Katër makina janë përplasur në një aksident të ndodhur mëngjesin e së martës në Tiranë tek Rruga e Durrësit.
Fatmirësisht aksidenti nuk shkaktoi viktima, por 4 persona kanë pësuar lëndime të lehta.
Shkak i aksidentit dyshohet të jetë bërë shpejtësia e madhe e njërit prej automjeteve që shkaktoi përplasjen me makinat e tjera.
Ndërkaq, policia po punon për zbardhjen e plotë të ngjarjes.
Një 19-vjeçar shqiptar është aksidentuar për vdekje gjatë kohës që ishte duke shkuar për punë. Ai udhëtonte me një motor, ndërsa është përplasur nga një fugon. Përplasja ka qenë tepër e fortë, pasi 19-vjeçari është përplasur në xhamin e përparmë të fugonit dhe më pas ka përfunduar disa metra larg vendit të aksidentit.
I riu ka humbur jetën në vendngjarje, ndërsa sipas mediave italiane thuhej se për dy ditë ai festonte 20 vjetorin.
Një mjet në rrugën hyrëse të qytetit të Lushnjës ka përplasur një biçikletë, ku si pasojë ka mbetur i plagosur rëndë drejtuesi i saj, një shtetas 68-vjeçar, emri i të cilit mësohet të jetë Mefit Dingo.
Ngjarja ka ndodhur mbrëmjen e së shtunës në rrugën hyrëse për në qytet, ku një mjet i tipit “Benz”, me targë AA 055 KM, ka përplasur biçikletën.
68-vjeçari që drejtonte mjetin me dy rrota ka mbetur i plagosur rëndë, dhe menjeherë është dërguar me urgjencë drejt Tiranës për mjekin të specializuar.
Pas ngjarjes, në vend kanë mbrritur policia e cila ka nisur hetimet. Mësohet se uniformat Blu kanë shoqëruar në komisariatin e Lushnjës drejtuesin e mjetit, emri i të cilit nuk bëhet i ditur. Grupi hetimor vijon punën për zbardhjen e rrethanave të aksidentit.
Një aksident tragjik ka ndodhur pak pas mesnate këtë të shtunë në një autostradë në Forli të Italisë. Një mjet tip Volsvagen Pasat, që udhëtonte nga Rimini në drejtim të Bolonjës, me tre persona në bord, është përplasur me një Renaul Clio, ku ndodheshin dy persona brenda tij. Si pasojë e përplasjes së fortë, kanë mbetur të plagosur rëndë tre persona, ndërsa dy persona të tjerë, kanë humbur jetën.
Pikërisht, personat që kanë vdekur në aksident, mësohet të jenë me kombësi shqiptare. Personat që kanë humbur jetën janë përkatësisht një djalë 28 vjeç dhe një grua 38 vjeç, ndërsa identiteti i tyre nuk bëhet me dije. Sipas mediave italiane, operacioni i policisë dhe zjarrfikësve për të nxjerr trupat nga makinat ka zgjatur mbi katër orë për shkak të dëmeve të mëdha që kishin pësuar mjetet nga aksidenti.
Mësohet se gjatë aksidentit, dy persona me shtetësi italo-zvicerane, përkatësisht një grua 49 vjeç dhe një burrë 54 vjeç, janë plagosur rëndë. Policia në Itali raporton se ka nisur hetimet për zbardhjen e shkaqeve të aksidentit, ndërkohë që pritet të mësohet identiteti i dy viktimave nga Shqipëria.
Një aksident i rëndë me 5 persona të plagosur ka ndodhur mesditën e së premtes në Gjirokastër si pasojë e përplasjes së dy automjeteve.
Ngjarja ka ndodhur në afërsi të varrezave publike në aksin Gjirokastër – Kakavijë, në të dalë të qytetit, midis Kordhocës dhe Gjirokastrës.
Policia ka shkuar në vendin e ngjarjes dhe bën të ditur se jane dy automjete të përfshira në aksident. Makina Audi me targa AA 151 UN është përplasur me mjetin BMË X5, me targa AA 656 LM.
Nga aksidenti janë plagosur 5 persona nga një familje. Një grua ndodhet në gjendje të rëndë dhe ëshët nisur me urgjencë drejt Tiranës për mjekim të specializuar.
Policia ndodhet në vendngjarje ndërkohë që të lënduarit janë dërguar në spital për të marrë ndihmën e parë.
Ka nisur me një aksident të rëndë mëngjesi i të premtes, ku një person ka mbetur i vdekur pasi është përplasur nga makina në aksin Milot – Mamurras.
Ngjarja ka ndodhur pranë mbikalimit të Patokut në Kurbin ku një kalimtare ka dashur të kalojë autostradën është përplasur nga një makinë.
“Një këmbësore është përplasur për vdekje rreth orës 07:15, në superstradën Lezhë-Tiranë, në afërsi të vendit të quajtur “Mbikalimi i Patokut”. Viktima është A.M 54-vjeçe banuese në Mirditë dhe ka ndërruar jetë rrugës për në spital. Ndërsa shoferi i automjetit që ka shkaktuar aksidentin është H.A banues në Kosovë”, njofton policia.
Përplasja e dy mjeteve në aksin rrugor Librazhd-Elbasan, ka shkaktuar të paktën tre presona të plagosur, si dhe bllokim të trafikut për rreth 30 minuta. Aksidenti ka ndodhur të enjten pasdite rreth orës 16:00, kur dy mjete në afërsi të fshatit Mirakë janë përplasur mes tyre.
Nga aksidenti kanë mbetur të plagosur tre persona, të cilët janë dërguar me urgjencë drejt spitalit për të marrë ndihmë mjekësore. Ende nuk dihen rrethanat e aksidentit, por nga sa raportohet, ai ka ndodhur në një prej zonave të cilësuar si “njollë e zezë” e aksidenteve rrugore.
Megjithatë, në vendin e ngjarjes ka shkuar policia e cila ka nisur hetimet për zbardhjen e shkaqeve të aksidentit. Ndërkohë, lidhur me gjendjen shëndetësore dhe identitetin e të plagosurve ende nuk jepen detaje.
Dega e Hetimit të Aksidenteve Ajrore në Britani (AAIB) ka zbuluar të tjera detaje tronditëse lidhur me aksidentin ajror ku humbi jetën futbollisti argjentinas Emiliano Sala, në janar të këtij viti. Sipas një raporti të fundit të AAIB, mësohet se në trupin e Sala është gjetur një përqëndrim i lartë i monoksidit të karbonit përpara se të rrëzohej aeroplani.
Testet e toksikologjisë kanë zbuluar se 28-vjeçari kishte një nivel të lartë të COHb (produkt kombinues i monoksidit të karbonit dhe hemoglobibës), është shprehur dega e hetimit të aksidenteve ajrore në Britani. “Konsiderohet mundësia që edhe piloti gjithashtu të ketë qenë i ekspozuar nga monoksidi i karbonit”, thuhet në raportin e hetuesve të aksidenteve ajrore.
Sulmuesi argjentinas ishte në rrugë nga Nantes, Francë për në Cardiff, Uells në janar për të filluar një kapitull të ri në karrierën e tij, kur avioni me një motor Piper Malibu, në të cilin ishte në bord, u rrëzua në Kanalin anglez. Trupi i Sala u gjet dhe u soll në Dorset në shkurt. Funerali u mbajt në qytetin e lindjes së Sala, Progreso, Argjentinë, pasi trupi i tij u nxor nga shtrati i detit.
“Avionët me motor me piston prodhojnë përqendrime të larta të CO që del jashtë avionit”, shkruhej në Buletinin Special të mërkurën. “Mbyllja e dobët e kabinës ose rrjedhja në sistemin e ngrohjes dhe ventilimit mund të sigurojë rrugë që CO të hyjë në kabinë”, shkruhet në raport.
Ekspozimi ndaj CO mund të “zvogëlojë ose pengojë aftësinë e një piloti për të drejtuar një aeroplan në varësi të nivelit të ekspozimit”, thuhet në raportin special. Në këto kushte, piloti mund të ketë humbur ndjenjat për shkak të asfiksimit nga karboni në kabinë së bashku me futbollistin argjentinas, çka ka bërë që më pas avioni të humb kontrollin dhe të rrëzohet.
Një aksident ka ndodhur orët e vona të mbrëmjes të së martës në Kryeqytet. Një mjet është përplasur me një motoçikletë, dhe si pasojë ka mbetur i plagosur drejtuesi i motorit. Aksidenti ka ndodhur pranë QSUT.
Menjëherë pas aksidentit në vendin e ngjarjes ka shkuar policia dhe ambulanca. Personi i plagosur është transportuar drejt spitalit për të marrë mjekim. Mësohet se drejtuesi i motorit është jashtë rrezikut për jetën.
Ndërkohë, ende nuk dihen shkaqet e këtij aksidenti ndërsa policia ka nisur verifikimit për të zbardhur ngjarjen e plotë.
Një i vdekur dhe dy të plagosur është bilanci i aksidentit të rëndë të ndodhur mbrëmjen e të shtunës në qytetin e Lushnjës. Një fugon tip “Volkswagen” me targa AA 001 FT, ka dalë nga rruga dhe ka “fluturuar” mbi lulishte, që ishte e populluar me njerëz.
Për shkak të shpejtësisë së madhe por edhe gjendjes së dehur të drejtuesit, fugoni duke u përplasur me bordurën 60 cm dhe është futur në lulishte duke marrë para njerëzit dhe thyer disa pemë.
Një nga personat ka përfunduar poshtë fugonit duke humbur jetën, ndërsa 2 të tjerë janë plagosur rëndë. Viktimë ka mbetur shtetasja Teuta Alickolli, 50 vjeçe, e cila ishte duke qëndruar me të birin dhe bashkëshortin e saj në lulishte. Ajo është transportuar menjëherë në spital, por nuk ka mundur të mbijetojë.
Të plagosur kanë mbetur bashkëshorti me të birin, të cilët kanë marrë plagë të rënda por janë jashtë rreziku për jetën. Të plagosur janë bashkëshorti Alfred Alickolli 54-vjeç dhe djali Ani Aliçkolli 24-vjeç.
Policia ka arrestuar drejtuesin e mjetit, një shtetas 22 vjeçar me inicialet A.H., i cili drejtonte në gjendje të dehur. Hetimet vijojnë për zbardhjen e plotë të aksidentit.
Lulishtja ka qenë e mbushur me njerëz, por fatmirësisht nuk ka pasur lëndime serioze të tjera.