Tag: Eros Grezda

Grezda kthehet ku e nisi, bashkohet me Osijek

Eros Grezda është zyrtarisht futbollist i Osijek, skuadër nga e cila u largua dy vite më parë. Sulmuesi nga Gjakova u prezantua të martën tek ekipi kroat duke i dhënë fund aventurës në Skoci te Rangers. Ndërkohë, 24-vjeçari foli për kanalin zyrtar të klubit duke u shprehur se gjatë kësaj periudhe kishte pasur disa oferta. Por në fund kishte vendosur të luante për Osijek.  

“Kam pasur disa oferta, si nga shtete të tjera ashtu edhe nga Kroacia. Madje kisha edhe oferta nga nga konkurrentët në këtë kampionat. U interesuan për të marrë shërbimet e mia edhe Hajduku me Rijekën, por unë vendosa të vij këtu.”, u shpreh Grezda në fjalimin e tij.

Sulmuesi ndërkombëtar i Shqipërisë luajti 17 ndeshje për Rangers, pasi arriti te skuadra e Steven Gerrard për 2 milion euro, në një kontratë 4-vjeçare nënshkruar në verën e vitit 2018. Sulmuesi shënoi një dygloësh në vetëm një ndeshje me ekipin e parë të Rangers në sfidën ndaj Motherwell.

Ndërkohë, Rangers njoftoi shkurtimisht për largimin e lojtarit. “Rangers konfirmon se sulmuesi shqiptar Eros Grezda i është bashkuar Osijek në mënyrë të përhershme”. Ndërsa klubi skoces nuk bën të ditur vlerën që kroatët kanë paguar për rikthyer Grezdën në Osijek.

Uzuni, Grezda e Balaj, me gola vendimtarë

Myrto Uzuni gjeti të mërkurën pasdite rrjetën, duke ndihmuar skuadrën e tij të kualifikohet në turin tjetër të Kupës së Kroacisë. Sulmuesi nga Berati, u aktivizua titullar me Lokomotivën e Zagrebit në Kroaci, duke shënuar golin e dytë të takimit në minutën e 76-të të sfidës, ndërsa Lokomotiva fitoi me rezultatin final 3-0 ndaj Vinogradar, duke kaluar më tej në Kupë.

Ndërkohë, në takimin e të mërkurës me Lokomotivën, ishin në fushën e lojës plot katër futbollistë shqiptarë, tre nga Shqipëria dhe një nga Kosova. Titullar, së bashku me Uzunin e nisën dhe Jon Mersinaj në mbrotje, Indrit Tuci dhe kosovari Lirim Kastrati në Sulm. Për Myrto Uzunin ky ishte goli i tretë për këtë sezon, ndërsa dy golat e tjerë i ka shënuar në kampionat.

Në formë të mirë janë dhe dy sulmuesit e tjerë të kombëtares. Eros Grezda shënoi një ditë më parë dy golat e kualifikimit të të rinjve të Rangers në Skoci në turin tjetër të Challange Cup, duke konfirmuar se është duke u rikthyer në formë të mirë.

Edhe sulmuesi tjetër i kombëtares, Bekim Balaj gjeti rrjetën më Strum Graz. duke ndihmuar skuadrën e tij të kalojë në turin tjetër të Kupës së Austrisë. Ky është lajm i mirë për trajnerin e ekipit kombëtar Edy Reja, për dy ndeshjet e fundit kualifikuese të Euro 2020.

Skandal te Rangers, Grezda nën hetim, pështyu kundërshtarin

Eros Grezda do të përballet me një hetim të skuadrës së tij Rangers, pasi akuzohet se ka pështyrë lojtarin e skuadrës së Ballymena. Sulmuesi nga Gjakova po aktivizohet prej kohësh me ekipin e dytë të Rangers, pasi nuk është në planet e Steven Gerard. Në sfidën kundër Ballymena, në fund të takimit, sipas mediave në Britaninë e Madhe, mësohet se Eros Grezda ka pështyrë një futbollist të skuadrës kundërshtare. Bëhet fjalë për Andrew Burns.

Mësohet se tensionet kanë nisur gjatë ndeshjes në fushën e lojës me lojtarët kundërshtarë, duke përfunduar me xhestin anti-sportiv ndaj kundërshtarit. Ndërkohë, një zëdhënës i skuadrës së Rangers, është shprehur për mediat se “për çfarëdo veprimi të lojtarit të tyre do të nisë një hetim”.  

Ndërkohë, trajneri i skuadrës kundërshtare është shprehur se Grezda ka kërkuar falje për xhestin, por kjo nuk e shpëton atë nga hetimi. Futbollisti i kombëtares shqiptare, luajti 84 minuta në takimin që Rangers fitoi 1-0 ndaj Ballymena. Grezda nuk aktivizohet me skuadrën e parë të Rangers që pas fitores 3-0 ndaj Motherwell në prill të këtij viti.

Grezda largohet nga kombëtarja, FSHF: Arsye personale! E vërteta sipas nesh

Një ditë më parë, Federata Shqiptare e Futbollit, lajmëroi se tre lojtarë nuk do të jenë në dispozicion të trajnerit Edy Reja për dy ndeshjet zyrtare ndaj Moladavisë dhe Islandës.

Ledian Memushaj, Egzon Binaku dhe Marash Kumbulla ishin tre emrat, me dy të parët për arsye dëmtimi dhe i treti pasi grumbullohet me U-21, që nuk do të luanin me ekipin përfaqësues.

Megjithatë, këtë të shtunë, trajneri Edy Reja ka mësuar se nuk do të ketë në dispozicion edhe një tjetër lojtar. Bëhet fjalë për sulmuesin anësor, Eros Grezda. Ky i fundit sipas një njoftimi të FSHF-së largohet nga grumbullimi për arsye personale.

FSHF

Eros Grezda nuk do të jetë pjesë e skuadrës për dy ndeshjet e rradhës për arsye personale. Lexo të plotë

“Ka ndryshime në listën e kombëtares A për dy ndeshjet zyrtare ndaj Islandës në transfertë më 8 qershor dhe Moldavisë në “Elbasan Arena” më 11 qershor ora 20:45. Eros Grezda nuk do të jetë pjesë e skuadrës për dy ndeshjet e rradhës për arsye personale”.

“Trajneri Reja ka thërritur në skuadër Lorenc Trashin, nga Partizani, që do të bashkohet me grupin në ndeshjen e sotme në “Elbasan Arena”, ku kuqezinjtë do të luajnë përballë U-21 të drejtuar nga Alban Bushi”, shkruhej në njoftimin e FSHF.

Edhe media të ndryshme, kryesisht ato sportive e kanë publikuar lajmin e dhënë nga FSHF, se lojtari është larguar nga kombëtarja për arsye personale, duke theksuar ai nuk ka pasur dëmtim.

TELESPORT

E çuditshme: Futbollisti braktis kombëtaren për arsye personale, Trashi e zëvendëson Lexo të plotë

Sipa nesh!

Megjithatë, RealStory.al ka mësuar se në fakt Eros Grezda është larguar nga grumbullimi pasi ka pasur probleme me muskujt e kofshës (auktorin), çka e ka detyruar sulmuesin të largohet nga ekipi ynë kombëtar.

Sulmuesi kuqezi, që aktivizohet me Rangers në Skoci, nuk ka pasur një sezon të mirë, teksa i është dashur të përballet me disa dëmtime, të cilat e kanë mbajtur jashtë fushës për shumë kohë.

Së fundi ai ishte rikuperuar dhe ndihej gati për të luajtur, por duket se ka ardhur dëmtimi i radhës, që tashmë e penalizon edhe për aktivizimin në ekipin kombëtar.

Derbi i Skocisë, Gerrard i pavendosur për aktivzimin e Grezdën!

Dëmtimet e shumta dhe forma jo e mirë gjatë këtij sezoni, kanë bërë që Eros Grezda të luajë pak me Rangers në Skoci. Futbollisti i kombëtares shqiptare ende pret të rikthehet në formën e tij më të mirë, duke për të dhënë kontribut me klubin e tij.

Tashmë ai është në formë të mirë, por nuk ka gjetur hapësira pasi trajneri Gerrard i ka besuar një formacioni fiks, që ka pasur dhe rezultate. Megjithatë, Grezda mund të ketë një shans.

Të dielën do të luhet derbi mes Rangers dhe Selltic, ku pavarësisht se pikët nuk vlejnë më për të dy ekipet, krenaria është ajo që i vë “zjarrin” kësaj sfide në Skoci.

Rangers do të jetë dy mungesa të rëndësishme, me Kyle Lafferty që ka një lëndim dhe Lee Wallace që ka një problem muskulor. Sakaq, në konferencën për shtyp, Steven Gerrard është shprehur se Grezda mbetet në dyshim, por duke lënë të hapur gjithçka.

Sezon zhgënjyes me Rangers, skocezët presin shpërthimin e Grezdës vitin tjetër!

Eros Grezda ka luajtur 17 ndeshje këtë sezon me Rangers në Skoci, duke shënuar dy gola dhe asistuar një tjetër në kampionat.

Këto statistika nuk janë mjaftueshëm për të justifikuar 2 milionë euro, që Rangers i dha Osijekut shtatorin e kaluar për të marrë sulmuesin e Kombëtares shqiptare.

Megjithatë, Grezda ka treguar në momente të caktuar se është lojtar me potencial të madh dhe mund të ndihmojë shumë skuadrën në sulm.

Dëmtimet kanë qenë faktor i rëndësishëm në rendimentin e Grezdës gjatë këtij sezoni te Rangers, çka ka bërë që futbollisti të mos aktivizohet sa duhet, për të bindur trajnerin Gerrard.

Ky i fundit ishte njeriu që bindi klubin të sillte Grezdën në “Ibrox”, duke e bërë atë futbollistin e 14-të që firmoste për Rangers verën e kaluar.

Disa prej lojtarëve si: Alfredo Morelos, Scott Arfield, Ryan Kent dhe James Tavernier, kanë pasur sezon pozotiv te skuadra e Rangers, pavarësisht se në luftën për titull nuk ia dolën.

Megjithatë, mediat skoceze, duke analizuar paraqitjen e sulmuesit shqiptar me gjithë problemet që ka pasur ai këtë sezon, besojnë se vitin e ardhshëm Grezda pritet të shpërthejë me skuadrën e Gerrard.

Skip to toolbar