Tag: Liverpool

Kompany i jep fitoren dhe e afron City-n me titullin (video)

Ndeshja e fundit e Premier League do të vendos dhe fatet e titullit kampion për këtë sezon, megjithëse, Manchester City duket gjithmonë e më pranë fitores së kampionatit.

Të besuarit e Pep Guardiolës kanë fituar ndeshjen e fundit në kampionat ndaj Leicester me rezultatin 1-0, duke marrë tre pikë që e rikthejnë Cityn në vendin e parë të renditjes me një pikë më shumë se Liverpool.

Një gol i Vincent Kompany e fut atë në historinë e Manchester Cityt, pasi nëse ndeshja do ishte mbyllur në barazim gjërat komplikoheshin për “Qytetarët”.

Futbollisti belg ka realizuar një gol të bukur nga 25 metra, duke i dhënë Cityt golin e avantazhit dhe të fitores. Ndërsa për vetë Kompany kjo ishte goditja e parë e tij nga distanca pas më shumë se gjashtë vjetësh.

Firmino e Salah bëjnë Jurgen Klopp me dhimbje koke para Barcelonës!

Liverpool do të luajë ndeshjen e kthimit gjysmëfinale të Champions League kundër Barcelonës të mërkurën në mbrëmje. Veç rezultatit të ndeshjes së parë 3-0 në disfavor të “The Reds”, shqetësim i madh për Jurgen Klopp janë dhe dy mungesa të rëndësishme.

Roberto Firmino është mungesa e parë e sigurtë, teksa listës i shtohet dhe sulmuesi egjiptian, Mohamed Salah. Ky i fundit u dëmtua në kokë në ndeshjen ndaj Newcastle.

Salah do të kryejë ditën e sotme vizitat e specializuara mjekësore, megjithëse pakkush beson se ai do të jetë gati për ndeshjen e kthimit ndaj Barcelonës, ku Liverpool do të tentojë përmbysjen e madhe.

Pas ndeshjes me Newcastle, trajneri i Liverpool, Jurgen Klopp, u shpreh optimist për gjendjen e Salah. “Mjeku duhej të merrte një vendim, duke e larguar Salah nga fusha. Kur u ktheva në dhomat e zhveshjes, ai ishte ulur dhe po shihte ndeshjen. Salah dukej mirë, por duhet të presim”, tha trajneri gjerman.

Shaqiri kthehet me asist, Liverpool kalon Cityn (video)

Liverpool ka mundur Newcastel 3-2 dhe është ngjitur përkohësisht në vendin e parë në Premier League, duke shpresuar në një hap fals të Manchester Cityt, që luan të hënën ndaj Leicester.

Nuk ka qenë aspak një ndeshje e lehtë për “The Reds”, jo vetëm se fituan me vështirësi, por edhe sepse Mohamed Salah rrezikon të mos luajë më, pasi la fushën i dëmtuar nga një përplasje që pati me portierin kundërshtar.

Virgil van Djik kaloi Liverpool në avantazh në fillim, por më pas erdhi reagimi i shpejt i vendasve të cilët barazuan me Atsu. Megjithatë, Salah i rikthen në avantazh të tijët gjatë pjesës së parë.

Pas nisjes së pjesës së dytë, vendasit vendosin përsëri barazpeshën me Salomon Rondon. Në minutën e 86’ të takimit krosi i Xherdan Shaqirit gjeti kokën e Origit në zemër të zonës me topin që përfundoi në rrjetë pasi u devijua edhe nga mbrojtësi Lascelles.

Jurgen Klopp: Goli i tretë i Messit ishte i pabesueshëm!

“Bëmë një gabim dhe humbëm 3-0”, është shprehur Jurgen Klopp pas humbjes me Barcelonën në ndeshjen e parë gjysmëfinale të Champions League. Trajneri i Liverpool i duhet ta marrë me sportivitet atë që ndodhi në “Camp Nou”, teksa shprehet:

“Kjo ishte historia e ndeshjes, luajtëm shumë mirë, por humbëm 3-0. Këto gjëra ndodhi. Nuk janë gjëra që ndodhin shpesh, por ndaj një kundërshtari si Barcelona ndodhin”.

Klopp ka thënë se skuadra e tij gaboi vetëm në golin e parë, ndërsa dy golat e Messit, sipas trajnerit gjerman, nuk mund të bëhej asgjë nga ekipi.

“Mendoj se treguam lojën tonë, bëmë detyrat tona dhe dhamë maksimumin. Përveç golit të parë, që nuk mbrojtëm mirë, dy golave të tjerë nuk kishim çfarë t’i bënim. Pra, bëmë një gabim dhe humbëm 3-0, shumë e rëndë”.

“Jam krenar për djemtë, jam i lumtur me paraqitjen e tyre. Ishte një ndeshje shumë e vështirë, por ata kanë luajtur shumë mirë. Ishte një ndeshje shumë e mirë futbolli dhe mbase një nga ndeshjet më të bukura që kemi luajtur jashtë fushës, por rezultati e bën shumë të vështirë kualifikimin”.

“Pastaj erdhi goli i tretë i Messi-t, o Zot, i pabesueshëm. Për ndeshjen e kthimit do të bëjmë çmos, por do të jetë thuajse e pamundur. Jam shumë krenar për djemtë e mi, ashtu siç duhet të jenë të gjithë tifozët e Liverpool.”

Fitorja dhe golat, Messi: Ishim spektakolar, por ende s’ka mbaruar!

Sulmuesi argjentinas i Barcelonës, Lionel Messi, ka folur pas ndeshjes me Liverpool, duke komentuar rezultatin në ndeshjen e parë gjysmëfinale të Champions League: “Patjetër që do të ishte më mirë të kishim fituar 4-0, por edhe 3-0 është një rezultat i mirë. Asgjë s’ka mbaruar sepse do të shkojmë në një fushë shumë të vështirë.”

Duke folur për ndeshjen, Messi është shprehur se Liverpool luajti shumë fizikisht, një stil loje që Barcelona nuk e praktikon: “E nisëm mirë, me ritëm dhe ndeshja ishte shumë fizike, nuk jemi mësuar kështu pasi qëndruam shumë momente pa topin në zotërim. U mbytëm pak sidomos në pjesën e dytë, por këto ndeshje kështu e kanë dhe duhet ta merrnim ashtu si të vinte”.

Golin e tretë të takimit, që Messi shënoi nga goditja e dënimit, “pleshti” e quan spektakolar: “Është e vërtetë, ishte spektakolar. Jam shumë i lumtur. Jemi në një moment vendimtar dhe duhet të qëndrojmë të gjithë të bashkuar. Na kanë mbetur edhe tre finale.”

Messi i jep “leksion” Salah, Barcelona drejt finales (video)

Lionel Messi ka gjunjëzuar Liverpool në ndeshjen e parë gjysmëfinale të Champions League. Barcelona ka dalë triumfuese nga përballja e parë në “Camp Nou”, duke mundur të besuarit e Jurgen Klopp me rezultatin 3-0.

Eksperienca por mbi të gjitha gjenialiteti i lojtarit më të mirë në planet, Lionel Messi, ka bërë që Barcelona të jetë me një këmbë në finalen e madhe të Champions League, pavarësisht se do të luhet dhe ndeshja e kthimit në Angli.

Luis Suarez do të zhbllokonte sfidën në minutën e 27′, duke realizuar një gol të bukur nga brenda zonës, ndërsa në aspektin personal ky ishte goli i parë i uruguaianit për këtë sezon të Champions League, duke i shënuar ish ekipit të tij.

Në pjesën e dytë Liverpool rrit presionin ndaj vendasve, por Barcelona realizon me anë të një kundërsulmi dhe golin e dytë. Është Leo Messi ai që dërgon topin në rrjetë në minutën e 75′, ndërsa në të 82′ argjentinasi vulos shifrat në 3-0 për katalanasit.

Salah mund të kishte ngushtuar diferencën me një gol të rëndësishëm jashtë zone, por tentativa e tij u ndal nga shtylla. Një fitore e madhe për Barça-n që do të ketë një avantazh të rëndësishëm për ndeshjen e kthimit në Anfield.

Një ish i Liverpool vlerëson Messin: Më i miri në histori!

Sonte në mbrëmje do të jetë një “finale e parakohshme” e Champions League, mes Barcelonës dhe Liverpool, që ndeshen në gjysmëfinalen e parë të këtij kompeticioni.

Ndeshja pritet të dhurojë spektakël, ndërsa nga të dyja kampet ka përqëndrim maksimal para kësaj sfide. Megjithatë, ish futbollistë të këtyre ekipeve bëjnë vlerësimet përkatëse për ndeshjen e sotme.

Një prej tyre është Jami Carragher, ish lojtar i Liverpool, që ka pasur suksese me “Reds”. Ai ka komentuar përballjen e sotme mes Barcelonës dhe Liverpool, duke vlerësuar yllin argjentinas të katalanasve, Lionel Messi.

“A gjej fjalë, për ta përshkruar Messin, kur fëmijët e mi më pyesin për të? Është një nga më të mirët në histori, bashkë me Maradonën dhe Pele. Messi nuk e ka fituar Kupën e Botës dhe njerëzit e përdorin këtë fakt si kritikë ndaj tij. Për mua, kjo është shumë e padrejtë. Në fakt, mendoj se Messi është lojtari më i mirë në ekipin më të mirë të të gjitha kohërave”.

“Ai është lojtari më i mirë, kundër të cilit kam luajtur. Performanca e tij në “Wembley”, kundër Tottenham, është “fotografia” më e mirë e Messit. Ai ishte lojtari i ndeshjes atë ditë. Ronaldo është krahasuar me të, por Messi është diçka tjetër: më i qetë, më i plotë, pason, asiston dhe shënon gola. Ai ka vendosur një standart tjetër në futboll”.

Në fund Karragher ka folur edhe për përballjet e dikurshme të Liverpool kundër Barcelonës, kur ai vetë ishte futbollist i ekipit anglez. Jamie Karragher ka vlerësuar yjet e dikurshme të barçës:

“Ata që i respektonim më së shumti në atë kohë ishin Iniesta dhe Etoo. Deco, gjithashtu, luante atje. Ishte një ekip i shkëlqyer, që kishin fituar Champions-in vitin përpara. Ronaldinho ishte pak mbi peshën e tij. Asoskohe ishte ekipi i Ronaldinhos më shumë se sa i Messit”.

Liverpool merr lajmin e mirë para Barcelonës!

Liverpool luan nesër kundër Barcelonës në gjysmëfinalen e Champions League. Skuadra e Jurgen Klopp do të synojë finalen e madhe të këtij kompeticioni, teksa deri më tani ia ka dalë të kalojë kundërshtar të vështirë.

Megjithatë, para kësaj sfide, trajneri gjerman i “Reds”, ka marrë një lajm të mirë, pasi sulmuesi brazilian Roberto Firmino ka dalë në stërvitje me skuadrën. Firmino ka munguar në dy ndeshjet e fundit në Premier League, pasi pati një dëmtim në kofshë.

Por ndonëse braziliani është ritkhyer në stërvitje, Jurgen Klopp është shprehur se nuk e ka të garantuar nëse Firmino do të jetë titullar apo jo ndaj katalanasve nesër.

 “Nuk ju garantoj 100% nëse do të jetë në fushë si titullar apo jo. Nuk e kam marrë ende një vendim përfundimtar për të. Do të pres edhe 24 orë para se të vendos. Pas drekës, të mërkurën pasdite, do të vendos formacionin”.

“Nuk doja të riskoja, pasi kishte një problem të vogël, por tani është gati. Do të luajmë ndaj një ekipi të madh, ndaj prania e tyre është e rëndësishme. Dy rikthime të rëndësishme”, tha Klopp.

Formacioni më i mirë i vitit në Angli, pakënaqësi për mungesën e Hazard!

Shoqata e Futbollistëve Profesionist në Angli ka publikuar formacionin më të mirë të vitit në Premier League. Ky formacion dominohet nga lojtarët e Manchester Cityt dhe Liverpool, dy ekipet që janë luftë për titullin këtë sezon.

“Qytetarët” kanë 6 lojtarë në këtë formacion, ndërsa “Të kuqtë” përfaqësohen me 4 të tillë. Paul Pogba është i vetmi futbollist i kësaj 11-she, që vjen nga Manchester United, duke plotësuar formacionin e vitit.

Prania e francezit në këtë formacion ka shfaqur habi për shumë kënd në Angli, sikundër dhe mungesa e Eden Hazard, me këtë të fundit që ka bërë një sezon të shkëlqyer me Chelsea, ndërsa nuk ka qenë kështu për Pogba.

Për këtë arsye, ka plasur debati në rrjetet sociale dhe nuk kanë fund talljet me një formacion ku të paktën Pogba nuk duhej të kishte vend, duke parë sezonin e tmerrshëm të United dhe të francezit, edhe pse kampioni i botës ka shënuar shumë gola, kryesisht me penallti.

Ederson (City), Arnold (Liverpool), Van Dijk (Liverpool), Laporte (City), Robertson (Liverpool), Bernardo Silva (City), Fernandinho (City), Pogba (United), Sterling (City), Mané (Liverpool) dhe Agüero (City) janë lojtarët që përbëjnë “Ekipin e Vitit” në Premier League.

Liverpool kthehet në krye për çmimin e “Lojtarit më të mirë të vitit” në Premier League, me Van Dijk, pasi edicionin e kaluar e fitoi Mohamed Salah. Më parë, po nga të kuqtë, kishin triumfuar në këtë drejtim Luis Suárez (2013-14) dhe Steven Gerrard (2005-06), ndër të tjerë.

Liverpool drejt titullit, Mustafi ndëshkon Arsenalin (video)

Premier League ka rezervuar surpirza këtë fundjavë, veç Liverpool që nuk ka gabuar, duke marrë tre pikë të rëndësishme në luftën për titullin në Angli. Skuadra e Jurgen Klopp ka mundur në transfertë Cardiffin.

Nuk ka qenë e lehtë për ‘Reds’ të fitojnë këtë përballje, me ekipin që është në luftë për mbijetesë, pasi ekipi vendas u mbrojt mirë dhe nuk la hapësira.

Janë dashur 57′ minuta lojë dhe shumë mund nga Liverpool, për të shënuar golin e avantazhit me Wijnaldum.

Në minutën e 81’ James Milner vulosi fitoren për miqtë të cilët tani rikthehen në krye të renditjes me dy pikë më tepër se Manchester City, që ka një ndeshje më pak.

Ndërkohë Arsenal ka pësuar një goditje të rëndë në luftën për një vend mes katër më të mirëve duke u mposhtur nga Crystal Palace me rezultatin 3-2.

Topçinjtë kishin një mundësi të artë të përfitonin nga humbjet e Man United dhe Tottenham, por edhe ata kanë pësuar një humbje të rëndë brenda.

Ishte Benteke me golin e parë të sezonit që i dha goditjen fillestare Arsenal që barazoi me Ozil pas pushimit.

Zaha shfrytëzoi një gabim amator të Shkodran Mustafit duke rikthyer avantazhin për miqtë të cilët shënojnë edhe golin e tretë me McArthur.

Aubameyang i dha shpresë vendasve me golin e tij në minutën e 77’, por në minutat e mbetura rezultati nuk ndryshoi. Arsenal mbetet në vend të 4-t të renditjes me pikë të barabarta me Chelsea-n.

Skip to toolbar