Pas ngritjes së Kupës së Botës në 2018 dhe finales në Kupën e Botës në Katar në 2022, kapiteni i Francës, Hugo Lloris, ka njoftuar zyrtarisht tërheqjen e tij nga kombëtarja pas 145 paraqitjeve për blutë. Me rastin e njoftimit, portieri i Tottenham ka dashur t’i rikthehet edhe mosmarrëveshjes që kushtëzoi përzgjedhjen franceze në kampionatin e kaluar botëror, përkatësisht në atë që ka të bëjë me Topin e Artë Karim Benzema.
Në fakt, pas finales së humbur ndaj Argjentinës ne Katar, nuk u fol për asgjë tjetër: arsyet e mungesës së qendërsulmuesit të Real Madridit, i thirrur fillimisht në listën e 26 nga Didier Deschamps, i cili në fund kishte të tërhiqej për shkak të dëmtimit dhe që ndonëse dukej i aftë për t’u bashkuar për aktin final, megjithatë u la jashtë nga trajneri.
Që atëherë thashethemet kanë vazhduar të shtohen, me stafin mjekësor të kombëtares franceze dhe Real Madridit që i dhanë jetë një beteje të vërtetë me njoftimet për shtyp, së cilës i është shtuar edhe menaxheri i tij, i cili në fakt ka krijuar një atmosferë misteri përreth nje “afere”.
Në një intervistë të plotë dhënë për L’Equipe, në të cilën ai njoftoi zyrtarisht fundin e karrierës së tij të gjatë dhe të suksesshme ndërkombëtare, Hugo Lloris gjithashtu donte t’u rikthehej këtyre polemikave në lidhje me mungesën e Benzemas dhe raporteve të këqija të supozuara se Topi i Artë 2022 do të kanë pasur me disa drejtues të Bluve (përfshirë Deschamps).
“Sa i përket Karimit, të gjithë ishim të befasuar. Ajo që ne lojtarët përjetuam me largimin e tij ishte kjo: stërvitemi në mbrëmje, ai lëndohet, shkoni në shtrat dhe të nesërmen kur ngriheni të thonë se Karimi është larguar. Gjithçka ndodhi kaq shpejt – tha Lloris në fakt për gazetën franceze – U paraqit si një problem mjekësor dhe ne lojtarët e zbuluam në mëngjes, në një kohë kur diçka ndodhte pothuajse çdo ditë.
Por ka shumë gjëra që jane thene, të cilat janë false ose qesharake – vazhdoi kapiteni i Bluve -: atmosfera ishte shumë e mirë para se të largohej dhe shumë e mirë edhe më pas. Por padyshim që ne të gjithë do të kishim preferuar që Topi i Artë, sidomos duke parë se çfarë ka sjellë që nga ajo kohë kthimi i tij, mund të ishte me ne. Ai është ende një pasuri e madhe!” shtoi portieri 36-vjeçar.
Sipas thashethemeve të bëra publike nga shtypi francez, Karim Benzema do të kishte pasur vështirësi për t’u integruar në ekipin kombëtar gjithashtu për shkak të marrëdhënieve konfliktuale me trajnerin Didier Deschamps dhe disa menaxherë federalë. Në fakt, disa lojtarë, sipas asaj që u zbulua nga media të ndryshme franceze, do ta kishin mirëpritur largimin e sulmuesit të Real Madridit nga grumbullimi, sepse prania e tij do të ishte përjetuar si një barrë për shkak të ndikimit të tij në ngarkesën e imponuar nga stafi stërvitor.
Pakujdesi të cilat megjithatë Hugo Lloris i mohon plotësisht: “Të thuash se do të kishim shtyrë që ai të largohej është krejtësisht e rreme: ai ishte themelor për tetëmbëdhjetë muaj, ai na ndihmoi të fitonim Ligën e Kombeve, rikthimi i tij në kombëtare ishte vetëm pozitiv.
Është pohim vërtet i pandershëm se disa prej nesh do ta kishin favorizuar lamtumirën e tij. Dhe atëherë kur do ta kishim bërë? Dhe si?” në fakt komentoi kapiteni i Francës, i cili në ditën kur i shpalli lamtumirën kombëtares, donte t’i jepte fund polemikave që u ngritën rreth mosprezencës së Karim Benzemas në Botërorin 2022, i cili ishte kthyer në një rast të vërtetë kombëtar pas disfata në finale ndaj Argjentinës së Leo Messit.