Megjithëse ende nuk ka një vendim zyrtar, Kryeministri i Kosovës, Ramush Haradinaj ka uruar shtetasit e tij për liberalizimin e vizave. “Urime për liberalizimin!” Kështu u shpreh Haradinaj në Kosovë pas samitit të Berlinit duke deklaruar se Gjermania mbështet liberalizimin e vizave për Kosovën.
“Ministri i punës së Brendshme Seehofer ka thënë “po” menjëherë. Ky është qëndrimi gjerman, madje ai caktoi personat në mënyrë që kur të merret vendimi mos të humbet kohë”, tha Haradinaj.
Ai foli edhe për dialogun Kosovë-Serbi, ndërsa tha se po vijon edhe pa heqjen e taksës. Duke sjellë në vëmendje takimin bilateral mes dy vendeve në Paris me 1 dhe 2 korrik, Haradinaj nënvizoi se aty do të shkojë për njohje reciproke dhe jo për ndryshime kufijsh.
