Kryebashkiaku i Tiranës, Erion Veliaj e konsideron sjellje prej vandali atë të këshilltarëve të Partisë së Lirisë, në mbledhjen e Këshillit Bashkiak.
Në një reagim në rrjetet sociale, Veliaj shkruan se Ilir Meta dhe këshilltarët e tij, tregojnë shenja dëshpërimi. Sipas Veliaj, ata nuk e përballojnë dot suksesin e Tiranës dhe as humbjen kolosale të partisë së tyre.
“Sot Keshilli Bashkiak kish per te votuar hapjen e 2 cerdheve te reja, abonete falas per studentet, miratimin e shkolles Ecole 42 per te rinjte, zonen e lire ekonomike TEDA per 5mije vende pune te reja dhe grantin e Katarit per sheshin fundor tek Bulevardi i Ri.
Por Ilir Meta dhe rrugaci i fundit qe i ka mbetur, nuk e perballojne dot as suksesin e Tiranes dhe as humbjen kolosale te partickes se tyre. Sjellja per vandali ndaj kolegeve keshilltare, eshte shenje deshperimi, jo force.
Do te kerkoj zbatimin e ligjit me perpikmeri qe rrugaceria te marre pergjigjen qe meriton, dhe Tirana te mos mbetet peng i maktheve te Ilir Metes e mjeraneve te tij”, shkruan Veliaj në X.