Britania drejt një tjetër ‘lockdown’? Niveli i alarmit për shkak të Covid-19 kalon në 4

Niveli i alarmit të koronavirusit në Mbretërinë e Bashkuar po kalon nga 3 në 4, që do të thotë se transmetimi është “i lartë ose në rritje eksponenciale”, kanë thënë zyrtarët kryesorë të saj mjekësorë.

Kjo vjen pasi këshilltari shkencor i qeverisë paralajmëroi se mund të ketë 50,000 raste të reja me koronavirus në ditë nga mesi i tetorit pa veprime të mëtejshme.

Të hënën, 4,368 raste me koronavirus, ndwrsa pritet që kryeministri sot të dalë me një deklaratë. Redaktorja politike e BBC, Laura Kuenssberg tha se dukej “shumë e mundshme” që pub-et dhe vendet e tjera në Angli do të detyrohen të mbyllen nga ora 22:00, së bashku me masa të tjera.

Në një deklaratë që konfirmon rekomandimin e tyre për të kaluar në nivelin 4, zyrtarët kryesorë mjekësorë për Anglinë, Skocinë, Uellsin dhe Irlandën e Veriut thanë që rastet tani “po ngriheshin me shpejtësi dhe ndoshta në mënyrë eksponenciale në pjesë të rëndësishme të të katër kombeve”.

Kryeministri i ardhshëm i Britanisë do të zgjidhet vetëm nga 0.2% e popullit

Analizë nga Luke McGee, CNN

Zgjedhësit në Britaninë e Madhe janë gati të zgjedhin kryeministrin e ri. Por në këto zgjedhje jo të gjithë do të thonë fjalën e tyre. Në fakt vështirë se ndokush e bën.

Nga një grup prej 160,000 njerëz, vetëm 0.2% e elektoratit  do të zgjedhë liderin e ardhshëm të shtetit me afërsisht 67 milionë njerëz.

Kjo për faktin se në Britaninë e Madhe kur një kryeministër jep dorëheqjen, siç ndodhi në rastin e May, nuk është e nevojshme që të mbahen zgjedhje të përgjithshme.

Në sistemin parlamentar të vendit, Kryeministri është zakonisht kreu i partisë më të madhe në parlament. Në qoftë se ka një ndryshim të personit në krye të partisë, kryetari i ri partisë merr automatikisht çelësat për Downing Street 10 (godina e qeverisë).

Në rastin konkret njerëzit që do të zgjedhin midis Boris Johnson dhe Jeremy Hunt janë gjithsej 160,000 anëtarë të Partisë Konservative, të cilët kanë nisur të votojnë këtë fundjavë.

Konservatorët kanë një reputacion që janë jashtë realitetit për shkak se janë të pasur.

“Perceptimi klasik i burrave të moshuar të vjetër në pantallonat e kuqe që kërkojnë ditët e mira të vjetra nuk kanë kuptim. Ju keni përbërje shumë të ndryshme të anëtarësimit në Angli, Uells, Skoci dhe Irlandë Veriore”, thotë Lauren McEvatt, një anëtare e partisë konservatore dhe ish këshilltare speciale.

Boris Johnson është duke mohuar realitetin e Brexit

Megjithatë, ndërsa ata mund të jenë një grup i ndryshëm në aspektin e prejardhjeve dhe qasjes së tyre, ata janë larg përfaqësimit të Mbretërisë së Bashkuar në 2019. “Ata janë kryesisht të bardhë, të mesëm dhe të qetë”, thotë Tim Bale, profesor i politikës në Universitetin Queen Mary dhe bashkëautor i librit të ardhshëm “Footsoldiers: Anëtarësimi i Partisë Politike në shekullin e 21-të”.

“Janë gjithashtu 97% të bardhë britanikë, ndërsa rreth 15% e njerëzve në vend janë nga një sfond i pakicave etnike. Ata janë gjithashtu kryesisht meshkuj”, thotë Bale.

Pikëpamjet e tyre politike janë në kundërshtim me kombin në përgjithësi – dhe madje edhe me ligjvënësit konservatorë të ulur në Dhomën e Komuniteteve. “Janë mjaft tradicionalistë”, shpjegon Bale. “Nëse shikoni qëndrimet e tyre mbi emigracionin, drejtësinë dhe arsimin, ata janë socialisht shumë të djathtë”. Krahasojeni këtë me anëtarët konservatorë të parlamentit, të cilët kryesisht votuan në favor të legalizimit të martesës homoseksuale dhe të fushatës kundër Brexit, dhe ju do filloni të shihni litarin e tendosur në të cilin Johnson dhe Hunt duhet të ecin në mënyrë që të fitojnë partinë e tyre, dhe të mos armiqësojnë 98.8%  të zgjedhësve në vend.

Sigurisht që çështja më e rëndësishme tani në Britani është Brexit.

Dhe kjo ka qenë një çështje që ndan konservatorët për dekada, me partinë të ndarë mes erofilëve dhe euroskeptikëve. Fakti që një qeveri konservatore nuk ka arritur të dorëzojë Brexit është parë nga anëtarët e partisë, në rastin më të mirë një tradhti dhe në më të keq, një poshtërim publik.

Jeremy Hunt garon përballë Boris Johnson

Që nga viti 2016, pikëpamja e anëtarësimit në Brexit ka ndryshuar dukshëm. “Partia ka shkuar nga dy të tretat e anëtarëve që kanë pritur për të vendosur sesi do të votonin në referendumin e Brexit, në dy të tretat duke thënë se do të ishin të lumtur nëse s’do kishin asnjë marrëveshje”, sipas hulumtimit nga Tim Bale.

Lauren McEvatt beson se ndryshimi filloi me David Cameron i cili nuk e kuptoi pse kaq shumë prej njerëzve të tij donin të largoheshin nga BE. “Kjo nuk ishte vetëm për emigracionin, por edhe për një perceptim që burrat gri në Bruksel po ndërhynin në jetën e përditshme në Britaninë e Madhe, me rregullime qesharake për gjërat si llamba dhe pastruesit me vakum. Dhe kur ai vinte me një ofertë të tillë nga Brukseli, anëtarët Konservatorë mendonin se ai kishte dështuar” .

Kjo ka ndikuar që May të zëvendësohet muajin e ardhshëm. Stuart Graham, një anëtar i vjetër i partisë thotë se dorëheqja e May i ka “dhënë shumicës së anëtarëve të partisë një pamje të re të jetës dhe një qëllim të ri”.  Kjo, e kombinuar me forcimin e qëndrimit për Brexit, i ka detyruar të dy kandidatët e lidershipit të thonë publikisht se do të ishin të kënaqur të largoheshin nga BE pa një marrëveshje.

Fitimi i anëtarëve mund të jetë i dobishëm për tani, por çdo kryeministër i ri ka të ngjarë që të bëjë ndonjë ndryshim kur të marrë detyrën.

Grindja e Boris Johnson me të dashurën shkaktoi debat në Britani rreth jetës private të politikanëve.

Ndërkohë që të dy Hunt dhe Johnson pretendojnë se planifikojnë të rihapin marrëveshjen e negociuar të Brexit me Theresa May, BE ka thënë se kjo nuk është nje opsion. Dhe ndërsa të dy thonë se ata do të keni fatin e mirë të largohen pa marrëveshje, ata kanë çështjen e vogël të parlamentit të Britanisë së Madhe për të kapërcyer. Parlamenti nuk mund të parandalojë formalisht një Brexit pa marrëveshje, por mund t’i thotë qeverisë se nëse bën këtë, do të ishte katastrofike. Dhe nëse një kryeministër do të shkojë përpara, pavarësisht vullnetit të deklaruar të parlamentit, atëherë ligjvënësit kanë fuqinë për të rrëzuar qeverinë, një skenar që mund të shkaktojë zgjedhje të përgjithshme.

Këtu gjërat bëhen pikante.

Publiku i gjerë (e mbani mend?) do të ketë marrë parasysh të gjitha ato që kanë thënë të dy kandidatët gjatë garës për të fituar lidershipin në Partinë Konservatore. Dhe opinioni publik është aktualisht mjaft më i ndryshëm nga sa është opinioni brenda partisë Konservatore. Një sërë anketash tregojnë se Konservatorët po marrin goditje të mëdha nga partitë në të dy ekstremet e spektrit të Brexit, duke përfshirë edhe partitë që duan të braktisin plotësisht projektin.

Dhe para se të thoni, “po, por sondazhet kanë pasur zakon të gabojnë kohët e fundit”, shikoni zgjedhjet e muajit të kaluar të BE-së, ku konservatorët dhe partia e opozitës Labour përfunduan mbrapa partisë pro-jo marrëveshje Brexit dhe pro-shkëputjen Brexit së bashku me Liberal Demokratët.

Kështu, ndërsa 0.2% e popullsisë mund të instalojnë Brexit e tyre, heroi Boris Johnson muajin e ardhshëm (ose Jeremy Hunt, i cili ka një qëndrim të komplikuar të Brexit), fituesi i fundit mund të jetë duke pirë nga një kupë e helmuar. Dhe, nëse e kuptojnë  këtë gabim, ata mund të përfundojnë si kryeministrat më të shkurtër në histori./CNN

75 vjetori i zbarkimit të aleatëve në Normandi, Mbretëresha bën bashkë liderët botërorë

Mbretëresha Elisabeth përkujtoi të mërkurën heronjtë e D-Day, siç quhet ndryshe 75 vjetori i zbarkimit të aleatëve në Normandi dhe lufta kundër nazistëve.

Më shumë se 300 burra që mbijetuan në pushtimin e Francës në vitin 1944 ishin të ftuar nderi në aktivitetin e organizuar nga Mbretëresha e Britanisë.

Theresa May, Emmanuel Macron, Angela Merkel dhe Justin Trudeau ishin midis politikanëve që u mblodhën në Portsmouth – saktësisht 75 vjet pasi gjenerali i SHBA Dwight D. Eisenhower, Komandanti Suprem i Forcave Aleate në Europë, dha urdhrin përfundimtar për të çliruar Francën e pushtuar nga Gjermania.

Më pas, Mbretëresha në fjalën e saj e cilësoi brezin e luftës, brezin e saj. “Shtatëdhjetë e pesë vjet më parë, qindra mijëra ushtarë të rinj, marinarë dhe avionë zbarkuan në këto brigje me kauzën e lirisë.

Shumë prej tyre nuk do të ktheheshin kurrë dhe heroizmi, guximi dhe sakrifica e atyre që humbën jetën kurrë nuk do të harrohet”, tha lartmadhëria e saj.

Zemra artificiale, gati për t’u përdorur tek njerëzit

Një fashë “pompimi” që përmban miliona qeliza të gjalla dhe që rreh njëlloj si zemra do të ndihmojë shumë njerëz që kanë pësuar një atak kardiak, pohojnë studiuesit.

Fasha pompuese 3cm e rritur në një laborator nga një mostër e qelizave të pacientit, kthehet në një muskul të shëndetshëm pune duke imituar zemrën.

Gjithashtu ajo lëshon kimikate që riparojnë dhe rigjenerojnë qelizat ekzistuese të zemrës.

Testet në lepujt tregojnë se duket e sigurt. Ekspertët e Universitetit Imperial College në Londër treguan rezultatet e studimit të tyre në një konferencë për zemrën në Mançester.

Testimet tek pacientët do të nisin brenda dy viteve të ardhshme.

Një atak në zemër ndodh kur një arterie e bllokuar bllokon rrjedhjen e gjakut në muskujt e zemrës, duke mos lejuar qarkullimin e oksigjenit dhe lëndëve ushqyese.

Ataku në zemër prek rreth 920,000 njerëz në Britani të Madhe.

Studiuesi Dr. Richard Jabbour tha: “Një ditë, shpresojmë që këto fasha pompimi të mund të përdoren në  mënyrë rutinore nga mjekët pas një ataku në zemër”.

Trump takon kryeministren britanike: Pas largimit nga BE, marrëveshje tregtie me SHBA

Në ditën e dytë të vizitës zyrtare në Britaninë e Madhe, presidenti i SHBA-së, Donald Trump është pritur në një takim nga kryeministrja në largim Theresa May, të cilës ai i ka ofruar një marrëveshje shumë të mirë tregtie me SHBA-në, pasi Britania të dalë nga BE.

Trump e bëri një deklaratë të tillë në një takim me drejtues të biznesit, së bashku me kryeministren May, në ditën e dytë të vizitës së tij.

Në këtë takim merrnin pjesë pesë kompani të mëdha biznesi britanike dhe pesë amerikane, ministra dhe zyrtarë të lartë të cilët kanë biseduar në për marrëdhëniet ekonomike mes dy vendeve.

Trump tha se besonte se ka hapësirë për zgjerim të mëtejshëm të tregtisë midis SHBA dhe Mbretërisë së Bashkuar.

“Unë mendoj se do të kemi një marrëveshje shumë, shumë substanciale tregtie,” i tha ai zonjës May.

“Kjo është diçka që doni të bëni dhe njerëzit e mi duan të bëjnë,” shtoi ai.

May tha se kishte “mundësi të mëdha” për Britaninë dhe SHBA-të të punonin së bashku në të ardhmen.

Megjithatë vizita e Trump në Britani është pritur me protesta të shumta të banorëve atje.

Një “demonstrim kombëtar” është planifikuar në Sheshin Trafalgar të Londrës, ndërsa protesta janë mbajtur gjithashtu edhe në Birmingham, Stoke, Sheffield, Glasgow, Edinburg, Chester, Leicester, Oksford dhe Exeter.

Çifti presidencial mbërrin në Britani. Trump sulmon në Twitter kryebashkiakun e Londrës

Presidenti i SHBA Donald Trump dhe Zonja e Parë Melania Trump kanë mbërritur në Britani të Madhe për një vizitë zyrtare tre-ditore.

Air Force One u ul në aeroportin e Stansted në orën 09:00 të mëngjesit të së hënës.

Gjatë kësaj vizite Trump do të takohet me anëtarët e familjes mbretërore dhe pritet të diskutojë ndryshimet klimatike dhe bisedimet me kompaninë e teknologjisë kineze Huawei, gjatë bisedimeve me kryeministrin në largim Theresa May.

Por para se të zbrisnin në Britani, Trump postoi një tweet me kritika për kryetarin e Londrës, Sadik Khan, me të cilin ai është përplasur edhe në të kaluarën.

Sadiq Khan, më parë kishte thënë se Britania e Madhe s’duhet ta hapte qilimin e kuq për z. Trump. Presidenti SHBA-së shkroi në twitter se Khan ishte një “humbës i ftohtë prej guri”.

Ndërkaq në disa qytete të Britanisë janë paralajmëruar protesta për vizitën e Trump, i cili i ka bërë thirrje Britanisë të largohet pa marrëveshje nga BE.

Zgjedhjet Europiane, në Britani dominojnë partitë pro “Brexit”

Partia e Brexit ishte fituesi i qartë i zgjedhjeve europiane në Britani, ndërsa partitë pro Europiane zunë vendin e dytë.

Partia Konservative dhe ajo Laburiste pësoi humbje të madhe, krahasuar me partinë Brextit që ishte parashikuar të merrte më pak se 10% të votave.

Lideri i Partisë Brexit, Nigel Farage tha se dy partitë e mëdha duhet të “marrin një mesazh të qartë nga ky rezultat”.

Kështu nga 64 vende, partia e zotit Farage fitoi 28 të tilla,  Lib Dems 15, Laburistët 10, të Gjelbrit 7, dhe Tories 3.

Britania e Madhe parashikohej që të dilte nga BE më 29 mars, por ky afat u tejkalua ndaj dhe pjesëmarrja e UK në zgjedhjet europiane u bë e detyrueshme.

Partia Brexit kryesoi rezultatet pothuajse në të gjitha rajohet e Anglisë, përveç Londrës.

Z. Farage tha nëse Britania e Madhe nuk do të largohet nga BE deri në afatin e fundit të 31 tetorit, këto rezultate do të përsëriten në zgjedhjet e përgjithshme.

“Asnjëherë më parë në politikën britanike nuk ka një parti e krijuar vetëm gjashtë më parë, të fitoi zgjedhjet në rang kombëtar”, shkroi ai në twitter.

Megjithatë, partitë Anti-Brexit, pra ata që me gjithë zemër janë në favor të një referendumi tjetër, së bashku morën rreth 40% të votave, krahasuar me 35% të votave që morën dy palët në favor të largimit nga BE pa një marrëveshje.

Katër kandidatë për postin e kryeministrit të Britanisë

Janë katër kandidatë që kanë paraqitur zyrtarisht kandidaturën për t’u bërë kryeministër në Britaninë e Madhe, pas dorëheqjes së Theresa May.

Jeremy Hunt, Boris Johnson, Rory Stewart dhe Esther McVey tashmë kanë thënë se do të kandidojnë për postin.

Gara jo vetëm do të sjellë një kryetar të ri partie por edhe një kryeministër të ri, pasi kush merr postin e kryetarit automatikisht zgjidhet dhe kryeministër.

BBC shkruan se lideri i ri do të zgjidhet brenda muajit korrik.

Ndërsa May konfirmoi dje se do të dorëhiqet zyrtarisht nga posti i kryetares së partisë në 7 qershor, por do të qëndrojë si kryeministre deri në zgjedhjen e kryeministrit të ri.

Ka qenë nder t’i shërbej vendit! Theresa May dorëhiqet me lot në sy

Theresa May shpërtheu në lot mëngjesin e sotëm teksa lexoi dorëheqjen e saj nga posti i kryeministres së Britanisë së Madhe. Ajo u shfaq shumë e emocionuar kur lexoi dorëheqjen e saj në Downing Street pas një takimi  që zhvilloi me Graham Brady. Presioni për të dhënë dorëheqjen ka qenë i vazhdueshëm, pasi deputetët janë shprehur kundër planit të saj për Brexit, madje e kanë akuzuar për dështim. Që nga janari, Parlamenti ka hedhur poshtë marrëveshjen e saj të largimit nga BE dhe presioni ndaj saj është shtuar.

“Kam bërë më të mirën. Kam bërë gjithçka. Është dhe do të mbetet një keqardhje e madhe për mua që nuk isha në gjendje të bëja Brexit”, u shpreh May.

Ajo deklaroi se do të qëndrojë në postin e kryeministres deri në datën 7 qershor.  Ajo tha se ka qenë nder i jetës së saj të mbante këtë post, ndërsa uroi që ajo të mos jetë kryeministrja e fundit grua.

Holanda dhe Britania hapin votimet për Parlamentin Europian

Britania dhe Holanda janë shtetet e para që i drejtohen kutive zgjedhore në Parlamentin Europian. Zgjedhjet do të zgjasin 4 ditë, ku do të përcaktohen udhëhqësit e PE për 5 vitet e ardhshme.

Zgjedhjet filluan ditën e enjte dhe do të mbyllen të dielën, duke pasuar me votimin e 28 shteteve anëtare të BE, ndërsa në mbrëmje do të publikohen rezultatet e votimit.

Britani mori pjesë në këto zgjedhje europiane, ndërkohë që është në debate të ashpra brenda vendit lidhur me marrëveshjen e BREXIT.

Anketat paraprake flasin për rritje të forcave mbështetëse ndaj nacionalistëve dhe populistëve, të cilët dëshirojnë të frenojnë fuqitë e BE-së. Ndërsa fuqitë tradicionale si Franca dhe Gjermania këmbëngulin se uniteti është gjëja më e mirë për interesat ekonomikë dhe të sigurisë për BE.

Presidenti francez Emmanuel Macron ka deklaruar më herët se sfida është “të mos i nënshtrohemi një koalicioni shkatërrimi dhe shpërbërjeje”, që do të shkatërrojë unitetin e BE të ndërtuar prej 6 dekadave.

Skip to toolbar