Tag: Juventus

Icardi larg Interit, drejtuesit mendojnë shkëmbimin me yllin e Juves!

Mauro Icardi mbetet ende temë diskutimi tek Inter. Lidhur me të ardhmen e tij nuk ka asgjë konkrete deri tani, teksa zërat për një largim të mundshëm nga Milano shtohen gjithnjë e më shumë.

Problem mes klubit dhe lojtarit nuk është vetëm marrëdhënia e tensionuar mes palëve, por dhe klauzola e Icardit, që parashikon një shumë prej 110 milionë euro për transferimin.

Kjo vjen edhe prej faktit se tek Inter ende nuk është vendosur nëse do të ketë ndryshime në stol. Nëse Spalleti do të vijojë të drejtojë “zikaltrit”, gjasat janë që ish-kapiteni i Interit të kërkojë një tjetër klub.

Interi e ka të qartë se pak klube mund të ofrojnë një shumë të tillë për lojtarin, prandaj, sipas “Tuttosport”, drejtuesit e klubit milanez mund të pranojnë dhe shkëmbimin kokë më kokë.

Në këtë kuptim, rruga që çon Icardi te Juventusi, ku Marotta dëshiron “të peshkojë” Paulo Dybala, “nxënësin” e tij të vjetër, mbetet e hapur.

Edhe mundësia e shkuarjes së Icardit te Napoli nuk përjashtohet. Në këtë rast, shkëmbimi do të bëhej me Lorenzo Insigne, i cili mund të shkojë tek Interi.

Sipas “Tuttosport”, Wanda Nara, nga ana e saj, do të preferonte të qëndronte në Itali për arsye profesionale dhe familjare. Kjo do të thotë se zgjidhja më e rehatshme do të ishte transferimi i Icardit te Juventusi.

Nga jashtë, megjithatë, opsioni i vetëm i hapur mbetet Madridi, ku Atletico po mendon seriozisht për të, ndërkohë që Reali është klubi i ëndrrave të Maurito.

Juve i ofron rinovim Moise Kean me pagë të majme!

Moise Kean ka shpërthyer këtë sezon në Serie A, ndërsa Juventus sheh një yll në ngritje çdo ditë e më shumë. Për këtë arsye skuadra “bardhezi”, do të rinovojë kontratën me sulmuesim 19-vjeçar, teksa negociatat kanë nisur tashmë mes klubit dhe agjentit të futbollistit, Mino Rajola.

Parqitjet e mira të Kean në ndeshjet e fundit me “Zonjën”, ka rritur interesin për futbollisti. Zv.presidenti Pavel Nedved dhe drejtori sportiv i Juves, Fabio Paratici, po mundohen të bindin lojtarin për rinovimin e kontratës me klubin.

“Tuttosport”, ka zbuluar se Kean do të përfitojë rreth 2 milionë euro me kontratën e re, nga 550 mijë që përfiton aktualisht. Një shifër goxha e lartë për një lojtar kaq të ri, që vetëm së fundi ka filluar të luajë rregullisht.

Gjithsesi Kean ka bindur të gjithë duke shënuar 6 gola në 7 ndeshje me Juventusin. Madje ai vendosi rekord me Juventusin, duke u bërë 19-vjeçari i parë që shënon 8 gola në këtë moshë.

Dominon Serinë A tetë vitet e fundit, ja formacioni më i mirë i Juves në histori!

Tetë tituj radhazi në Itali, një ekip solid që dominon nga fillimi deri në fund të Serisë A, pavarësisht se në kupat e Europës ka dështuar.

Ky është Juventusi me Masimiliano Alegrin në krye që sapo është shpallur përsëri kampione e Italisë, duke lënë thatë rivalët e tjerë të këtij kampionati.

Të gjitha sukseset i dedikohen një pune të madhe në merkato, me familjen “Anjeli” që nuk ka i kursyer lekët për të sjellë në Torino lojtarë cilësor, të cilët kanë bërë diferencën.

“La Gazzetta dello Sport” ka hartuar top-formacionin e Juventusit, sipas saj, në tetë vitet e fundit, kur titulli në Itali është parë me “dylbi” nga gjithë të tjerët.

Në videon e mëposhtme mund të shihni emrat e lojtarëve, pozicionet e tyre, të vendosur sipas modulit 3-4-3, si dhe diçka unike nga secili, në këtë periudhë 8-vjeçare.

Ky formacion përbëhet nga: Buffon – Barzagli, Bonucci, Chiellini – Vidal, Pirlo, Marchisio, Pogba – Del Piero, Tevez, Ronaldo.

Ronaldo qetëson tifozët e Juves: Ky është vetëm fillimi!

Cristiano Ronaldo u bë pjesë e historisë së Juventusit këtë sezon, duke u shpallur Kampion i Italisë me klubin torinez. Portugezi erdhi me misonin që do të çonte “Zonjën” drejt fitores së Ligës së Kampionëve, por gjërat nuk shkuan siç duhet.

Pavarësisht kësaj, CR7 është një nga lojtarët më të mirë të Juves këtë sezon, duke i dhënë titullin e tetë radhazi në Serinë A. Portugezi ka bërë një reagim në rrjetet sociale ku shprehet:

“Krenar që kam kontribuuar në shkrimin e historisë së një klubi të jashtëzakonshëm, që më ka kërkuar me ngulm dhe për të cilin jam i nderuar të luaj. Jam i lumtur. Kemi dominuar një kampionat të vështirë, kemi luftuar të gjithë bashkë”.

“Jemi një grup i fortë dhe i jashtëzakonshëm! Ky është vetëm fillimi! Juve e madhe”, ka shkruar CR7 në Instagram për të festuar titullin e tetë radhazi të bardhezinjve.

Tani, Ronaldo ka një objektiv për të arritur në pesë ndeshjet e mbetura të kampionatit italian. Synimi i tij do të jetë të fitojë titullin e golashënuesve, gjë që e ka bërë në Spanjë dhe në Angli.

Të shtunën, ai do të përballet me Interin, skuadër ndaj së cilës nuk ka shënuar në fazën e parë. Është e lehtë të imagjinohet se portugezi do ta harrojë festën e titullit pasi të shkelë fushën e “San Siro-s”.

Juve harron zhgënjimin në Champions, feston titullin (video)

Titulli i tetë radhazi në Itali për Juventusin u bë realitet mbrëmjen e sotme, pasi ‘Zonja’ mundi Fiorentinën në shtëpi dhe u shpall fituese e Serisë A, pasi tani ia lejon matematika.

Skuadra “bardhezi” mundi 2-1 Fiorentinën me përmbysje, duke hedhur pas krahëve eleminimin nga Champions, teksa këtë gjë e bëri në mënyrën e duhur, pikërisht duke festuar titullin.

Ishte Milenkovic i miqve ai që shënoi golin e avantazhit në minutat e para të takimit. Pak më vonë Chiesa me pak fat mund të kishte dyfishuar, por tentativa e tij ndalet nga shtylla.

Ishte Alex Sandro ai që barazoi rezultatin në minutën e 37’ me kokë përpara se Chiesa të godiste edhe njëherë tjetër shtyllën.

Pas pushimit ishte autogoli i Pazzella-s ai që i dha fitoren Zonjës së Vjetër. Një arritje e pakrahasueshme e Juventus me titullin e 8-të radhazi.

Materaci në Tiranë thumbon Juven dhe vlerëson Edi Rejan!

Ish-mbrojtësi i Interit, Marko Materaci ka qenë i ftuar në Tiranë në një event, teksa ardhja e tij ka mbledhur qindra fansa tifozë të Interit, ekip me të cilin 45-vjeçari ka luajtur dhe fituar shumë trofe.

Gjatë fjalë së mbajtur për mediat shqiptare, “The Matrix”, ka analizuar eleminimin e Juves nga Ajax në çerekfinalen e Champions League, duke mos i kursyer thumbat për ish-ekipin rival të Serisë A.

“Si tifoz interist që jam, nuk më vjen keq për eliminimin e Juventusit nga Champions. Megjithatë mund të them që ndoshta mund ta fitojnë një ditë. Gjithsesi nuk bëj tifo për Juventusin, sepse jam tifoz i Interit.

Barcelona mendoj që ka shanse ta fitoje Champions, sepse ka një skuadër të fortë. Megjithatë, nuk do jetë e lehte të kalojë Liverpulin, në një gjysmëfinale mjaft të fortë edhe interesante”, deklaroi Materaci.

Më tej ai i është përgjigjur interesit të gazetarëve për trajnerin e ri të Kombëtares, Edi Reja. Materaci është shprehur se ai është një trajner qē ka bërë mirë te Lacio dhe Napoli, ndërsa ka theksuar se Shqipëria ka një ekip cilësor.

“Shqipëria ka marrë një trajner kompetent si Edi Reja, i cili ka punuar shumë mirë te Napoli dhe te Lazio. Është një prej teknikëve të gardës së vjetër, por që e njeh mirë punën e tij.

Keni një kombëtare cilësore, edhe pse ne dy vitet e fundit ka pasur rënie pas pjesëmarrjes në Europian. Megjithatë, keni lojtarë cilësorë që aktivizohen në liga të rëndësishme, madje edhe në Itali”, u shpreh Materaci.

Reagon Dibala: Kapitenët vuajnë më shumë në humbje!

Paulo Dybala nuk po kalon një sezon të mirë te skuadra e Juventus, teksa deri më tani ka shënuar vetëm 5 gola në kampionat. Pak ndeshje të luajtura, shto këtu dhe problemet me dëmtimet, ka bërë që argjentinasi të mos jetë në ditët e tij më të mira.

Ai e nisi si titullar takimin që Juve luajti ndaj Ajaksit në çerekfinalen e Champions League, duke mbajtur dhe shiritin e kapitenit pasi mungonte Chiellini. Mirëpo sulmuesi pritet të mungojë në takimin e radhës në kampionat atë kundêr Fiorentinës, ku ‘Zonja’ pirtet të festojë titullin e tetë radhazi në Itali.

Argjentinasi, përmes rrjeteve sociale ka ripohuar dashurinë për fanellën që mban veshur nga qershori 2015.

“Kapitenët vuajnë edhe më shumë në humbje, ata kalojnë ngadalë, në heshtje. Dhimbja do të kalojë, por bukuria e sportit është se ka gjithmonë një tjetër trofe, një tjetër kupë, një tjetër sezon”.

Kështu shkruan Dybala, teksa është i pari nga kampi bardhezi, që thyen heshtjen, pas eliminimit nga Liga e Kampionëve prej Ajax-it.

Mesazhi është i qartë, mbart më shumë se një kuptim. Nëse zërat e medias e shohin në largim nga “Zonja e Vjetër”, vetë Dybala përdor Instagram-in për t’i bërë gjërat të qarta. Qëllimi i tij nuk është thjesht të përpiqet të fitojë përsëri, por ta bëjë këtë me fanellën e Juventusit.

Ajax shkëlqen me talentet dhe gjunjëzon Ronaldon (video)

Juventus është dorëzuar para talenteve të Ajax në shtëpi, duke u skualifkuar në çerekfinalen e Champions League. Skuadra e Allegrit nuk ka mundur të ruajë avantazhin që i dha Cristiano Ronaldo në minutën e 28` të takimit, duke u mundur me rezultatin 1-2 nga hollandezët, të cilët shkojnë në gjysmëfinale.

Vendasit e nisën më mirë ndeshjen duke kaluar të parët në avantazh me të përhershmin, Cristiano Ronaldo. Ky i fundit realizoi me kokë në minutën e 28` pas një goditje këndi, e shërbyer nga Pjanic.

Në fakt, pas goli arbitri u konsultua me teknologjinë (VAR-in), për të konfirmuar golin e portugezit pasi miqtë patën pretendime për një faull në zonë.

Mirëpo Ajax nuk dorëzohet dhe reagon menjëherë. Van de Beek realizon golin e barazimit, pasi merr një pasim brenda zonës, dhe përballë Sheznit realizon golin e barazimit. Ky gol krijon besim te skuadra mike, megjithëse pjesa e parë mbyllet në shifra të barabarta.

Në pjesën e dytë Ajax kërkon golin e fitores, ndërsa Juve vuan problemet në mbrojtje. Kështu do të shënohej dhe goli i dytë për miqtë, nga Matthijs de Ligt. Qendërmbrojtësi holandez realizon me kokë një gol spektakolar, pas një goditje këndi.

Kështu shifrat shkojnë në 1-2 për miqtë, të cilët kanë avantazhin e tre golave, pasi kanë në favor dhe golin e shënuar në ndeshjen e parë në shtëpi, që përfundoi barazim 1-1.

Fitorja e sotme i fut në histori talentet e skaudrës së Ajax, që këtë sezon të  Champions League kanë surprizuar këdo, madje duke lënë jashtë gjysmëfinales Cristiano Ronaldon, lojtarin që e ka fituar më shumë se kushdo Champions League në dekadën e fundit.

Champios, Ronaldo gati për Allegrin (video+foto)

Juventus ka mungesa të tjera si Giorgo Chiellini dhe Emre Can

Juventus është nisur drejt Amsterdamit këtë të martë, aty ku nesër do të përballet me Ajaxin në ndeshjen e parë çerekfinale të Champios League.

Skuadra e Massimiliano Allegrit vjen si favorite në këtë përballje, duke tentuar që këtë sezon të bëjë mrekullinë, pasi në ekip ka lojtarin më të mirë në botë, Cristiano Ronaldo.

Aellegri ka grumbulluar lojtarët të cilët do të ketë gati në sfidën e ditës së nesërme, ku mes tyre është padyshim i rikthyer CR7.

Portugezi ka kaluar dëmtimin që pati nga tërheqja muskulore, ndërsa do të jetë gati për trajnerin në këtë sfidë të të rëndësishme.

Mirëpo, në skuadër do të mungojnë dy futbollistë të tjerë të rëndësishëm. Giorgo Chiellini dhe Emre Can kanë mbetur jashtë. I pari ka pasur një problem muskulor, ndërsa Can ka ndrydhur kaviljen.

Dyshja do t’i bashkohet Martin Caceres dhe Juan Cuadrado-s në infermieri, megjithëse te bardhezinjtë janë rikthyer Mattia Perin, Barzagli dhe Douglas Costa.

Ky është grupi i lojtarëve të grumbulluar nga Massimiliano Allegri:

Szczesny, Perin, Pinsoglio; De Sciglio, Alex Sandro, Barzagli, Bonucci, Cancelo, Rugani, Spinazzola; Pjanic, Khedira, Matuidi, Bentancur, Nicolussi Caviglia; Ronaldo, Dybala, Costa, Mandzukic, Kean, Bernardeschi.

Ajax e Juve ndahen në paqe (video)

Ajax ka barazuar 1-1 me Juventusin në sfidën e parë çerekfinale të Champions League, e luajtur në Hollandë.

Cristiano Roanlado ka kaluar në avantazh Juventusin në minutën e 45` të takimit, pasi realizoi një gol spektakolar me kokë brenda zonës.

Ishte Cancelo ai që i dhuroi portugezit një asist të bukur, teksa CR7 futet në zonë dhe hidhet duke gjuajtur me kokë.

Mirëpo Ajax barazon me nisjen e pjesës së dytë të lojës me anë të Neres, që kap miqtë në befasi.

Sapo nis pjesa e dytë, Neres niset në krahun e djathtë drejt zonës kundërshtare. Mbrojtja mike tenton ta ndalë, por sulmuesi i Ajax gjuan me të djathtën duke e dërguar topin në shtyllën e dytë.

Kështu gjithçka vendoset në barazpeshë, paçka se të dyja skuadrat nuk pajtohen me rezultatin.

Skuadra e Ajax, pas shënimit të golit të barazimit, merr kontrollin e lojës në dorë, duke shkuar disa herë në zonën kundërshtare, por pa arritur të finalizojnë si duhet në portë.

Skip to toolbar