Gjykata e Shkodrës ka dhënë masën e sigurisë për arrest me burg për dy punonjës të policisë bashkiake në Shkodër që akuzohen për zjarrvënien në shkollën që ishte kthyer në KZAZ.
Konkretisht punonjësi i Policisë Bashkiake të Shkodrës, Alfred Nikolli është dënuar me 30 ditë burg. Po ashtu të njëjtën masë mori edhe polici tjetër bashkiak Gentian Bytyçi, i përfshirë në përplasjen mes policisë bashkiake Shkodër dhe asaj të rendit për heqjen e materialeve zgjedhore pas urdhrit të kryebashkiakes Voltana Ademi drejtuar KQZ për lirimin e mjediseve të përcaktuara për mbajtjen e zgjedhjeve të 30 qershorit.
Ndërsa ndaj Adi Garucit dhe Aleks Ndoj u mor masa “arrest shtëpie”, ndërsa i mituri Orlando Thepi me detyrim paraqitjeje.
Gjykata e Shkodrës do të marrë vendim edhe për ish deputetin e PD-së, Bardh Spahia i cili është arrestuar pas sulmit në KZAZ-në nr. 3 në Shkodër.
