Luan Rama: Dialog politik për të kaluar krizën

Zëvendëskryetari i LSI-së Luan Rama bëri thirrje për dialog për kapërcimin e krizës politike. Ai tha se kushtet e Bundestagut treguan se vendi ndodhet në një krizë të thellë politike dhe se ato pika janë e vetmja rrugë që duhet të ndjek vendi për ecjen përpara. Luan Rama tha se ky dialog politik po kërkohet edhe nga Bundestagu gjerman por edhe SHBA, ku u vu re edhe në prezantimin e të nominuarës për ambasadore e SHBA në Tiranë, Juri Kim. Zëvendëskryetari i LSI-së tha se ky është mesazhi që partnerët ndërkombëtar i dërgojnë klasës politike, e cila duhet të nis menjëherë dialogun pa humbur kohë. Luan Rama theksoi se çdo lëvizje diplomatike jashtë kësaj platforme është në dëm të interesave evropiane.

“Merkel bëri përpjekje për të pranuar parimisht çeljen e negociatave. Të çelen negociatat pasi të plotësohen kushtet. Pra Shqipëria sipas raportit është në krizë të rëndë politike. Qeveria dhe klasa politike, siç thotë rezoluta, të veprojnë menjëherë përmes dialogut politik. Çfarë presim? Apo të dominuar prej interesave të tjera që s’kanë të bëjnë me interesin e vendit, sabotojnë dhe provokojnë për të mos shkuar tek dialogu politik. Edhe qëndrimi i të nominuarës për ambasadore e SHBA në Tiranë, Juri Kim tha në senat se një nga prioritetet e saj do të jetë nxitja që udhëheqësit e vendit të zgjidhin ngërçin. Janë qëndrime pro interesit të shqiptarëve dhe sjellin tek ne mesazhin që klasa politike duhet të reflektojë menjëherë pa humbur asnjë sekondë kohë për t’u ulur në dialog politik. Që të përmbushen kushtet që ka dhënë rezoluta përbashkët e Bundestagut. Jashtë kësaj platforme është në dëm të interesave europiane të Shqipërisë. Çdo lëvizje tjetër diplomatike e dukshme ose jo që nuk është në përputhje me këtë që thotë Bundestagu apo SHBA është në dëm të interesave europiane të Shqipërisë.” tha Luan Rama

Sulmet ndaj KZAZ-ve nuk mjaftojnë, LSI kërcënon me “zemërim të pamëshirshëm popullor”

Duket se sulmet ndaj KZAZ-ve nuk i mjaftojnë LSI-së. Luan Rama kërkoi të mërkurën dorëheqjen e kryeministrit Rama ndërsa kërcënoi me rritje të tensioneve.

“Ajo çfarë duhet bërë në këtë moment është tërheqja e menjëhershme e qeverisë dhe e gjithë institucioneve që zbatojnë urdhrat e saj sepse revolta dhe zemërimi popullor do të jetë i pamëshirshëm.

Përgjimet e bëra të njohura përmes BILD vërtetojnë dhe njëherë atë që shqiptarët e kanë ditur. Pohojnë largpamësinë e opozitës e cila prej kohësh ka denoncuar me gisht se ku janë ata që kanë vjedhur zgjedhjet. Në këtë kontekst ajo çka duhet të bëjë kryeministri është, të paktën tani të dëshmojë se ka ndjenjë përgjegjësie, të japë dorëheqjen dhe të mos e çojë vendin në aventura të rrezikshme”, tha Luan Rama.

PD dhe LSI kanë vënë në zbatim skenarin për sulmin ndaj KZAZ-ve në mënyrë që të mos lejojnë zhvillimin e zgjedhjeve në 30 qershor dhe duke zbatuar në këtë mënyrë dekretin e Metës për anulimin e zgjedhjeve.

Luan Rama: Përgjimet vërtetojnë krimin shtetëror, ndaj opozita është në protestë

Në emër të Lëvizjes Socialiste për Integrim, Luan Rama reagoi për përgjimet e publikuara të mërkurën në gazeten gjermane “Bild”.

Ai tha se përgjimet janë vetëm maja e ajsbergut dhe se dosja 339 vërteton se krimi elektoral është kthyer në krim shtetëror dhe kjo është arsyeja pse opozita është ngritur në protesta dhe kërkon largimin e kësaj qeverie të ardhur në pushtet me votat e krimit.

“Përgjimet janë maja e ajsbergut të krimit shtetëror. E vërteta nuk mund të mbulohet më dhe as nuk mund të vritet. Dosja 339 nga ku janë marrë përgjimet, që tregojnë rolin prej shërbëtori të qeverisë ndaj krimit, nuk është e vetmja. Sepse veprimtaria kriminale si produkt i krimit të organizuar dhe krimit elektoral nuk është i lokalizuar vetëm në atë zonë siç flitet në përgjime.

Pra krimi elektoral është i shtrirë në një hark më të gjerë dhe mbulon qarqe të shumta të Shqipërisë. Por dosja 339 është e mjaftueshme për të kuptuar se krimi i organizuar përmes krimit elektoral është shndërruar në krim shtetëror.

Krimi legjitimin faktin pse opozita është në protestë për të rrëzuar qeverinë që është edhe kupola e krimit shtetëror. Tashmë të gjithë e kanë të qartë se si janë vjedhur votat, si janë blerë votat dhe si është krijuar maxhoranca e krimit”, tha Luan Rama të enjten për mediat.

Luan Rama: Sot zgjedhjet si në kohën e Enver Hoxhës, me një kandidat

Lëvizja Socialiste për Integrim ka mbajtur një takim me strukturat e saj në Tiranë, ku nënkryetari Luan Rama përsëriti se protestat nuk do të ndalen deri në mbajtjen e zgjedhjeve të lira dhe të ndershme. Sipas Luan Ramës sot zgjedhjet mbahen njësoj si në kohën e Enver Hoxhës, me një kandidat.

“Koncesionet bëhen në mënyrë skandaloze dhe të paligjshme. Protestat janë një shenjë revolte ndaj korrupsionit të madh qeveritar. Me protestat, tregojmë forcën tonë në rritje. Qytetarët e meritojnë hapjen e negociatave, por korrupsioni dhe krimi i organizuar nuk e lënë Shqipërinë të integrohet drejt BE-së. Raporti flet qartë dhe aty vihet në dukje krimi i organizuar që ka zaptuar vendin dhe mban nën kontroll qeverinë. Ne nuk do të ndalemi deri në mbajtjen e zgjedhjeve të lira e të ndershme. Tani zgjedhjet mbahen me një kandidat. Njësoj si në kohën e Enver Hoxhës, na paraqitet një kandidat, ky është fronti, klani i Rilindjes. Kur themi Rilindja, nënkuptojmë krimin në qeveri.” – tha Luan Rama

Rekomandimi pozitiv për negociatat me BE, përplaset PS-LSI

Kryetari Grupit Parlamentar të Partisë Socialiste, Taulant Balla ka reaguar pas rekomandimit pozitiv të Komisionit Europian për hapjen e negociatave të anëtarësimit të Shqipërisë në BE. “Ky rekomandim bazohet tërësisht në progresin e arritur, plotësimin e detyrave të vendosura në kalendarin e përcaktuar nga Këshilli Europian në Qershor 2018 dhe në ecurinë impresionuese të procesit “screening”, pararendës i negocijatave për anëtarësim”, shkruan Balla në rrjetet sociale. Më tej, Taulant Balla shprehet se tashmë vendi ynë pret miratimin e rekomandimit nga Këshilli Europian, ndërsa thekson se rekomandimi pozitiv erdhi si rrjedhojë e zbatimit të Reformës në Drejtësi.

“Edhe në këtë Progres Raport shprehet qartë se rruga për hapjen e negociatave kaloi detyrimisht nëpërmjet Reformës në Drejtësi, e cila për hir të së vërtetës ka qenë krye-detyra e shumicës sonë parlamentare. Reforma në Drejtësi është pa dyshim një prioritet kombëtar për shkak të rëndësisë që ka për të ardhmen tonë evropiane”, shkruan Balla. Ndërsa më tej, Balla shton se pikërisht ndaj kësaj reforme, opozita ka hedhur baltë sistematikisht çdo ditë. “Megjithatë reforma të tilla të thella kanë nevojë për unitet kombëtar dhe politik. Për fat të keq këtë Reformë, të cilën e mbështesin 94% e qytetarëve, opozita e ka sulmuar sistematikisht duke hedhur baltë 135do ditë ndaj implementimit të saj”, shkruan Balla.

Komisioni Europian rikonfirmon rekomandimin pa kushte për fillimin e bisedimeve për anëtarësim mes Shqipërinë dhe…
Gepostet von Taulant Balla – Faqja Zyrtare am Mittwoch, 29. Mai 2019

Pas këtij komenti në Facebook të Taulant Ballës, ka pasur dhe një reagim nga LSI. Në konferencë për shtyp ka dalë Luan Rama, i cili është shprehur se qeveria po gënjen, duke bërë të njëjtën gjë si një vit më parë, kur rekomandimin e KE, e shiti si hapje të negociatave. “Jam këtu per te thënë se përveç vullnetit të komisonit rekomandimi i sotëm nxjerr zbuluar atë që ne e kemi denoncuar. Gënjeshtrën e para një viti, ku qeveria i gënjeu shqiptarët ku u paraqit vendimi i 2018 si hapje negociatash. U bë edhe festë me hapje shampanje. Km bëri edhe dekorata. Mirëpo ja ku jemi sot në rekomandimin e radhës që gjithashtu ka bashkëlidhur shumë por’ dhe ‘duhet’.”, u shpreh Luan Rama.

Më tej, ai shton se: “Më lejoni tju bëj të qartë se një vit më parë. Opozita i ndërpreu protesta për të krijuar kushtet që rekomandimi të gjente rrugën. Por kjo nuk ndodhi. Opozita u rikthye në kuvend dhe për ti ofruar shansin mazhorancës për një klimë kompromisi, për integrimin e një vendi. Mbi të gjitha kjo është detyrë kombëtare e përbashkët. Mirëpo qeveria duke mos patur parasysh asnjë prej rekomandimve të KE e refuzoi bashkëpunimin. Dhe ktheu këtë prioritet sfidë të egos politike. Duke e sabotuar të gjithë progresin. Dy rekomandimet e sotme për korrupsionin dhe krimin e organizuar janë detyrat e para të qeverisë. Por mesa duket kjo dëshmon se nuk ka prioritet BE. Prandaj theksohet në rekomandim qe Shqipëria duhet të vazhdojë rrugën kundër këto dy rekomandimeve. Edhe një herë gënjështra i ka këmbët e shkurtra. Qeveria i ka jo vetëm këmbët por edhe duart e gjata“.

Zv/kryetari i LSI-së z. Luan Rama konferencë për shtyp nga selia e LSI-së
Zv/kryetari i LSI-së z. Luan Rama konferencë për shtyp nga selia e LSI-së
Gepostet von Lëvizja Socialiste për Integrim am Mittwoch, 29. Mai 2019