Bar west/ Basha takon të rinjtë, korçarët i japin vilë në Dardhë

Lulzim Basha vijon të martën pasdite takimin me të rinjtë e qytetit të Korçës. Duket se fryma entuziaste për vizitën e Bashës në Korçë është pasqyruar me banderola mirëseardhje në rrugët e qytetit. Atij i është rezervuar një surprizë në hyrje të qytetit të Korçës, me një banderolë që i uron mirëseardhjen në gjuhën angleze, “Welcome Luli”.

Në banderolën e vendosur në rrethrrotulimin, ku ndahet rruga për hyrjen në qytetin e Korçës me vijim e saj për në zonë turistike të Dardhës, shihet gjithashtu një vilë, e cila duket se i përket biznesmenit Agron Papuli, që është pronar i kompleksit “Long Hill” në Tiranë, ku së fundi është bërë banor dhe kryedemokrati.

Në fund të banderolës shkruhet; “Një vilë për ty në Dardhë”. Kujtojmë se biznesmeni Agron Papuli është akuzuar më herët nga kryedemokrati si “oligark”, por së fundi, Basha është duke banuar në një zonë rezidenciale në periferi të Tiranës që i përket biznesmenit. Ndërkohë, Basha do të takohet me të rinjtë e Korçës rreth orës 17:00 në një bar të qytetit juglindor.

Lela ironizon Bashën: “E bëri me vilë” tërmeti i Metës, imagjino të kishte rënë ai i Pekës…

Gazetar Alfred Lela ka ironizuar kryedemokratin Lulzim Basha i cili së fundmi ka lënë apartamentin e tij për t’u zhvendosur në kompleksin e vilave “Long Hill”.

Duke u nisur nga justifikimi i kryeopozitarit i cili tha se e kishte braktisur apartamentin për shkak se ishte e shumë dëmtuar nga tërmeti, Lela thotë se “Kryetarin ‘e beri me vile’ termeti i Metes; Imagjino te kish’ rene ai i Pekes…”,

Duke e lidhur edhe Çlirim Pekën me lajmin që terrorizoi opinionin publik mbi parashikimin e tërmetit. (TemA)

Grida Duma: Basha të deklarojë “qeverinë hije”, njerëzit ta dinë kë do votojnë

Grida Duma mbrojti idenë e një sistemi zgjedhor me lista të hapura. Në “Real Story” të gazetarit Sokol Balla, Duma u shpreh se sistemi zgjedhor me lista të hapura i jep mundësi opozitës të fitojë më shumë vota në të gjithë vendin. Por, e pyetur nga gazetari Sokol Balla, se nëse me listat e hapura, ajo fiton më shumë vota se Lulzim Basha, çfarë ndodh? Grida Duma u shpreh se nuk është ky problemi, pasi sipas saj kryetari i partisë është i preferuari për të marrë drejtimin e kryeministrisë.

“Çfarë ndodh nëse ti votohesh më shumë se Basha? Nuk ka për të ndodhur dhe nuk ka si të ndodh. Le të votojmë logon. Ne nuk duhet të maksimizojmë servizlimin. Nëse votohet kryetari i partisë dhe pesë emra, kryetari është i preferuari. Nuk jemi këtu për të kompleksuar kryetarët e partive, por a ka mundësi ti çlirojmë kryetarët e partive nga përgjegjësia e një liste personale”.

“Çdo kryetar partie ka një dhjetëshe këshilltarësh, që nuk nuk japin dot rezultatin që do të japin ty listat e hapura dhe kërkesa e bazës së partisë. Sot, besoj, që duhet t`i qasemi njerëzve me një vërtetësi të domosdoshme. A ka mundësi të mos gjykohemi dhe paragjykohemi se po themi disa gjëra për ti bërë më mirë”, tha Grida Duma ndër të tjera.

Ndërkohë, Grida Duma propozoi në Real Story, që Lulzim Basha të publikojë qeverinë në hije. “Ata njerëz që do të përfaqësojnë nesër moralin e PD-së duhet të bëhen publikë. Nuk duhet të imagjinohen nga deklaratat e partisë emrat e ministrave të ardhshëm. Qeveria në hije e PD duhet të ishte prezantuar dhe njerëzit duhet të ishin njohur që më parë me njerëzit që do t’i qeverisnin”, tha Grida Duma. /Realstory.al/

A duhet ndryshuar sistemi zgjedhor?

Duma kritikon Bashën: Duhet të protestonim pas 18 tetorit

Grida Duma foli në “Real Story” të gazetarit Sokol Balla, duke kritikuar vendimin e Lulzim Bashës për të mos vazhduar protestat. Ajo tregoi në emision, se në mbledhjen e forumeve të Partisë Demokratike, ishte vendosur, që pas datës 18 tetor, kur do të vendosej për negociatat, opozita do të fillonte protestat. Sipas Grida Dumës, fakti që nuk u hapën negociatat, duhet të shoqërohej me një protestë të madhe popullore, gjë që nuk ndodhi.

A duhet ndryshuar sistemi zgjedhor?

“Problem Lidershipi i PD? Që ka gjëra që nuk kanë shkuar mirë, këtë e ka pranuar vetë Basha. Unë nuk kam asnjë shqetësim që të them që po, ka pasur probleme. Duhet të jetë e matshme çdo performancë e kryetarit të partisë. Nga sot e tuje çfarë duhet bërë më mirë? Çdo gjë që nuk e kemi bërë mirë, do marim përgjegjësi. Gjithë diversioni, është çështja e Bashës apo jo, duhet të mbarojë. Për mua nuk është diskutim”.

“Transparenca dhe strategjia, kemi lëvizur nga një strategji në strategji tjetër dhe duhet t`ia sqarojmë njerëzve. Sepse unë mendoj se 9 pikat e Bundestagut janë padiskutim që duhen bërë, por nuk mendoj se nuk duhet të lëmë valën e protestës popullore. Kjo sepse ky ishte vendimi i forumeve në PD. Ne kemi thënë që ne në shtator nisim protestat, pas datës 18 tetor, me që po lobohej për negociatat. Fakti që nuk u hapën negociatat duhet të kishte një kundër reagim shoqëror”, tha Grida Duma. /Realstory.al/

Basha nis turin me të rinjtë: Mos ikni, do kthejmë shpresën

Lulzim Basha nisi të enjten një tur kombëtar për rininë. Takimi i parë u zhvillua në Tiranë, ku Forumir Rinor i Partisë Demokratike kishte thirrur në takim Timan Kuban, kryetarin e të rinjve të CDU-së, por dhe kryetarin e të rinjve të LDK-së në Kosovë. Gjatë fjalës së tij, Lulzim Basha iu referua Kosovës si shembull i demokracisë dhe rotacionit normal të pushtetit.

“Përvoja e Kosovës është një përvojë pozitive. Jemi i njëjti komb në dy shtete të ndryshme, ku në njërin prej këtyre shteteve që është dhe më i riu, brënda një kohe fare të shkurtër vendoset të shkohet në zgjedhje të parakohëshme. Organizohen këto zgjedhje të parakohëshme në mënyrën më europiane, ka një rotacion normal politik të pushtetit. Kjo tregon se ne shqiptarëve nuk na mungon asgjë. Nuk është faji i shqiptarëve, është kusuri i shqiptarëve, është kusuri i një qeverie që nuk ka lënë askënd më shumë në baltë sesa ju, rininë e këtij vendi”, tha Basha.

Ai shtoi më tej, se dështimi më i madh i qeverisë është ai me rininë. “Në tërë dështimet e kësaj qeverie dhe të këtij kryeministri, dështimi më i madh është dështimi me rininë, e cila po rritet në një vend pa mundësi, pa punësim, pa prespektivë, me rroga të ulëta minimale, me kosto maksimale të jetës dhe të arsimimit, në një vend me klimë të shkatërruar në një vend me klimë të shkatërruar për ekonominë, për biznesin. Në një vend ku, për fat të keq, fjala e parë dhe kërkesa e parë e shumicës së rinisë, është të largohen nga vendi i tyre”, u shpreh ndër të tjera Lulzim Basha.

Sipas kryedemokratit, situata do të marrë fund pasi Partia Demokratike do të rikthejë shpresën te të rinjtë. “Ne kemi nisur një betejë, të cilën do ta fitojmë, për rininë dhe për çdo shqiptar. Ne kemi treguar se kemi këtë vizion e pasion për gjithë vendin e sidomos për rininë. Ne do të bëjmë realitet çdo zotim dhe zotimi ynë kryesor është të kthejmë shpresën, sidomos të rinisë. Ne do të krijojmë një klimë të mirë për biznesin. Shqipërinë me rininë që rri këtu ne do ta bëjmë realitet, vendin ku gjithë-secili të ndihet në shtëpinë e tij”, tha ndër të tjera kryedemokrati.

Ndryshimi i Bashës, Vasjari: Nuk është i sinqertë

Analisti Arian Vasjari u shpreh në “Real Story” të gazetarit Sokol Balla, se ndryshimi i poziticioneve të Bashës, nuk është produkt i një reflektimi të sinqertë. “Ndryshimi i pozicioneve, nuk është produkt i një reflektimi të sinqertë. Së pari, si sjellje është shumë e mirë. Ajo se çfarë ka ndodhur është; opozita iu nënshtruar sitës së sistemit dhe argjinaturës së ndërkombëtarëve. Vetëm pasi pranoi që do futej në tryezën e OSBE, SHBA deklaroi se kemi një lidership serioz. Unë them që, ne jemi, për shkak të 30 qershorit, ne jemi në reçesion demokratik. Dhe çfarë na bën kjo të kuptojmë? Demokracia është sistem linear, nuk e improvizojmë dot”, tha Vasjari.

Më tej, ai u shpreh se si mazhoranca ashtu dhe opozita e çuan vendin në recesion demokratik. “Për të dëmtuar demokracinë mund ta dëmtojë mazhoranca por dhe opozita. Mazhoranca e dëmtoi, por dhe opozita me daljen nga sistemi. Jemi në reçesion për fajin e të dyjave. Duhet përshëndetur ndryshimi pozitiv i opozitës. Nëse ne marrim në analizë nga 16 shkurti, objektivat atëherë dhe tani, ato kanë ndryshuar qartësisht. Atëherë thoshin nuk ulemi të negociojmë, së dyti zgjedhjet e parakohshme. Opozita nuk ka asnjë instrument për të provokuar zgjedhje të parakohshme. Opozita duhet t`i qëndrojë besnike idesë, që reforma zgjedhore duhet të monitorohet nga ndërkombëtarët. Por nuk është racionale nga ana e saj për të vendosur kushte. Them që në terma makro kjo është një lëvizje pozitive”, tha Vasjari. /Realstory.al/

Basha nxjerr videon që duket si reklamë për Ramën

Lulzim Basha publikoi paraditen e të enjtes një video të quajtur “Shqipëria ime”. Kryedemokrati e përshkruan videon me një koment, duke shkruar se “Megjithë sfidat që kemi përpara, i yni është një vend mahnitës, me njerëz të talentuar dhe plot potenciale të jashtëzakonshme. Është koha që së bashku ti vëmë në jetë”.

Ndërkohë, video nis me pamje nga Alpet e vendit ku promovohen bukuritë natyrore, si potencial turistik, Kalaja e Petrelës, portrete njerëzisht të rinj e të moshuar që Basha i cilëson si “njerëz punëtor”, ndërsa video mbyllet me një mesazh tjetër të kryedemokratit. Ai shprehet “Shqipëria ime, ka ardhur koha të nxjerrësh në dritë potencialin e jashtëzakonshëm që ke”, thotë Basha video.

Në fakt, ky material duket si spot i fushatës elektorale, ku “Shqipëria ime” ngjan si slogan, ndërsa materiali filmik tregon se si Lulzim Basha dëshiron të bëhet Shqipëria. Ditët e fundit, kryedemokrati është shprehur se PD është gati për të hyrë në zgjedhje në çdo moment që ato do të mbahen.

Por, ky material tregon edhe një ndryshim të kursit të linjës opozitare të opozitës. Nga akuzat për një Shqipëri që rrënohet, vidhet, braktiset, jepet me konçension, pamjet filmike të publikuara nga kreu i PD, tregojnë dhe një Shqipëri ndryshe, ku punohet, jetohet, edukohet.

Pra, një spot sa elektoral po aq dhe zhvlerësues i akuzave të PD. Mjafton të përmendim disa fakte, pasi në disa pamje të videos tregojnë edhe punët e Rilindjes Urbane. Një moment i tillë janë pamjet vendi i quajtur “Ballkoni Panoramik i Vlorës”, nga mund të shohësh qytetin bregdetar dhe Lungomaren e qytetit bregdetar të vendit.

Megjithë sfidat që kemi përpara, i yni është një vend mahnitës, me njerëz të talentuar dhe plot potenciale të jashtëzakonshme. Është koha që së bashku ti vëmë në jetë. #Shqiperiaime🇦🇱
Gepostet von Lulzim Basha am Donnerstag, 24. Oktober 2019

Basha frymëzohet nga McAllister: 9 kushtet e Bundestagut, udhërrëfyesi i PD

Kreu i PD-së Lulzim Basha deklaron se zgjidhja e krizën dhe hapja e dritës jeshile për Shqipërinë do të vijë nga kushtet e vendosura nga Bundestagu duke cituar edhe një deklaratë të eurodeputetit gjerman McAllister, ku thoshte se Franca të vepronte si Bundestagu dhe të mos bllokonte zgjerimin.

“Zgjidhja më e mirë do të ishte një rrugë e ngjashme me rezolutën e miratuar nga Bundestagu gjerman – drita jeshile për Maqedoninë Veriore dhe dritë jeshile e kushtëzuar për Shqipërinë” tha McAllister

Basha tha se lufta ndaj krimit, forcimi i ligjit dhe mbajtja e zgjedhjeve të lira vjen nga plotësimi i 9 kushteve të Gjermanisë dhe këto do shërbejnë si udhërrëfyesi i PD për daljen nga kriza.

“Hapja e negociatave është interesi më i madh i Shqipërisë sepse do të sjellë një mbikëqyrje të shtuar nga BE për ndarjen e politikës nga krimi, zgjedhje të lira dhe të ndershme, barazi para ligjit dhe fund pandëshkueshmërisë. Rruga e vetme përpara është përmbushja e kushteve të vendosura nga Bundestagu gjerman. 9 kushtet e Bundestagut janë udhërrëfyesi i daljes nga kriza dhe i afrimit të Shqipërisë me BE. Mirënjohje familjes tonë politike Partisë Popullore Europiane për mbështetjen që i jep Shqipërisë dhe shqiptarëve.” tha Basha

MCALLISTER: ZHGËNJIM NGA FRANCA, TË BËNTE SI BUNDESTAGU

Basha sulmon Ramën: Europa të refuzoi, negociatat i fitoj vetë

Lulzim Basha zgjodhi të “kopjojë” Kryeministrin Edi Rama, në “betejën” e nisur në rrjetet sociale mes të dyve, për “fajin” e mos hapjes së negociatave. Basha publikoi të martën në mesditë disa citime të liderëve kryesor të BE-së, që sipas Bashës, ngarkojnë me përgjegjësi qeverinë për për hapjen e negociatave.

Basha shkruan fillimisht se: “Megjithë lojërat e Ramës për tu fshehur pas propagandës, të gjithë e shohin me sy të vërtetën. Ai dështoi të na afrojë me Europën, siç dështoi të përmirësojë ekonominë dhe të luftojë korrupsionin. Shqipëria e meriton hapjen e negociatave. Shqiptarët meritojnë më të mirën. Për fat të keq ka një njeri që e pengon këtë rrugë. Europa e refuzoi, tani është koha ta refuzojnë shqiptarët”, shkruan në komentin e tij Basha.

Ndërkohë, më pas ai citon Kancelaren Angela Merkel, që sipas Bashës, “Shqipëria nuk bini për një vendim unanim”. “Maqedonia e Veriut ka bërë shumë sa i përket hapjes së negociatave. Ndryshimi i emrit ka qenë një progres i madh, edhe Shqipëria ka bërë progres, por nuk na ka bindur që të marrim një vendim unanim”, shkruan Basha duke cituar kancelaren gjermane.

Më tej, Basha citon dhe presidentin e Francës Emanuel Macron. “Dje dëgjova disa fjalë se ne pothuajse arritëm uninamitet për hapjen e bisedimeve me Shqipërinë dhe Maqedoninë e Veriut. nuk është e vërtetë. Padyshim, aty kishte një shumicë te gjerë që Maqedonisë së Veriut ti hapen negociatat, por shumica e shteteve ishin kundër Shqipërisë. Nisja e bisedimeve të anëtarësimit vetëm me një vend do të ishte një gabim”, citohet Macron nga Lulzim Basha.

Në fund, kryedemokrati citon Kryeministrin e Hollandës, Mark Rutte, që sipas Bashës, shprehet se: “Ne, si shumë vende të tjera ende jemi të shqetësuar – diçka më pak për Maqedoninë e Veriut dhe më shumë për Shqipërinë. Pyesim veten se sa ka shkuar progresi në Shqipëri dhe, pikërisht këtu, kemi më shumë shqetësime”, citohet Rutte nga Basha.

Të hënën, në një konferencë për mediat kreu i PD u shpreh se Shqiqërisë i duhet një qeveri e re për të hapur negociatat. “Ne na duhet një qeveri e re, një qeveri që çon vendin përpara në procesin e integrimit europian, qeveri e dalë nga zgjedhje të lira dhe të ndershme”, u shpreh Lulzim Basha duke kërkuar që Rama të ndjek shembullin e Kryeministrit të Maqedonisë së Veriut, Zoran Zaev.

BASHA: INTEGRIMIN E FITOJMË NE, RAMA TË LËSHOJË PUSHTETIN

Basha: Integrimin e fitojmë ne, Rama të lëshojë pushtetin

Kryetari i PD-së, Lulzim Basha në një deklaratë, e cila u njoftua nga PD që do të ishte e jashtëzakonshme, tha se përgjegjës për mos çeljen e negociatave është Rama, dhe se vetëm PD do të bëjë të mundur ecjen e Shqipërisë drejt procesit integrues. Basha i kërkoi Ramës të ndjekë shembullin e Zaev në Maqedoni dhe të lërë pushtetin. Ai tha se vetëm “ne mund dhe do të sigurojmë mirëqenie dhe përparim drejt të ardhmes evropiane”.

“Kryeministri Zaev paraqiti dorëheqjen, i riktheu mandatin qytetarëve dhe vendi do të shkojë në zgjedhje të parakohshme parlamentare. Nga ana tjetër qeveria jonë e cila është refuzuar nga vendet europiane, vazhdon të mos e lëshojë pushtetin, në dëm të popullit shqiptar. Ne kemi vetëm një rrugë drejt së ardhmes dhe kjo është rruga europiane.

Europa ka refuzuar Edi Ramën, jo Shqipërinë. Dështimi është i Edi Ramës, jo i Shqipërisë. Ky mesazh ka qenë më i fortë se kurrë nga Gjermania që i tha Po Shqipërisë dhe JO qeverisë përmes 9 kushteve që duhen përmbushur. Në Europë shkohet duke ndërtuar fillimisht standardet europiane në vendin tënd.

Është koha që qeveria te ndjekë shembullin e Maqedonisë së Veriut, të marrë përgjegjësinë për dështimet e saj dhe t’ia kthejë mandatin popullit shqiptar.

Me një qeveri të re, legjitime që drejton procesin e negociatave, përparimi është i mundur.

Ne na duhet një qeveri e re, një qeveri që çon vendin përpara në procesin e integrimit europian, qeveri e dalë nga zgjedhje të lira dhe të ndershme.

Me politikat e duhura ne mund dhe do të të sigurojmë mirëqenie dhe përparim drejt të ardhmes evropiane”, tha Basha për mediat.

Si kancelarja gjermane Merkel ashtu edhe presidenti i Francës, Macron vlerësuan progresin e reformave të ndërmarrë nga qeveria shqiptare, por vendosën të shtyjnë vendimin për çeljen e negociatave pasi të reformojnë BE-në. Që të dy liderët e BE-së deklaruan se zgjerimi i Europës do të ndodhë pas reformimit të Bllokut dhe shprehën keqardhjen për mos mbajtjen e premtimit për Shqipërinë dhe Maqedoninë e Veriut./realstory.al