dënuar më par), 37 vjeç, banues në Çorovodë, të cilit gjatë kontrollit fizik iu gjetën dhe sekuestruan 1 armë zjarri Pistoletë me 6 fishekë dhe 1 dozë kokainë, si dhe gjatë kontrollit në banesë iu gjetën një sasi farash cannabis sativa, 1 armë gjahu dhe 27 gramë lëndë narkotike Cannabis Sattiva.
-L.S, 44 vjeç, pronar i lokalit, po procedohet në gjëndje të lirë për veprën penale “Moskallëzim krimi”.
Materialet procedurale i kaluan Prokurorisë pranë Gjykatës së Shkallës së Parë Berat, për veprat penale “Prodhimi dhe shitja e lëndëve narkotike”, “Mbajtja e armëve dhe municioneve pa leje”, “Mbajtja e armëve të gjahut pa leje”.
