Certifikata e Archie-t zbulon diçka të papritur për mamanë Meghan

Pallati Mbretëror ka publikuar certifikatën e lindjes së Archie Harrison Mountbatten-Windsor, djali i Dukeshës së Suxxes, Meghan Markle dhe Princ Harry. Certifikata e lindjes së Archie ka zbuluar se Meghan në fakt në dokumente mban titullin Princeshë.

Titulli zyrtar i Meghan është Dukesha e Sussex, por kur ajo u martua me Harry, ajo u bë teknikisht “Lartësia e saj Mbretërore, Princesha Harry e Uellsit”, prandaj ajo është një “princeshë” në dokument.


Por përkundër kësaj, ajo kurrë nuk do të jetë Princesha Meghan pasi ajo u martua në familjen mbretërore dhe nuk u lind në të. Sipas rregullave titulli princeshë kërkon ‘gjakun mbretëror’ dhe Mbretëresha do të duhet të ndryshojë shekuj traditash nëse do të ndryshonte këtë.

Certifikata e lindjes së Archie konfirmoi vendin e lindjes si Spitali Portland dhe hodhi poshtë spekulimet se Meghan kishte kryer një lindje në shtëpi në Cottage Frogmore.


Nuk e imagjinoni dot sa ka kushtuar shtatzënia dhe lindja e Meghan Markle

Vërtetë është princeshë e Britanisë, por duket se Meghan Markle e ka tepruar me shpenzimet gjatë shtatzanisë por edhe gjatë lindjes së djalit.

Media britanike ia kanë bërë të gjitha llogaritë dhe duket se shifrat të lënë pa fjalë. Kështu gjatë shtatzënisë, pak javë para lindjes, Meghan organizoi edhe baby shower, në New York, event në të cilin morën pjesë edhe shumë personazhe të njohur. Mësohet se edhe kjo festë ka qenë e kushtueshme, plot 33 mijë £.


Gjatë muajve të shtatzënisë, të gjitha veshjet e Meghan kanë kushtuar shumë, pothuaj gjysmë milionë paund veshje të markave më të mira. Gjiashtu, si një nënë në pritje, Meghan i është nënshtruar edhe shumë trajtimeve të domosdoshme për shtatzëninë, në disa prej qendrave më luksoze në West London spa.

Meghan e lindi Princin Archie në një spital privat, gjë që tregon se edhe kjo faturë ka qenë e majme.

Sipas mediave britanike, e gjithë periudha e shtatzënisë dhe e lindjes ka shkuar plot 1.10 milionë paund.

Veshja e saj për ‘photoshoot’ –in ishte 2,041 paund ($ 2,653). Dukesha kishte një gjerdan ari nga Jennifer Meyer, që kushtonte 576 £, këpucë nga Manolo Blanik për 495 £ dhe një fustan të bardhë stil xhaketë nga Grace Wales Bonner, 800 paund.

Këtu nuk mbetet pas edhe veshja e princit të vogël, për të cilin ishin zgjedhur markat më të mira.


Zbulohet emri aspak i zakonshëm i djalit të Meghan dhe princ Harry

Disa orë pas prezantimit të djalit të tyre të porsalindur për publikun, Duka dhe Dukesha e Sussex kanë bërë të ditur edhe emrin e tij.

Me një emër aspak të zakonshëm Meghan dhe Harry e kanë quajtur djalin e tyre Archie Harrison Mountbatten-Windsor. Foshnja nuk do të ketë titull mbretëror si kushërinjtë e tij, fëmijët e Dukës dhe Dukeshës së Cambridges.


Në një deklaratë Buckingham Palace tha se ‘Duka dhe Dukesha e Sussex janë të kënaqur të lajmërojnë se e kanë quajtur djalin e tyre Archie Harrison. Fëmija do të njihet si Archie Harrison Mountbatten-Windsor.’

Archie është versioni i shkurtuar i Archibald dhe ka origjinë gjermane, ndërsa Harrison do të thotë ‘biri i Harry’.


Bebi mbretëror prezantohet për botën, por jo emri i tij

Duka dhe Dukesha e Sussex kanë prezantuar me krenari djalin e tyre të porsalindur për botën. Bebja Sussex bëri paraqitjen e parë publike në krahët e të atit princ Harry dhe së bashku me mamanë Meghan në Windsor Castle, ku familja e re po qëndron pas ardhjes në jetë të djalit. Mirëpo duket se për anëtarin më të ri në familjen mbretërore nuk ka ende një emër.

Në një dalje për mediat Meghan tha se “kam dy djemtë më të mirë në botë dhe jam me të vërtetë e lumtur.”



Vjen në jetë bebja mbretërore

Duka dhe Dukesha e Sussex deklaruan më herët se nuk do të kishte një njoftim zyrtar për ardhjen në jetë të bebit, pasi dëshironin ta festonin në privatësi këtë çast të lumtur në jetën e tyre. Duket se gëzimi për ardhjen në jetë të bebes mbretërore ka qenë shumë i madh për ta mbajtur sekret, pasi lajmi nuk u konfirmua vetëm nga Buckingham Palace por edhe vetë princ Harry në një dalje për mediat.

Dukesha e Sussex ka lindur një djalë me peshë 3.2 kg në orën 5:26. Në një deklaratë, Buckingham Palace tha se Meghan dhe fëmija i saj “ishin të dy mirë’, dhe se Mbretëresha dhe anëtarët e tjerë të familjes mbretërore ishin ‘të kënaqur dhe të emocionuar’ me lajmin.


“Mbretëresha, Duka i Edinburgut, Princi i Uellsit, Dukesha e Cornwallit, Duka dhe Dukesha e Kembrixhit, Lady Jane Fellowes, Lady Sarah McCorquodale dhe Earl Spencer janë njoftuar dhe janë të kënaqur me lajmin. Nëna e Dukeshës, Doria Ragland, e cila është e gëzuar nga ardhja e nipit të saj të parë, është me Lartësitë e tyre Mbretërore në Cottage Frogmore”. – deklaroi Buckingham Palace

Ndërsa në një deklaratë për mediat, Princ Harry tha se ishin “jashtëzakonisht të lumtur dhe falënderoi publikun për mbështetjen e dhënë gjatë shtatzënisë së dukeshës së Sussex.”

Ai tha se Meghan dhe fëmija ishin shumë mirë, duke shtuar se ata ende po mendonin për emrin e foshnjës. Gjatë deklaratës Princ Harry tha se fëmija ka lindur pak me vonesë, por pas dy ditësh publiku do të mund të shoh fëmijën.

Bebja e sapoardhur në jetë është i shtati në linjën e fronit, pas Princi i Uellsit, Duka i Kembrixhit dhe fëmijëve të tij, Princi George, Princesha Charlotte, Princi Louis dhe Princi Harry.


Britanikët të “nxehur” me Harryn dhe Meghan

Duka dhe Dukesha e Sussex janë një nga çiftet mbretërore më të preferuar dhe më influencues në Britaninë e Madhe dhe jo vetëm. Mirëpo me njoftimin e tyre të fundit duket se kanë mërzitur të gjithë britanikët dhe fansat e tyre në botë.

Çifti njoftoi se ato nuk do të lajmërojnë për lindjen e foshnjës së tyre siç kanë bërë të gjithë anëtarët e familjes mbretërore. Ndarja e lajmit është një moment që pritet me emocion dhe interes nga britanikët.


Por Meghan duket se nuk do të ndjek këtë traditë. Ajo do të lind në shtëpi dhe nuk do të ketë njoftim zyrtar në momentin e ardhjes në jetë të foshnjës. Lajmërimi do të jepet vetëm pasi familjarët të kenë mundur të festojnë privatisht.

Një zëdhënës i Pallatit të Kensington tha: ‘Duka dhe Dukesha e Sussex janë shumë mirënjohës për mbështetjen që kanë marrë nga njerëzit në të gjithë Mbretërinë e Bashkuar dhe në mbarë botën, ndërsa përgatiten për të mirëpritur fëmijën e tyre. Lartësitë e tyre mbretërore kanë marrë një vendim personal për të mbajtur planet rreth ardhjes së fëmijës së tyre private. Duka dhe Dukesha presin me kënaqësi të ndajnë lajmin emocionues me të gjithë, pasi ata kanë pasur një mundësi për të festuar privatisht si një familje të re”.


Meghan, në gjurmët e mbretëreshës

Dukesha e Sussex, Meghan Markle, do të sjellë në jetë fëmijën e saj të parë në shtëpi dhe jo në spital. Gazeta britanike DailyMail shkruan sot se Meghan ka vendosur të ndjekë hapat e mbretëreshës Elisabeth e cila fëmijët e saj i ka lindur në kushtet e shtëpisë.

Madje Daily Mail shkruan se Meghan po përgatit ambientin brenda shtëpisë së saj të re në Frogmore Cottage, duke injoruar këshillat për gratë që lindin mbi 35 vjeç që mund të bëjnë lindje të parakohshme ose të kenë nevojë për ndërhyrje kirurgjikale. Ajo po bën ende joga dhe ndihet shumë mirë. “Kjo është zgjedhja e saj e preferuar”, thotë një burim për Daily Mail.


Ajo që e theu traditën e lindjes në shtëpi ishte Diana dhe pas saj edhe Kate Middleton.


Skip to toolbar