Tag: Kavajë

Pasditen e të hënës ndodhën disa ndryshime në radhët e drejtuesve të komisariateve të Policisë së Shtetit.

Sali Skuraj, që drejtonte komisariatin nr. 5 në Tiranë, është transferuar në të njëjtën detyrë në Komisariatin e Policisë në Kavajë.

Ndërkohë, vendin e Skuraj, e zë Altin Lila. Ai do të jetë në krye të Komisariatit nr.5 i komanduar. Më herët, Altin Lila ka mbajtur postin e shefit të sektorit të vrasjeve në Drejtorinë e Policisë Tiranë.

Ndërkohë, Aliosh Brokaj, që drejtonte Komisariatin e Policisë Kavajë, është transferuar në të njëjtën detyrë në Vorë.

Vetëm pak para njoftimit të këtyre ndryshimeve në Komisariatinë e Policisë në Kavajë, në këtë qytet ndodhi një vrasje.

Pronari i një lokali në gjendje të dehur qëlloi me armë gjahu një klient të tij, që gjithashtu ishte në gjendje të dehur.

Policia e Kavajës arrestoi një person, përfaqësues të një firme që po kryente punimet në një pallat, ku të martën më 22 tetor ra nga lartësia një prej punëtorëve, i cili gjeti vdekjen në spital. Sipas Policisë së Shtetit, mësohet se në pranga është vënë shtetasi me inicialet M.K., përfaqësues i firmës, ndërsa është shpallur në kërkim administratori dhe drejtuesja teknike e kompanisë. Gjatë ditës së martë, në Golem, në një objekt në ndërtim, një punëtor u rrëzua nga lartësia dhe më pas ndërroi jetën në spital, shtetasi me inicialet D.H.

Personi i arrestuar, me detyrë përfaqësues i firmës që kishte marrë përsipër kryerjen e punimeve në objektin e ndërtimit në Golem, dyshohet se shkeli rregullat e mbrojtjes në punë. Pas konstatimeve të kryera rezultoi se punëtori që humbi jetën, nuk ishte i siguruar dhe nuk kishte kontratë pune me firmën e punimeve që shtetasi M.K., përfaqësonte.

Gjithashtu janë shpallur në kërkim policor administratori dhe drejtuesja teknike e firmës që kryente punimet, shtetasit I. K. dhe E. S., pasi nuk kishin marrë masa për zbatimin e rregullave të mbrojtjes në punë. Materialet procedurale iu referuan për veprime të mëtejshme Prokurorisë pranë Gjykatës së Shkallës së Parë Kavajë, për veprat penale “Shkelja e rregullave të mbrojtjes në punë” dhe “Punësim i paligjshëm”.

Bledar Toçi, polici i burgjeve, i cili mbeti i plagosur nga të shtënat me armë në shtëpinë e Marsida Qatjas, ka dhënë dëshminë e tij , nga dhoma e spitalit rajonal të Durrësit. Toçi tha se kishte shkuar në banesën e saj për të ndihmuar Marsidën, pasi Dritan Haxholli e ngacmonte vazhdimisht. Sipas dëshmisë viktima Haxholli erdhi me forcë nga dera, ndërsa filloi të gjuante me breshëri kallashnikovi, sapo Toçi hapi derën. “Viktima aludoi se kisha lidhje me Marsida Qatjan dhe hapi zjarr. Unë qëllova vetëm një herë për t’u vetëmbrojtur” tha Toçi. Ai deklaroi se qëllimi i tij ishte t’i bënte presion Haxhollit ta linte të qetë Marsidën.

“Marsida Qatja më telefonoi pasdite dhe më tha se Dritan Haxholli e bezdiste dhe e përndiqte dhe unë i thashë se do e ndihmoja. Kam shkuar disa herë tek shtëpia e saj gjatë së mërkurës. Marsida më tha se Dritani vjen zakonisht natën aty dhe për këtë arsye unë qëndrova aty në mbrëmje së bashku me Xhuljo Biturkun dhe Ermir Çelën.

I thamë Marsidës se do i bënim ne presion Dritanit që të mos e shqetësonte më. Rreth mesnatës kur ai erdhi dhe me forcë po i binte derës dhe po kërcënonte shkova unë dhe ia hapa derën ndërsa Marsida me 2 shokët ishin në sallon. Sapo ia hapa derën Dritani me tha: “Ti qenke dashnori i kësaj prandaj ajo u nda nga mua” dhe hapi zjarr direkt me automatik pa më lënë kohë që unë ta sqaroja. Menjëherë sa kam parë kallashnikovin që po e përgatiste për qitje jam shmangur por nga breshëria u plagosa. Për vetëmbrojtje reagova dhe qëllova vetëm një herë”, ka deklaruar Toçi raporton News 24.

Dëshmia e tij është paksa kontradiktore pasi vetë Marsida Qatja dhe policia ka deklaruar se Haxholli tentoi të hynte nga dritarja duke dëmtuar edhe grilën, në banesën që ndodhej në katin e parë dhe më pas i tha Marsida që të kalonte nga dera se do ja hapte. Gjithashtu në vendin e ngjarjes janë gjetur 17 plumba, ku një i përkiste kallashnikovit të Haxhollit që preku në qafë policin duke e lënë të plagosur dhe të tjerët kishin dalë nga pistoleta e Toçit.

Bledar Toçi, ka qëlluar më armën e shërbimit, një pistoletë tip “Glock” plot 16 herë në drejtim të Dritan Haxhollit. Sipas policisë dhe provave në vendngjarje gëzhojat e qitura nga pistoleta që ka përdorur Toçi, janë gjetur të shpërndara në vende të ndryshme të shtëpisë së Marsida Qatjas në Kavajë. I pari që mund të ketë qëlluar besohet të ketë qenë viktima Dritan Haxholli, i cili pasi ka qëlluar vetëm me një plumb i është bllokuar automatiku me karikator të mbushur me 28 fishekë. Toçi është përgjigjur në mënyrë të menjëhershme duke e lënë të vdekur Haxhollin, për të cilin ndodhet edhe në masë arresti  nga policia për “vrasje me dashje”. Vrasja tronditi Kavajën mëngjesin e të enjtes, ndërsa në banesën ku ndodhin “lufta” ndodhej edhe fëmija i vogël i Marsidës.  

Marsida Qatja është cilësuar dhe si “molla” e sherrit  ku mbeti i vrarë ish i dashuri i saj dhe u plagos i afërmi polic. Ngjarja ndodhi në Kavajë, në banesën e Marsidës, nënë e tre fëmijëve të vegjël, bashkëshorti i të cilës ishte emigrant në gjermani.

Sipas dëshmisë në policia Marsida Qatja ka pranuar se ka qenë e lidhur me viktimën Dritan haxholli, 41 vjeç, por kishin kohë që ishin ndarë.

“Kemi pasur marrëdhënie prej kohësh me Dritan Haxhollin, marrëdhënie që ka kohë që është ndërprerë. Pavarësisht ndarjes ai më përndiqte dhe më kërkonte marrëdhënie duke u shfaqur disa herë në banesën time. Unë e kam refuzuar, por ai sërish më ka shqetësuar” ka deklaruar Marsida në polici.

Këto shqetësime që i vini  nga 41-vjeçari, sipas Marsidës ka qenë e detyruar që të kërkojë ndihmë nga kushëriri i saj Bledar Toçi, 31 vjeç. Në dëshmi Marsida deklaron se Toçi i kishte thënë se do ta sqaronte këtë punë me Dritanin.

Në mbrëmje Toçi dhe dy miq të tjerë të gruas kanë shkuar në banesën e saj dhe kanë qëndruar së bashku me të. Rreth orës 23:30 tek banesa e shtetases Marsida Qatja ka shkuar shtetasi Dritan Haxholli, i cili ka pasur me vete edhe një arme zjarri automatik dhe me qytën e armës ka goditur dritaren e kuzhinës së banesës së shtetases Marsida Qatja që ndodhej në katin e parë të pallatit.

Pas këtij fakti shtetasja Marsida Qatja ka komunikuar me viktimën duke i thënë që të vinte brenda për t’u sqaruar. Kur hapi derën , Haxholli sapo pa shtetasin Bledar Toçi, e qëlloi duke e plagosur në zonën e qafës. Në këto momente shtetasi Bledar Toci nxori armën e shërbimit dhe qëlloi për vdekje Haxhollin.

Dritan Haxholli shkoi të sqarohej me ish të dashurën e tij Marsida Qatja, një grua e martuar, nënë e 3 fëmijve të vegjël, bashkëshorti i të cilës ishte emigrant në Itali. Ngjarja e rëndë në Kavajë, ku u shënua një viktimë dhe një i plagosur ndodhi pikërisht për shkak të mospranimit të ndarjes nga ana e viktimës.

Dritan Haxholli dhe shtetasja me iniciale Marsida Qatja, ishin ndarë prej disa javësh, por Haxholli, i cili mbeti viktimë nga ngjarja, nuk e pranonte këtë fakt duke e përndjekur dhe ngacmuar vazhdimisht. Haxholli ka marrë vajzën në telefon dhe i ka thëne se ajo nëse ndahej nga ai, ky i fundit nuk do ta linte të qetë. Duke u gjendur në këto kushte presioni, gruaja e ka ftuar Haxhollin në banesë për t’u sqaruar. Duke qenë se jetonte e vetme me fëmijën 2 vjeç, thirri për ndihmë kushëririn e saj Bledar Toçi, i cili ishte polic i burgjeve, në rast konflikti.

Haxholli shfaqet i armatosur në banesën e ish të dashurës së tij në orë 00:44 dhe hapi zjarr me kallashnikov ndaj të pranishmëve brenda banesës, ku ndodheshin dhe 2 persona të tjerë. Nga plumbat mbeti i plagosur Bledar Toçi, i cili i doli para Haxhollit. Më pas Toçi ka marrë armën e shërbimit dhe ka qëlluar në drejtim të Dritan Haxhollit duke e lënë atë të vdekur. Në momentin e krimit, në banesë ndodheshin edhe 3 fëmijët e saj të mitur, përkatësisht të moshave 2, 7 dhe 10 vjeç.

Ngjarja e rëndë ndodhi në lagjen numër 2 të Kavajës. Hetimet vazhdojnë për zbardhjen e plotë të ngjarjes.