Kryebashkiaku socialist i Libohovës, Leonard Hide do të gjykohet në GJKKO. Në seancën e sotme SPAK mbajti qëndrimin që dosja në ngarkim të zyrtarit të lartë të qëndrojë në Gjykatën e Posaçme dhe jo të kthehet në Gjirokastër, siç ishte kërkesa e disa avokateve.
Megjithatë prokurorja e SPAK, Enkeleda Millonai konstatoi pavlefshmërinë e disa akteve. Hide akuzohet për shpërdorim detyre në kohën kur mbante detyrën e shefit të krimeve në komisariatin e policisë Gjirokastër, lidhur me kultivimin e kanabisit.
Hetimi u krye nga ish-shërbimi për çështjet e brendshme dhe ankesave dhe prokuroria Gjirokastër. Hide u zgjodh kryebashkiak i PS ne zgjedhjet lokale te 14 majit vitin e kaluar.