Ambasada Amerikane ka dhënë një mesazh për Ditën Ndërkombëtare të Lirisë së Shtypit duke theksuar se është detyrë e qeverisë dhe politikanëve që të forcojnë lirinë e fjalës dhe se gazetarët duhet të reflektojnë etikë profesionale dhe integritet.
“Dita Botërore e Lirisë së Shtypit shërben si një kujtesë për qeveritë dhe politikanët që të bëjnë punën e tyre për të forcuar lirinë e fjalës. Është gjithashtu edhe një ditë reflektimi për profesionistët në media mbi çështjet e lirisë së shtypit, etikës profesionale dhe integritetit. Në të njëjtën kohë, Dita Botërore e Lirisë së Shtypit është një ditë për të mbështetur mediat dhe gazetarët që janë shënjestra të censurës, kërcënimeve dhe dhunës.” – shkruan Ambasada Amerikane
