Tag: Ajax

Barcelona kërkon të shpëtojë nga “gjuetari” i talenteve, “block” Raiolës

Barcelona kërkontë mos ketë më asnjë marrëveshje për transferim lojtarësh nga agjenti i famshëm Mino Raiola. Ky vendim ka ardhur pasi Raiola i “rrëmbeu” Barçës një talent si Xavi Simons, i cili firmosi për Paris Saint-Germain. Largimi i lojtarit ka pasur një ndikim të rëndësishëm në klub. Ndryshe nga të rinjtë e tjerë që janë larguar, shqetësimi nuk ka të bëjë me humbjen e një lojtari kishte premisa për të pasur një karrierë të mirë në ekipin e parë.

Në vend të kësaj, është ndarja përfundimtare me agjentin e lojtarit. Gjithçka ka ndodhur kur mediat kanë zbuluar se Raiola kishte marrë Simons. Por ky nuk është rasti i vetëm, pasi Raiola është dhe agjenti i Matthijs de Ligt, ish-qendërmbrojtësit të Ajax që pak ditë më parë u transferua te Juventus.

 De Ligt shprehu dëshirën për të shkuar te Barcelona, por Mino Raiola ndërhyri duke penguar transferimin pasi kërkonte një vlerë të konsiderueshme si përqindje përfitimi nga kontrata e transferimit të lojtarit. Barcelona nuk pranoi të përmbushte kërkesat e Raiolës, ndaj ai vendosi të mos lejonte De Ligt të shkonte në Camp Nou. Kështu, Juventusi pranoi të ofronte shumën që kërkonte Raiola, duke rrëmbyer shërbimet e talentit 19-vejçar holandez. Tani Barcelona e ka të qartë, sa më pak kontakt me Raiolën, aq më mirë me të.

De Ligt bëhet çështje për Barcelonën, Juventus gati të përfitojë

Transferimi i kapitenit të Ajax-it, Matthijs De Ligt drejt Barcelonës po kthehet në çështje. Në fakt, prej kohësh palët (Barcelona dhe Ajax) dukeshin se kishin arritur marrëveshje, ashtu sikundër ka ndodhur edhe me De Jong. Mirëpo, sezoni i shkëlqyer që ka bërë 19-vjeçari me ekipin holandez, ka bërë që të rriten pretendimet financiare nga lojtari dhe agjenti i tij Mino Rajola.

Në fakt, ky i fundit, duket se është bërë dhe shkaku kryesor i mos pasjes së një marrëveshje deri më tani. Rajola kërkon të përfitojë një shumë të konsiderueshme nga transferimi i lojtarit drejt një klubi tjetër. Ndaj, mediat katalanase, konkretisht gazeta Sport, ka shkruar sot se Barcelona mund të tërhiqet nga tratativa për të bindur De Ligt.

Kështu, Manchester United mund të rikthehet në skenë për të përfituar nga kjo lëvizje e Barcelonës, duke i ofruar lojtarit të Ajax pagën e kërkuar me rreth 14 milionë euro në vit. Por në Itali mediat shkruajnë se Juventus është gati të futet në garë për De Ligt, duke ofruar përmbushjen e kërkesave të agjentit dhe lojtarit.

Megjithatë, mbrojtësi ka deklaruar se do t`i pëlqente të luante me shokun e tij të skuadrës De Jong, i cili do të bashkohet me Barcelonës sipas një marrëveshje të arritur më herët.

E do United dhe Liverpool, por De Ligt pëlqen Barcelonën!

Frenkie de Jong është një nga lëvizjet e para në merkato për Barcelonën. Futbollisti holandez pritet të bashkohet me klubin blaugrana së shpejti, teksa Barcelona do të paguajë në arkat e Ajax rreth 75 milionë euro për këtë transferim. Megjithatë, duket se “pazari” në shtëpinë e Ajax nuk ndalet këtu për skuadrën kampione të La Ligas.

Mbrojtësi anësor i kampionëve të Hollandës, Matthijs de Ligt, është një tjetër futbollist që kërkohet nga skuadra e Ernesto Valverdes. Ndonëse në garë për të janë disa klube si Manchester United apo dhe Liverpool, vetë lojtari ka lënë të kuptohet se dëshiron Barcelonën.

Këtë gjë e ka zbuluar në një intervistë për mediat, ku ka komentuar pikërisht nënshkrimin e De Jong me skuadrën katalanase. “Unë mendoj se ai ka bërë një sezon të shkëlqyer. Ai meriton të nënshkruajë për Barcelonën”, ka thënë De Ligt për De Jong.

 “Të luaj me të atje? Do të ishte mirë të luaja me Frenkin në një klub, porn ë këto momente nuk di se çfarë do të ndodhë”, ka thënë 19-vjeçari i talentuar, duke lënë të kuptohet se do të dëshironte të shkonte në La Liga.

Zyrtare: Ajax prezanton pasardhësin e De Ligt

Ajax ka arritur një marrëveshje me Lisandro Martínez dhe klubin e  Defensa y Justicia për transferimin e mbrojtësit argjentinas në Amsterdam. Mbrojtësi ka nënshkruar një kontratë që nis më 1 korrik të këtij viti dhe ka një kohëzgjatje prej katër vitesh, pra përfundon më 30 qershor të vitit 2023.  Në kontratë ka dhe një opsion rinovimi edhe për një sezon të 5-të.

Martinez është lindur më 18 janar 1998 në Gualeguay, Argjentinë. Më 22 mars të këtij viti ai debutoi me ekipin kombëtar argjentinas në një ndeshje miqësore kundër Venezuelës. Drejtori i politikave të për lojtarët tek Ajax, Marc Overmars u shpreh se Martinez është një lojtar që mund të luajë në pozicione të shumta.

“Martinez është një lojtar që luan në krahun e majtë. Ai mund të përballojë pozicione të shumta në pjesën e pasme. Martinez është një mbrojtës që I pëlqen të luajë futboll sulmues. Ai sjell një mentalitet të caktuar që mund ta përdorim mirë këtu, i krahasueshëm me atë që bëri bashkëkombasi i tij, Nico Tagliafico”.

Ajax gjen pasuesin e De Ligt…në Argjentinë!

Nga dita në ditë Ajax pret zyrtrizimin e transferimit të mbrojtësit Matthijs de Ligt, i cili pritet të bashkohet me Barcelonën. Largimi i qendërmbrojtësit më të rëndësishëm, ka bërë që klubi holandez të mos rri duarkryq. Ajax ka gjetur pasuesin e De Ligt, i cili pritet të jetë një tjetër talent 21-vjeçar, por jo nga Holanda.

Lisandro Martinez, që aktivizohet me Defensa y Justicia në Argjentinë, do të jetë pasuesi i De Ligt. Është klubi argjentinas që ka dhënë lajmin e arritjes së marrëveshjes me klubin europian, për transferimin e talentit 21-vjeçar.

Futbollisti pritet të udhëtojë në fillimin e javës drejt Holandës, ku do të kryejë vizitat mjekësore dhe më pas do të firmosë kontratën. Martinez ka luajtur në total prej 57 ndeshjesh me klubin argjentinas, duke shënuar dhe tre gola.

Performanca e tij e mirë, ka bërë që ai të grumbullohet edhe nga ekipi kombëtar i Argjentinës gjatë muajit mars, në ndeshjen e luajtur kundër Venezuelës në Madrid.

De Ligt te Barcelona për 70 mln euro, Rajola pengon transferimin!

Mediat spanjolle raportojnë se Matthijs De Ligt është pranë arritjes së marrëveshjes me Barcelonën, teksa sipas “Marca-s”, klubi katalanas ka gjetur akordin me Ajax për transferimin e talentit, që pritet të kryhet për një shumë prej 70 milionë eurosh.

Duket se gjithçka është në rrugën e duhur, por problemi i vetëm në këtë marrëveshje është agjenti i De Ligt, Mino Rajola. Sipas “Marca-s”, Rajola kërkon një komision prej 20 % të vlerës së transferimit për mbrojtësin holandez.

Përkthyer në shifra financiare, kjo vlerë shkon në 14 milionë euro, çka do të ishte një shumë e ekzagjeruar për tregun e transferimeve. Zakonisht agjentët përfitojnë nga 5 deri në 10% të shumës së transferimit të lojtarit, por Rajola kërkon të shfrytëzojë rastin, duke penguar transferimin e De Ligt drejt Barcelonës. Agjenti “famëkeq” është duke pritur oferta nga klube të tjera për të përfituar sa më shumë.

Klubi holandez shpreson të mbyllë këtë marrëveshje shpejt në mënyrë që të riinvestojë në skuadrën e tyre aktuale për sezonin e ardhshëm. “Unë mendoj se këto do të jenë ndeshjet e fundit të De Ligt me Ajax”, tha shefi ekzekutiv i klubit, Edwin Van der Sar, pas ndeshjes me Tottenham. “Unë mendoj se ai do të shkojë në Angli apo Spanjë.”

De Ligt: E pabesueshme që s’jemi në finale, pasi shënuam dy herë!

Ajax u eleminua mbrëmjen e së mërkurës nga Tottenham, duke humbur shansin për të shkuar në finalen e madhe të Champions League. Pavarësisht të gjithave, largimi i Ajax ishte me nder, duke parë se këtë sezon të Champions League, skuadra holandeze ka bërë gjëra të mëdha.

Lojtarët e Ajax kanë pasur emocione të trazuara las ndeshjes së djeshme dhe eleminimit zhgënjyes. Matthijs de Ligt, që shënoi golin e parë të takimit të djeshëm, ka folur pas ndeshjes duke komentuar atë që ndodhi.

“Po të shihni gjithë lojën, ne nuk e meritonim të eliminoheshim. Ne shënuam dy herë në pjesën e parë, por jemi jashtë gjithsesi. Është e pabesueshme. Është një ëndërr që na shkërmoqet. Do të kisha dashur të luaja finalen, por nuk ndodh. Jam i ngushëlluar nga mënyra se si tifozët tanë na brohoritën pas “bilbilit” përfundimtar”.

“Është e vështirë të thuhet tani, por duhet të ecim përpara. Ne duhet të luajmë ende dy ndeshje për të fituar titullin në Holandë. Kjo është më e rëndësishmja tani”.

Pochettino i lotuar: Lojtarët e mi janë heronj!

Nuk e ka përmbatjur dot veten Mauricio Pochettino, pasi arbitri i ra bilbilit dhe makthi mori fund në “Johan Cruyff Arena”, ku Tottenham përmbysi Ajax dhe shkoi në finalen e Champions League.

Trajneri argjentinas i “Spurs”, ka folur pas ndeshjes, duke u shprehur se për të ishte shumë e vështirë të komentonte atë që ndodhi, duke mos i mbajtur dot as lotët.

“E kam shumë të vështirë të flas. Emocioni është i mrekullueshëm, faleminderit futboll. Lojtarët e mi janë heronj, kam një vit që i them të gjithëve që kam një grup heronjsh”.

“Faleminderit futboll, ky emocion nuk është i mundur pa futbollin. Faleminderit të gjithëve që kishit besim te ne. Është e vështirë të përshkruaj me një fjalë se çfarë ndjej”.

“Po flisnim përpara ndeshjes se kur punon dhe kur ndjen dashuri nuk është stres, por pasion. Treguam se e duam sportin e futbollit”.

“Është e vështirë të konkurrosh në këtë nivel. Jam shumë mirënjohës që jam trajner. Të jem pjesë e futbollit dhe të marr pjesë në një mbrëmje të tillë. Të gjithë janë heronj por Moura ishte superhero”.

“Nuk dua të harroj familjen time, kjo është edhe për ta. Duhet të jemi gati për ndeshjen e radhës të dielën dhe më pas do të përgatitemi për finalen”.

Moura e Tottenham përmbysin Ajax-in, derbi anglez në finalen e Champions-it (video)

Tottenham ka përmbysur në mënyrë spektakolare Ajax, jo vetëm rezultatin e ndeshjes së parë 0-1 në Angli, por edhe avantazhin 2-0 të ndeshjes së sotme në “Joan Cruyff Arena” në Holandë.

Ndeshja e sotme u mbyll 2-3 në favor të Tottenham, me Lucas Moura që ka qenë heroi i kualifikimit të ekipit të tij me tre golat e shënuar në pjesën e dytë.

Mbështetja elektrizuese e tifozëve të tyre, ka bërë që Ajax të shënoj golin e avntazhit që në minutën e 5′ me De Ligt. Tottenham mundohet të reagojë por gabon shumë në 30 metrat e fundit.

Sakaq vendasit kanë shënuar dhe golin e dytë në minutën e 35′, këtë herë me Ziyech, që ka realizuar me një goditje të bukur nga brenda zonës, duke shkuar në pushim të ndeshjes me avantazhin e dyfishtë.

Megjithatë, në pjesën e dytë ndryshon gjithçka, teksa Pochetino duket se i ka motivuar mjaftushëm të tijët në në dhomat e zhveshjes. Lucas Moura ngushton diferencën në minutën e 55′, pas një aksioni të bukur të Spurs.

Një rrëmujë në zonë dhe shpërqëndrim i mbrojtjes vendase, ka bërë që Moura të rrëmbejë topin dhe të barazojë takimin tre minuta pas golit të parë të Tottenham.

Ndeshja pas këtij mometi bëhet më interesante, pasi skuadrat luajnë gjithçka për gjithçka, teksa dy shtylla, një për Tottenham dhe një për Ajax, mban të pandryshuar rezultatin deri në sekondat e fundit të kohës shtesë.

Lucas Moura ka shënuar përsëri nga brenda zonës duke i dhënë fitoren dhe kualifikimin Tottenham, që tani do të përballet me Liverpool në finalen e madhe të Champions League.

Ajax mund Tottenham, holandezët drejt finales së Championsit (video)

“Nipat e Cruyff” nuk kanë të ndalur në rrugën drejt finales së Champions League, teksa kanë mundur 1-0 Tottenham në ndeshjen e parë gjysmëfinale në shtëpinë e “Spurs”.

Ky rezultat favorizon shumë Ajax për të shkuar në finale, pasi ndeshjen e kthimit ndaj anglezve e luajnë në shtëpinë e tyre.

Miqtë kanë dominuar ndeshjen, duke krijuar presion që në minutat e para me një gjuajtje drejt portës, teksa holandezët kishin epërsi në kontrollin e topit.

Kështu, goli i vetëm dhe i fitores për Ajax nuk ka vonuar me Van de Beek, që ka shkundur rrjetën e Hugo Lloris në minutën e 15′, duke kaluar ekipin e tij në avantazh.

Kjo ishte ndeshja e nëntë radhazi që Ajax shënon në Champions League, duke vendosur një rekord. Rezultati nuk ndryshon në pjesën e parë, por Tottenham humb Jan Vertoghen i cili lë fushën i dëmtuar pas një përplasje në fushë.

Në pjesën e dytë Tottenham përpiqet të bëjë diçka, me Pochettinon që ndryshon dhe skemën e lojës, por skuadra e tij e ka të pamundur të krijojë rrezikun e duhur

Skip to toolbar