Tag: Chelsea

Zyrtare: Eden Hazard bëhet lojtar i Real Madrid, nënshkruan për pesë sezone

Tashmë është zyrtare, Chelsea i jep lamtumirën Eden Hazard. Klubi nga Stamford Bridge ka njoftuar zyrtarisht se “Chelsea dhe Real Madrid kanë arritur një marrëveshje për transferimin e Eden Hazard”, shkruhet në nisje të deklaratës. Më tej skuadra e presidentit Roman Abramoviç, shkruan se Hazard do të bashkohet me Realin pasi të kryejë testet mjekësore dhe do të nënshrkuajë kontratën.

“Hazard lë Chelsea si një nga lojtarët e mëdhenj në historinë tonë. Ai ndihmoi ekipin të fitojë Premier Ligën në dy raste, Europa League dy herë, FA Kupën dhe Kupën e Ligës një herë. Ai është votuar si “Chelsea Player of the Year” në një rekord prej katër herësh”, thuhet më tej në deklaratë.

Belgu ka luajtur 352 ndeshje me Blutë e Londës, duke shënuar 110 gola. Ai është një nga lojtarët më të mirë të dekadës së fundit për skuadrën e Chelsea. Drejtoresha e përgjithshme e Chelsea, Marina Granovskaia ka thënë: “Megjithëse është e trishtueshme, i themi lamtumirë Edenit. Ne e respektojmë vendimin që ai ka marrë për të nisur një sfidë të re në një vend tjetër ku do të ndjekë ëndrrën e tij të fëmijërisë për të luajtur me Real Madridin”, është shprehur Granovskia.

Më pas ka qenë Real Madrid, që ka publikuar një deklaratë zyrtare, ku shkruan se “lojtari është i lidhur me klubin gjatë pesë sezoneve të ardhshme, deri më 30 qershor 2024. Eden Hazard do të paraqitet si lojtar i ri i Real Madridit të enjten më 13 qershor në stadiumin “Santiago Bernabeu”, pas testeve mjekësore”, shkruan klubi Los Blancos.

Real Madrid mbyll marrëveshjen me Chelsea, pritet prezantimi i Hazard

Real Madrid dhe Chelsea kanë arritur marrëveshjen për sulmuesin belg, Eden Hazard. Gazeta spanjolle “AS” shkruan se dy klubet duket se kanë gjetur një marrëveshje, për transferimin e Hazard nga Londra në Madird.

Ndonëse Chelsea kërkonte 130 milionë euro për të lëshuar Hazard, Abramovic është bindur për ta lënë të lirë belgun për rreth 100 milionë euro, duke parë se kontrata e tij skadon vitin e ardhshëm, ndërsa sulmuesi 28-vjeçar nuk ka shprehur dëshirën për të rinovuar.

Marrëveshja mes dy klubeve është mbyllur në orët e vona të së mërkurës. Megjithatë, Federata Belge e Futbollit nuk ka pasur informacion se nëse lojtari kishte planifikuar një lëvizje drejt Madridit këtë të enjte, pasi aktualisht ai është i grumbulluar me kombëtaren e Belgjikës për dy ndeshjet kualifikuese të Euro 2020.

Veç “AS”, lajmin për arritjen e marrëveshjes mes Real Madrid dhe Chelsea për Hazard e ka shpërndarë dhe “Sky Sport”, që shkruanë detaje të tjera nga transferimi.

Pritet që sulmuesi belg të nënshkruajë një kontratë pesë vjeçare në “Santiago Bernabeu”, teksa ai do të përfitojë veç pagës së lartë, edhe bonuse të tjera financiare. Mediat raportojnë se Real Madrid mund të bëjë që prej kësaj të enjte në mbrëmje prezantimin  e Eden Hazard.

Sarri gati për Juven, Chelsea mendon për Lampard

Maurizio Sarri pret të prishë kontratën me Chelsea, duke patur mundësi për të firmosur me Juventusin. Drejtuesit e klubit italian tashmë janë gati të nënshkruajnë me mbrojtësin e krahut të djathtë të Tottenham, Kieran Trippier, përpara se të mbrrijë Maurizio Sarri në Torino.

Në sezonin e tij të parë në “Stamgord Bridge”, Sarri i siguroi Chelsea Champions LEague, ndërsa fitoi së fundi edhe Europa League. Megjithatë, Sarri ka pasur kritika të shumta gjatë këtij sezoni nga shumë njerëz afër klubit të Chelsea.

Trajneri 60-vjeçar ka pasur të premten një takim me drejtoreshën e Chelsea, Marina Granovskaia. Sarri ka shprehur dëshirën për tu larguar nga klubi, ndërsa Granovskaia ka thënë se për këtë duhet të bisedojë me presidentin e klubit Roman Abramoviç.

Sky Sport raporton se nuk do të ketë pengesë në rrugën e Sarrit për të marrë drejtimin e Juventusit. Ndërkohë, Chelsea po mendon që të rikthejë një ish, si pasues të Sarrit në stolin e Bluve. Bëhet fjalë për trajnerin aktual të Derby, Frank Lampard, i cili shumicën e karrierës së tij e ka të lidhur me klubin londinez.

Derbi i tretë anglez, Liverpool-Chelsea në finalen e Super Kupës së Europës

Edhe finalja e tretë më e rëndësishme për klube, do të jetë përsëri një “derbi” anglez. Pas përfundimit të finales të së shtunës në Madrid, ku Liverpool fitoi ndaj Tottenham në finalen e Champions League, skuadra e Jurgen Klopp bëhet ekipi i dytë finalist i Super Kupës së Europës për këtë sezon.

Përballë Reds do të jetë skuadra e Chelsea, që fitoi finalen tjetër Europiane, atë të Europa League ndaj Arsenal. Ndeshja finale e Super Kupës së Europës do të zhvillohet më 14 gusht të këtij viti, në stadiumin “Vodafon Park” në Stamboll me kapacitet 41.000 vende.

Për Liverpool kjo do të jetë finalja e parë pas 14 vitesh edhe në Super Kupën e Europës, që prej vitit 2005, kur skuadra aso kohe drejtohej nga Rafael Benitez, që fitoi në finale ndaj CSKA Moskës 3-1 në Monako.

Super Kupa e Europës shihet si ndeshja e parë hapëse e sezonit 2019/20 të futbollit për klube në Europë. Kjo do të jetë hera e parë që finalja e Super Kupës së Europës do të zhvillohet në Turqi.

Kjo do të jetë hera e tetë në historinë 44-vjeçare të Super Kupës së Europës, që dy finalistet do të jenë ekipe nga i njëjti vend. Më herët kanë qenë pesë herë ekipet spanjolle (2006, 2014, 2015, 2016 dhe 2018) dhe dy herë ekipet italiane (1990 dhe 1993). Në finalen e këtij viti të këtij kompeticioni, do të përdoret për herët të par VAR.

Chelsea shkatërron Aresnalin në 20 minuta dhe fiton Europa League

Chelsea ka fituar kupën e dytë më të rëndësishme europiane për klube, pasi ka mundur Arsenalin në finalen e mdhe të UEFA Europa League, me ndeshjen që u zhvillua në Baku të Azerbajxhanit.

Skuadra e Maurizio Sarrit ka shpërthyer në pjesën e dytë të ndeshjes, me Giroud që hapi serinë e golave për Blutë e Londrës. Pas pjesës së parë, që prodhoi lojë dinamike, por pa gola, në të 49′ e pjesës së dytë ishi Arsenalit, ndë shkon Peter Cech me një gol të bukur me kokë nga brenda zonës.

Pas 11-të minutash nga goli i parë, Chelsea dyfishon me Pedron, që realizon pas një asisti nga Eden Hazard. Por në të 65′ belgu do të tundte rrjetën e mbrojtur nga ish-shoku i tij i skuadrës te Chelsea, por që sonte mbronte portën e Arsenalit, në atë që ishte ndeshja e fundit të karrierës. Hazard gjeti rrjetën nga pika e bardhë e penalltisë, por Arsenal ngushtoi me Iwobi në minutën e 69′, pas një goditje spektakokare nga jashtë zone.

Por Chelsea nuk toleron, pasi Hazard shënon golin e katërt në minutën e 72′, pas një goditje të bukur nga brenda zonës. Me rezultatin 4-1 Chelsea ngre lart për herë të dytë në historinë e tij trofeun e Europa League, pasi më herët e kishte fituar në sezonin 2012-2013. Kjo mund të ketë qenë ndeshja e lamtunirës për shumë lojtarë nga të dyja ekipet.

Eden Hazard është pranë kalimit te Real Madrid, ndërsa portieri i Arsenalit Peter Cech pas finales do të varë këpucët në gozhdë. Ish-portieri legjendar i ekipit nga Stamford Bridge do të rikthehet te Chelsea në pozicionin e drejtorit.

Agnelli takon Sarrin në Azerbajxhan, ndërmjetës është një…shqiptar

Juventus është në kërkim të një trajneri të ri, pas shkarkimit të Masimilliano Allegrit. Zonja ka nisur kërkimet, teksa mediat kanë publikuar shumë emra, nga Ancelotti, Guardiola, Pochetino e Maurizio Sarri.

Në fakt ky i fundit duket se do të jetë dhe kandidati më i mundshëm për të drejtuar Juven sezonin e ardhshëm. “Tuttosport” ka zbuluar dhe ka publikuar një foto këtë të mërkurë, ku shihet presidenti i Juventusit Andea Agnelli në një hotel në Baku të Azerbajxhanit. Në fakt, deri këtu nuk ka asgjë të çuditshme.

Në fakt, Agnelli ka zgjedhur të qëndrojë, ndoshgta për të ndjekur finalen e Europa League sonte në mbrëmje, në hotelin ku është duke qëndruar ekipi i Chelsea.

Media italiane shkruan se mëngjesin e kësaj të mërkure ka pasur dhe një takim mes Agnellit dhe Sarrit, ku gjasat janë që të dy të kenë biseduar edhe për arritjen e një marrëveshje të mundshme.

Në tavolinë ka qenë i pranishëm dhe agjenti shqiptar Fali Ramadani, i cili është duke bërë ndërmjetësin në negociatat mes Sarrit dhe Agnellit.

Tashmë priten zhvillimet e reja nga kampi bardhezi, ku ndoshta pas finales së sotme të Champions League, Sarri mund të rikthehet në Itali.

Finalja e Europa League, Hazard: Nëse fitojmë do ishte përsosmëri

Eden Hazard pritet të largohet këtë verë nga Chelsea në drejtim të Real Madrid, por palët ende nuk kanë arritur akordin financiar për transferimin. Blutë e Londrës kërkojnë të paktën 130 milionë euro për mesfushorin belg, por “Los Blanocs” ofron jo më shumë se 100 milionë euro. Kjo për arsyen se Hazard është në vitin e fundit të kontratës së tij me skuadrën nga Stamford Bridge.

Megjithatë, të gjitha gjasat të çojnë te arritja e marrëveshjes, dhe kjo mund të kryhet direkt pas finales së UEFA Europa League, që Chelsea do të luajë kundër Arsenalit nesër. Pikërisht për këtë të finale, Hazard ka folur për medit duke u shprehur se nëse e fiton trofeun e kupës së vogël evropiane, për të do të ishte “lumturia e përsosur” te Chelsea nëse ai do të largohet gjatë verës.

“Është një garë evropiane, kështu që për mua, për klubin, për trajnerin, për tifozët dhe është diçka e rëndësishme,” tha ai. “Kur luani një finale, nuk ka rëndësi nëse është Champions League, Europa League apo League Cup, ne duam vetëm të fitojmë, duam të sjellim trofeun në shtëpi dhe të festojmë”.

“Unë vetëm dua ta fitoj trofeun, kjo është e gjitha. Nuk ka rëndësi nëse shënoj apo nuk jo. Nëse është ndeshja ime e fundit, shpresoj ta sjell trofeun. A do të ishte lamtumira e përkryer? Po”, ka thënë Hazard.

Europa League, flet “shqiptari” i finales. Mustafi: Arsenal fiton ndaj Çelsit nëse luan mirë në mbrojtje

Futbollisti me orgjinë shqiptare, Shkodran Mustafi, ka folur tre ditë para ndeshjes finale të Europa League mes Arsenalit dhe Chelsea. Mbrojtësi i “Gunners” ka treguar se finalja do të vendoset nga mbrojtja respektive e të dy ekipeve.  Sipas Mustafit, Arsenali ka mbrojtje më të mirë se rivalët e Chelsea, dhe këtu do të qëndrojë suksesi i ekipit të tij.

“Bëhet fjalë për mënyrën se si e fillojmë lojën dhe cili nga ekipet do të jetë më i organizuar. Ne e njohim shumë mirë njëri-tjetrin, pasi kemi luajtur shumë herë kundër njëri-tjetrit. Ata i njohin dobësitë tona, gjithashtu dhe ne i njohim pikat e tyre të dobëta. Çështja është se kush do gabojë më pak”, ka thënë fillimisht Mustafi.

“Unë  besoj tek ekipi im, jemi gati për t`i mundur ata. Finalja ndaj Chelsea në Europa League do të jetë ndryshe nga ndeshjet në Premier League. Do të jetë një ndeshje ku gabimi më i vogël të ndëshkon”.

“Kjo është arsyeja pse duhet të jemi të kujdesshëm. Detyra jonë si mbrojtës është të përpiqemi të mbulojmë sa më shumë. Nëse në bëjmë 90% të punës tonë, dhe kundërshtari shfrytëzon 10%, puna jonë do të harrohet”, ka thënë Mustafi.

Peter Cech do të rikthehet te Chelsea në një rol të ri!

Chelsea ka në plan të rikthejë ish-portierin Peter Cech në Stamford Bridge. Por Çeku nuk do të rikthehet më për të mbrojtur portën e Bluve, por në një rol të ri. Roman Abramovich mendon që Peter Cech të emërohet Drejtor Sportiv i Chelsea, pasi ky i fundit të lërë futbollin e luajtur në verë.

Portieri aktual i Arsenalit, që këtë të hënë mbushin 37 vjeç, njoftoi se do të tërhiqet nga futbolli pas ndeshjes finale të Europa League, që do të zhvillohet të mërkurën e ardhshme në Azerbaixhan. Chelsea ka qenë pa drejtor sportiv që nga dorëheqja e Michael Emenalo në nëtor të 2017, teksa këtë detyrë e ka mbuluar përkohësisht Marina Granovskaia.

Ende nuk është e qartë se çfarë përgjegjësish do të ketë Cech, por ai mund të ndajë një pjesë të barrës në drejtimi të rekrutimit të lojtarëve. Ky lajm i publikuar në mediat britanike ka tërhequr dhe vëmendjen e vetë portierit, i cili ka reaguar në rrjetet sociale duke shkruar se vendimi për të ardhmen do të merret pas ndeshjes së fundit me Arsenalin në Europa League.

“Pavarësisht nga lajmet sot, siç i kisha thënë të gjithëve më parë, unë do të marr një vendim për të ardhmen time pas ndeshjes së fundit. Tani fokusi im është të fitoj Europa League me Arsenalin”, ka thënë Cech.

Gattuso drejt largimit, Milani gjen trajner në Londër!

Gennaro Gattuso nuk do të jetë sezonin e ardhshëm trajner i Milanit, të paktën kështu kanë lënë të kuptohen lëvizjet e fundit në shtëpinë e “Djallit”. Administratori i Milanit, Ivan Gazidis ka planifikuar javën e ardhshme një udhëtim drejt Londrës, ku sipas mediave qëllimi i kësaj vizite do të jetë një takim me Mauriocio Sarrin.

Trajneri aktual i Chelsea ka pasur tensione kohët e fundit me drejtuesit e klubit, pas dëmtimit të Loftus-Cheek, i cili u dëmtua në një ndeshje miqësore mes Chelsea dhe New England Revolution në SHBA. Ky mini turne e ka shqetësuar shumë Sarrin që tashmë rrezikon të humbasë një lojtar të rëndësishëm për finalen e Europa League.

Megjithatë, edhe nëse Sarri fiton finalen e trofeut europian, pozitat e tij në stolin e Chelseat nuk janë të sigurta. Ndaj në Milano kërkojnë ti paraprijnë situatës në rast të një shkarkimi të mundshëm të trajnerit të londinezëve, duke e sjellë atë përsëri në Itali.

Skip to toolbar