“Festime hipokrite”, Petrit Vasili kundër Monika Kryemadhit për SPAK: Është antikushtetues

Të enjten tetë prokurorët e SPAK bën betimin në Presidencë. Më pas, krijimi i këtij institucioni u përshëndet nga shumë aktorë, përfshirë drejtuesit e opozitës, Lulzim Basha dhe Monika Kryemadhi. Por, ndonëse shefja e tij në LSI u shpreh se “fillimi i aktivitetit të SPAK është moment shpresëdhënës se në Shqipëri do të nisë seriozisht puna për ndëshkimin e pandëshkueshmërisë dhe për sundimin e ligjit”, ndryshe mendon Petrit Vasili, numri dy i kësaj partie. Një ditë më pas, kur tetë prokurorët e SPAK futen në zyrë për të nisur zyrtarisht punën, Vasili i quan kremtimet për themelimin e kësaj strukture si “folklorike”.

“Përshëndetjet me 360 gradë majtas e djathtas për ngritjen e SPAK si dhe ekzaltimet gati gati folklorike për të janë vërtet një tepri artificiale, e cila i duhet kursyer shqiptarëve. Them u duhet kursyer shqiptarëve, pasi festa të tilla hipokrite dhe zhurmëmëdha shqiptarët kanë parë mjaft në këto vite, ndërkohë që rezultatet janë thelluar të jenë shumë e më shumë negative”, shprehet Vasili.

Por, numri dy nuk sulmon vetëm drejtuesit e opozitës ku ai bën pjesë, por edhe ndërkombëtarët. Sipas Vasilit edhe në rastin e zgjedhjes së Prokurores së Përgjithshme të Përkohshme Arta Marku pati ekzaltim qesharak ndërkombëtar, ndërsa thotë se SPAK është ngritur në thyerje të Kushtetutës.

“Ekzaltim qesharak kombëtar e ndërkombëtar pamë të hidhej pa kursim kur u zgjodh klonimi antikushtetues i Arta Markut si Prokurore e Përgjithshme e Përkohshme. Ekzaltim kur u zgjodh KLP dhe KLGJ me kandiatë të kontestuar edhe nga vetë ONM e ndërkombëtarëve duartrokitës për integritetin e ulët dhe të papajtueshëm me ligjin dhe me institucionet e reja që do krijohen”.

“Ekzaltim sot për sPAK të ngriur në thyerje të Kushtetutës me 2 vjet e ca vonesë dhe pa numrin kushtetues me 10 anëtarë. Po si mundet të pranohet ekzaltimin për një institucion si SPAK, që lind me shkelje kushtetuese e ligjore për të cilat s`ka as fajtorë dhe as të ndëshkuar”, shkruan ndër të tjera Petrit Vasili. /Realstory.al/

Basha takon aleatët, nuk ka datë për protestat

Opozita e bashkuar duket se ende nuk ka një datë të qartë për protestat. Edhe pse deklarojnë se protesta do të ketë, ende nuk kanë vendosur se kur do të nisin ato. Ka qenë Monika Kryemadhi, e cila bëri të qartë se opozita e bashkuar ka arritur në një vendim unanim se protesta do të ketë, por aktualisht pjesë parësore e axhendës së saj janë 9 pikat e vendosura nga Bundestagu gjerman. Ky vendim u arrit gjatë takimit të kreut të PD-së, Lulzim Basha me aleatët pasditen e të hënës.

Kryemadhi tha se Rama është fajtori i vetëm që vendi nuk mori vendimin për hapjen e negociatave dhe se tashmë qëllim kryesor i opozitës do jetë integrimi i vendit. Sipas Kryemadhit kjo do të arrihet me zgjedhje të lira dhe për këtë duhet bërë reforma zgjedhore.

“Vendimi i BE ishte tepër zhgënjyes për shqiptarët dhe partnerët tanë strategjikë. Nëntë kushtet e Bundestagut janë agjenda më e qartë dhe më e kthjellët për klasën politike shqiptare. Shkaktar i kësaj situate është kryeministri Rama, që duhet vendosur para përgjegjësisë. Kushtet e Bundestagut janë të qarta. Maqedonia e Veriut u ndëshkua për shkak të mos-ecjes së Shqipërisë në reforma. BE ka thënë se në Shqipëri ka krizë politike. Nuk ka integrim pa zgjedhje të lira. Ne si opozitë jemi tepër të qartë se e ardhmja e Shqipërisë janë BE dhe SHBA. Çdo tentativë për të kërcënuar partnerët janë politika të dështuara. Shqiptarët janë ata që duhet të vendosin. Duhet bërë reforma zgjedhore dhe të zgjidhet kriza politike, Fronti Opozitar dëshiron të zgjidhet kriza politike. Protesta do ketë, ato nuk janë me axhendë por me organizim. Në axhendë kemi integrimin e vendit në BE. Protesta do të ketë nga më të ndryshmet. Ka një zgjidhje, që të largohet Edi Rama.” tha Kryemadhi

Opozita e bashkuar deklaroi më herët se protestat do të rinisnin pas dhënies së vendimit për negociatat më 18 tetor, me arsyetimin e është duke lobuar në mënyrë që Shqipëria të merrte negociata. Negociatat nuk u hapën më 18 tetor, por duket se edhe opozita nuk ka ende një mënyrë të qartë apo datë fikse se kur do i rikthehet protestave. Tashmë opozita është i ka kthyer sytë nga diskutimi i reformës zgjedhore sipas kushteve të vendosura prej saj në platformën me 5 pika që ka bërë publike.

NEGOCIATAT, BETEJA E BASHËS PËR TË RINISUR PROTESTAT

Kryemadhi në “Real Story”: Ndërkombëtarët, armiq të Shqipërisë

“Ne kemi pasur një armik, dhe që ka qenë partner në krijimin e situatës ku jemi sot, dhe që janë ndërkombëtarët”, kështu u shpreh Monika Kryemadhi në studion e emisionit “Real Story” të gazetarit Sokol Balla, në News 24. Kryemadhi foli ashpër, madje si asnjëherë më parë, duke i cilësuar ambasadorët “armiq” të Shqipërisë. “Ne kemi pasur një armik, dhe që ka qenë partner në krijimin e situatës ku jemi sot, dhe që janë ndërkombëtarët. Ne jemi në këtë gjendje për shkak të ndërhyrjes së ambasadorëve në punët e brendshme të Shqipërisë. Unë jam një nga njerëzit që debatoj më shumë me të huajt. Mua nuk më shantazhon dot asnjë”, u shpreh Kryemadhi.

Ajo vijoi më tej me akuzat ndaj ambasadorëve të huaj, duke u shprehur se ata nuk mendojnë për të mirën e Shqipërisë. “Çdo ambasador i huaj mendon për vendin vendin e tij. Ata nuk mendojnë për të mirën e Shqipërisë. Ke ti ndonjë biznes shqiptar në Itali, Gjermani… Nënshtrimi dhe partneriteti janë dy gjëra të ndryshme me të huajt. Unë jam partnere me të huajt dhe jo e nënshtruar”, tha Kryemadhi. Ndaj deklartës së ashpër të Monika Kryemadhi ndaj ambasadorëve ndërkombëtar, ndërhyri analisti Skënder Minxhozi.

Ai u shpreh se vendi ynë i detyrohet shumë ndërkombëtarëve, duke përmendur pavarësinë e Kosovës dhe çështje të tjera. “Shqipëria pa ndërkombëtarët është inefiçente. Kështu është kur të huajt janë siç mendoj unë, janë të mirë, kurse janë të këqij kur s’më leverdis mua. Ndërkombëtarët kanë krijuar Kosovën”, tha ndër të tjera Skënder Minxhozi. Kurse analisti Arjan Vasiari u shpreh se ato që dëgjoi nga Monika Kryemadhi “janë gjëra tmerrësisht të rënda”. Ndërkohë, në fund të emisionit, Monika Kryemadhi deklaroi se protestat e opozitës do të jenë më të forta. Sipas saj, ato nuk do të jenë për të djegur zyrtat shtetërore dhe pronat e qytetarëve, por për ti bërë presion qeverisë.

Minxhzoi në “Real Story”: As gëzim e as dështim, hapja ose jo e negociatave

Analisti Skënder Minxhozi, u shpreh në “Real Story” të gazetarit Sokol Balla, se nëse nuk hapen negociatat, nuk do të jetë as gëzim dhe as dështim. “Hapja e negociatave, si do që të shkojë puna, nuk është një gëzim nëse do hapen, dhe nuk do jetë dështim nëse nuk do hapen. Veç variantit më të keq të ndarjes nga Maqedonia”, u shpreh ai.

Sipas analistit, vendi nuk është gati për hapjen e negociatave. Megjithatë, nëse do të merret një vendim “pro”, ai do të jetë dhe duhet të jetë thellësisht politik. “E para Shqipëria nuk është gati për hapjen e negociatave. Vendimi në rastin tonë, për mendimin tim, do të jetë thellësisht politik dhe pozitivisht politik, për hapjen e negociatave”, u shpreh Minxhozi.

Në fund, Skënder Minxhozi shtoi se me liberalizimin e vizave, nocioni i integrimit në BE për shumicën e shqiptarëve, ka humbur kuptimin klasik. “Tani, Monika thotë me të drejtë: më mirë brenda se të kontrollojnë, se të jesh jashtë. Arsyeja e dytë, është se për mendimin tim, që nga viti 2010, kur ne kemi marë regjimin e vizave, çështja e integrimin për shqiptarin e zakonshëm, e ka humbur nocionin klasik për kapitujt. Hajde shpjegoi ti shqiptarit këtë”, tha Minxhozi.

“Lejen për pallatin ma dha Rama e Basha”. Kryemadhi përplaset me Lubonjën

Monika Kryemadhi dhe analisti Fatos Lubonja janë përplasur në “Real Story”. Kryemadhi, përmendi fëmijët e saj që studiojnë në Londër. Sipas saj, në Shqipëri vajza e saj nuk do mund të shkollohej. Ndërkohë, në këtë moment ndërhyri analisti Lubonja, i cili u shpreh se kalasa politike ka ndjekur logjikën për “t`i çuar fëmijët në Londër, ndërsa të tjerë të rrijnë këtu”.

Debati:

Lubonja: Logjika që na çoi këtu ishte që “ne t’i çojmë fëmijët jashtë dhe këta të rrinë këtu”.

Kryemadhi: Fakti që i fusim të gjithë në një kazan, normal që njerëzit nuk dinë të dallojnë pastaj. Partitë politike kanë faj, edhe krerët e partive, edhe mediet, të gjithë kanë faj. Njerëzit duhet të dinë sa para janë shpenzuar nga ky vit, në këtë vit. Nuk ndjehem keq pse vajza ime shkollohet për matematikë në Londër, se kush do ma shkollonte këtu.

Lubonja: Po ç’lidhje ka kjo tani. Pse bën këtë lëmsh, po flasim për gjithë klasën politike.

Kryemadhi: Unë e kam shansin për fëmijën tim, një tjetër nuk e ka shansin. Siç ke ndërtuar ti pallatin te vila jote, kam ndërtuar edhe unë pallatin te shtëpia ime, me lejen e Edi Ramës dhe me lejen e Lulzim Bashës.

Lubonja: Edhe unë nëse kam ndërtuar pallat, gabim.

Kryemadhi: Po jo pse kemi bërë gabim ne, pse kemi zhvilluar pronën tonë? Jo Lubonja e ke gabim, ne kemi zhvilluar pronën. Unë e kisha mundësinë që ma dhanë prindërit atë mundësi, për fat të mirë të babait tim, kam një pallat, 16 mijë metra katrorë, në të cilën shkolloj fëmijët e mij.

Lubonja: Atëherë mos u anko me Edi Ramën fare…

Kryemadhi: Jo, Edi Rama ma dha lejen mua dhe Lulzim Basha…Makineria e propagandës është shumë e madhe, sa të mbyt. Unë nuk jam si Edi Rama, kam kontribuuar më shumë se ai, se kam qenë e sulmuar si bashkëshortja e Ilir Metës. Ndërsa Edi Rama ka kaq shumë vite në pushtet dhe askush nuk flet për koncesionet e tij.

Lubonja: Po pse tani u bënë ato, po kur ishe ti në pushtet.

Kryemadhi: Nga 2013-2015 qeverisja ka funksionuar në mënyrë perfekte.

Sistemi zgjedhor, Kryemadhi në “Real Story”: Të shkojmë në referendum

Monika Kryemadhi dhe analisti Skënder Minxhozi debatuan në studion e “Real Story” të gazetarit Sokol Balla, në lidhje me reformën Zgjedhore. Sipas analistit Minxhozi, të gjitha partitë politike, përjashto LSI, duan që të kenë një sistem zgjedhor ku kryetari kontrollon gjithçka, duke vendosur emrat e deputetëve në lista. “Të gjithë këtu e pëlqejnë faktin që të kemi një sistem zgjedhor që kryetari të kontrollojë gjithçka. Dy partitë e mëdha janë shumë komode me faktin se listat mbyllen natën e fundit të afatit dhe kryetarët i bëjnë të gjitha vetë. Partitë nuk kanë jetë të brendshme demokratike për të sjell lista kandidatësh që të jenë aty ku duhet të jenë”, tha Minxhozi.

Monika Kryemadhi ndërhyri në debat, duke u shprehur se problem nuk është sistemi zgjedhor, por sistemi i drejtësisë. Kryemadhi u shpreh se sistemi me lista të mbyllura kufizon demokracinë brenda partive. “Këtu nuk është problem sistemi zgjedhor. Këtu është problem sistemi i drejtësisë. Deputeti i Kukësit nuk është barabartë me deputetin e Fierit apo Tiranës. Shkojmë te mazhoritari. Unë besoj te ëndrrat e të rinjëve, se ata kanë bërë shpikjet më të mëdha. Unë jam për atë sistem, që vota ime, dhe e të gjithëve të jetë e barabartë. Për mua lista e mbyllur është mungesë demokracie. Do ta bësh me qark, bëje, do proporcional kombëtar, bëje”, tha Kryemadhi.

Monika Kryemadhi deklaroi në “Real Story”, se ndryshimet kushtetuese të vitit 2008, erdhën pasi Berisha pranoi kushtet e Edi Ramës, pasi kërkonte të zvogëlonte kompetencat e Bamir Topit, që ishte president. “Kjo rregullohet me vullnet politik. Ne kemi qenë të hapur për të bërë debat të hapur publik për sistemin. Sali Berisha për të zvogëluar kompetencat e Bamir Topit, pranoi kushtet e Edi Ramës në 2008, me të vetmin kusht që ai të futej në zgjedhje. Duhet të jetë një parlament me madat të kufizuar, sic e bëri Kroacia. Ose shkojmë drejt një referendumi, dhe hajde të përgatitemi e të vendosim si popull, për sistemin zgjedhor, për zgjedhjen e presidentit. Këtu mungon vetëm vullneti politik i një individi”, tha Kryemadhi.

Ndërkohë, analisti Skënder Minxhozi duke iu referuar hapjes ose jo të negociatave, ai u shpreh se një vendim qoftë kundër apo pro Shqipërisë, nuk do të kishte peshë elektorale. “Në fund, unë besoj se zgjedhjet as nuk fitohen as nuk humben me një hapje të negociatave. Për mua nuk është karburant elektoral. Nuk besoj se negociatat do influenconin zgjidhjen ose jo të krizës. Ligji elektoral. Ne jemi në këtë stad, dhe procesi i reformës zgjedhor ishte vetëm ajo tavolinë me një vajtje dhe një ikje, dhe asgjë tjetër”, shtoi Minxhozi.

Kryemadhi: Zgjedhjet zgjidhin krizën, mbyllin debatin shterpë

Kryetarja e LSI Monika Kryemadhi tha se zgjedhjet janë e vetmja mënyrë për daljen e vendit nga kriza dhe t’i jap fund një debati shterpë të zgjatur në kohë. Kryemadhi tha se nëse kriza tejzgjatet më shumë atëherë vendi do të përfundojë në një kolaps që në fund do e vuajnë qytetarët shqiptarë. E ftuar në studion e emisionit “Real Story” të gazetarit Sokol Balla në News 24, Kryemadhi tha se fakti pavarësisht akteve ekstreme të marra nga opozita, ishte ajo që i ofroi një platformë zgjidhje me 5 pika qeverisë. E pyetur nëse opozita kishte ndryshuar qëndrimin e saj ku sot flet për dialog dhe zgjedhje të reja, Kryemadhi u shpreh se kjo nuk ka ndodhur. Ajo theksoi se aktet ekstreme të marra nga opozita u bënë për të treguar atë që raporti i OSBE/ODIHR-it tha për zgjedhjet e 30 qershorit.

“Zgjedhjet janë e vetmja mundësi që mbyll këtë mish amash të madh që është krijuar në vend. Ky është një debat shterpë dhe njerëzit janë lodhur nga fjalimet politike dhe kërkojnë zgjidhje për familjet e tyre. Kjo zgjidhje do të vijë vetëm përmes zgjedhjeve. Kjo krizë e tejzgjatur do të sjelle një kolaps të ekonomisë që në fund do e paguajnë shqiptarët dhe jo klasa politike. Për zgjidhjen e kësaj opozita paraqiti një platformë me 5 pika. Pra ishte opozita që më aktet saj ekstreme iu drejtuar më një plan të qartë qeverisë për të zgjidhur krizën. Në votimet e 30 Qershorit, Edi Ramën nuk e dëmtoi pjesëmarrja në zgjedhje por raporti i OSBE/ODIHR. Opozita me qëndrimet e saj ekstreme vendosëm që përmes tyre të nxirrnin atë që nxori raporti. ” tha Kryemadhi.

Në lidhje me negociatat, Kryemadhi e cilësoi katastrofike nëse do të kishte një ndarje të Shqipërisë nga Maqedonia e Veriut. Ndërsa theksoi se ato duhet të hapen në mënyrë që të ketë një kontroll më të madh ndaj qeverisë dhe zbatimit të ligjit.

“Veçimi i Shqipërisë nga Maqedonia e Veriut do të ishte një katastrofë. Kjo nuk duhet të ndodh. Ndërsa hapjen e negociatave e shoh si një “futje në kornizë” të klasës politike dhe e detyron atë të ketë një qëndrim të stabilizuar në politiken e jashtme. Hapja e negociatave do krijojë një lloj vlere dhe barazie në ekonominë shqiptare por dhe krijimin e kushteve për arritjen e depolitizimit të administratës dhe përfshirjes së politikës në korrupsion.” tha Kryemadhi.

“Ndërhyrjet në reformë rekord”, Vasjari: Zgjedhorja nuk zgjidh krizën

Analisti Arjan Vasjari tha se nuk e shikon Reformën Zgjedhore si një zgjidhje të krizës në vend, pasi për të problemi nuk qëndron te pushteti, por te sistemi. Vasjari tha se Shqipëria ka një shifër rekord për ndërhyrjet në reformën zgjedhore dhe deri më sot vijon të ketë probleme dhe të mos gjejë zgjidhje. Për këtë arsye, Vasjari thekson se kriza nuk është e pushtetit, por është e sistemit.

“Zgjidhja e krizës nuk është reformë zgjedhore siç tha Basha, unë se besoj. Pse? Në 27 vite kemi ndërhyrë 13 herë në reformën zgjedhore. Deri sa vijojmë të jemi ende në këtë gjendje atëherë nuk mund të besoj se ky ndryshim i ri do të zgjedh zgjidhjen që presim. Nëse vazhdojmë të bazohemi tek vullneti politik atëherë kemi një sistem zgjedhjesh që ikën njëri, vjen tjetri dhe nuk ndryshon asgjë. Në këtë rast dalim në përfundimin se nuk kemi krizë pushteti këtu, por jemi në një krizë sistemi.” tha Vasjari

Në lidhje me negociatat, Vasjari theksoi se hapja e tyre “ është oksigjeni që nuk do zgjidh probleme në themel, por do imponojë klasën politike të zbatojë rregullat. Ndërsa marrja e një “jo” do të ishte deprimuese për vendin”.

“Parlamenti është ilegjitim” Kryemadhi përplaset me Vasjarin

Legjitimiteti i Kuvendit dhe deputetëve të rinj të opozitës ka përplasur kryetaren e LSI-së, Monika Kryemadhi me analistin Arjan Vasjari në studion e emisionit ‘Real Story”. Kryemadhi theksoi se parlamenti është ilegjitim pasi nga 140 deputetë në fakt ka vetëm 122 dhe se procedura e emërimit të tyre është bërë kundër rregullave. “Kuvendi është ilegjitim pasi nga 140 deputetë sot ka 122. Gjithashtu mënyra e emërimit të tyre duhej bërë një nga një ashtu siç duheshin thirrur edhe deputet e larguar një nga një. Por procedurat nuk janë respektuar dhe emërimi i tyre është bërë në bllok duke u përshpejtuar.” tha Kryemadhi

Ndërsa për analistin Arjan Vasjari, Kuvendi është legjitim dhe çdo deputet i zgjedhur nga listat emërore të partive janë legjitimë. Ndërsa në lidhje me legjitimitetin moral, Vasjari tha se çdokush e mendon në mënyrë të ndryshme. “Parlamenti është legjitim. Të gjithë ato që janë atje brenda janë legjitim. Ata që kanë dalë nga lista emërore e partive janë legjitim atje ku janë në parlament. Në kuptim të çështjes morale atëherë çdo njeri prej nesh ka një mendim të caktuar.”- tha Vasjari./Realstory.al/

“Parlamenti është ilegjitim” Kryemadhi përplaset me Vasjarin

Legjitimiteti i Kuvendit dhe deputetëve të rinj të opozitës ka përplasur kryetaren e LSI-së, Monika Kryemadhi me analistin Arjan Vasjari në studion e emisionit ‘Real Story”.

Kryemadhi theksoi se parlamenti është ilegjitim pasi nga 140 deputetë në fakt ka vetëm 122 dhe se procedura e emërimit të tyre është bërë kundër rregullave.

“Kuvendi është ilegjitim pasi nga 140 deputetë sot ka 122. Gjithashtu mënyra e emërimit të tyre duhej bërë një nga një ashtu siç duheshin thirrur edhe deputet e larguar një nga një. Por procedurat nuk janë respektuar dhe emërimi i tyre është bërë në bllok duke u përshpejtuar.” tha Kryemadhi

“Parlamenti është legjitim. Të gjithë ato që janë atje brenda janë legjitim. Ata që kanë dalë nga lista emërore e partive janë legjitim atje ku janë në parlament. Në kuptim të çështjes morale atëherë çdo njeri prej nesh ka një mendim të caktuar.”- tha Vasjari / Real Story

“Lejen për pallatin ma dha Rama e Basha”. Kryemadhi përplaset me Lubonjën

Debati:

Lubonja: Logjika që na çoi këtu ishte që “ne t’i çojmë fëmijët jashtë dhe këta të rrinë këtu”.

Lubonja: Po ç’lidhje ka kjo tani. Pse bën këtë lëmsh, po flasim për gjithë klasën politike.

Lubonja: Edhe unë nëse kam ndërtuar pallat, gabim.

Lubonja: Atëherë mos u anko me Edi Ramën fare…

Lubonja: Po pse tani u bënë ato, po kur ishe ti në pushtet.

Kryemadhi: Nga 2013-2015 qeverisja ka funksionuar në mënyrë perfekte./Realstory.al/

Sistemi zgjedhor, Kryemadhi në “Real Story”: Të shkojmë në referendum

Monika Kryemadhi dhe analisti Skënder Minxhozi debatuan në studion e “Real Story” të gazetarit Sokol Balla, në lidhje me reformën Zgjedhore. Sipas analistit Minxhozi, të gjitha partitë politike, përjashto LSI, pëlqejnë që të kenë një sistem zgjedhor ku kryetari kontrollon gjithçka, duke vendosur emrat e deputetëve në lista. “Të gjithë këtu e pëlqejnë faktin që të kemi një sistem zgjedhor që kryetari të kontrollojë gjithçka. Dy partitë e mëdha janë shumë komode me faktin se listat mbyllen natën e fundit të afatit dhe kryetarët i bëjnë të gjitha vetë. Partitë nuk kanë jetë të brendshme demokratike për të sjell lista kandidatësh që të jenë aty ku duhet të jenë”, tha Minxhozi.

Monika Kryemadhi ndërhyri në debat, duke u shprehur se problem nuk është sistemi zgjedhor, por sistemi i drejtësisë. Kryemadhi u shpreh se sistemi me lista të mbyllura kufizon demokracinë brenda partive. “Këtu nuk është problem sistemi zgjedhor. Këtu është problem sistemi i drejtësisë. Deputeti i Kukësit nuk është i barabartë me deputetin e Fierit apo Tiranës. Unë besoj te ëndrrat e të rinjve, se ata kanë bërë shpikjet më të mëdha. Unë jam për atë sistem, që vota ime, dhe e të gjithëve të jetë e barabartë. Për mua lista e mbyllur është mungesë demokracie. Do ta bësh me qark, bëje, do proporcional kombëtar, bëje”, tha Kryemadhi.

Monika Kryemadhi deklaroi në “Real Story”, se ndryshimet kushtetuese të vitit 2008, erdhën pasi Berisha pranoi kushtet e Edi Ramës, pasi kërkonte të zvogëlonte kompetencat e Bamir Topit, që ishte president. “Kjo rregullohet me vullnet politik. Ne kemi qenë të hapur për të bërë debat të hapur publik për sistemin. Sali Berisha për të zvogëluar kompetencat e Bamir Topit, pranoi kushtet e Edi Ramës në 2008, me të vetmin kusht që ai të futej në zgjedhje. Duhet të jetë një parlament me madat të kufizuar, siç e bëri Kroacia. Ose shkojmë drejt një referendumi, dhe hajde të përgatitemi e të vendosim si popull, për sistemin zgjedhor, për zgjedhjen e presidentit. Këtu mungon vetëm vullneti politik i një individi”, tha Kryemadhi.

Kryemadhi: Zgjedhjet zgjidhin krizën, mbyllin debatin shterpë

Djegia e mandateve, Kryemadhi: E dija që SHBA ishte kundër

Monika Kryemadhi, në një intervistë në Syri.tv, zbuloi se ishte informuara që në janar se SHBA ishte kundër djegies së mandateve. Ajo tregoi se një zyrtar i ambasadës i kishte shkuar në zyrë, dhe i kishte thënë se “SHBA jo vetëm që nuk do pranonte djegien e mandateve por do dilte kundër”.

“Një zyrtar i ambasadës së SHBA me erdhi në zyrë në muajin janar dhe më tha: SHBA jo vetëm që nuk do të pranojmë djegien e mandateve, por do të dalim kundër. Bojkotin e zgjedhjeve lokale jo vetëm që nuk do ta pranojmë por do të dalim kundër. Këto kanë ndodhur në muajin janar. Dhe unë i kam thënë se ende nuk kemi vendosur gjë për këto gjëra”, është shprehur Kryemadhi.

Duke u shprehur se “nuk jam bërë pishman për djegien e mandateve”, Kryemadhi sulmoi ashpër deputetët që pranuan të futen në kuvend, duke i quajtur qelbësira. “Kanë djegur 182 deputetë mandatet dhe kanë hyrë 17 qelbësira, që njëri shitet me dosjet e SHIK-ut, njëri shitet me dosje terroriste, tjetri me emër të dytë narkomani, tjetri me familjarin që ka në burg, tjetri me drogën, tjetri me korrupsionin, tjetri me tenderat etj”.

“Dhe ky është faji ynë. Dhe çfarë ndodh, njëri me Vettingun e mamit, tjetri me Vettingun e babit, një tjetër sjell një trafikant aty dhe ne nuk merremi më këtë po merremi pse u dogjën mandatet. Shumë mirë bëmë që dogjëm mandatet dhe ishte gjëja më e mirë”, tha Kryemadhi.

Monika futet prapë në rresht: Jo dialog me Ramën, vetëm me PS

Ndryshe nga Lulzim Basha, që artikulon “zgjedhje të parakohshme”, Monika Kryemadhi jep shenja të tërheqje. Në një intervistë për ABC Neës, Kryemadhi shprehet se “mbajtja e zgjedhjeve nuk është çështje datash”. Sipas saj, qëllimi kryesor i opozitës është hapja e negociatave të Shqipërisë me Bashkimin Europian. “Nuk mendoj që është çështje date, mendoj që është çështje reflektimi. Nuk mendoj se është çështja e opozitës 2021, 2020 apo 2019. Opozita ka si qëllim kryesor hapjen e negociatave. Pse? Sepse hapja e negociatave do të vendosi disa korniza të funksionimit, hapja e negociatave do të ndalojë konçesionet, hapja e negociatave do të ndalojë po themi çdo lloj abuzimi dhe arbitrariteti që ka bërë Rama me sistemin e drejtësisë. Hapja e negociatave do të ngrejë në urgjencë dhe e ka të detyrueshme ngritjen e Gjykatës Kushtetuese”, shprhet Kryemadhi.

Më tej, Monika Kryemadhi, që pati deklaruar se “do të futej në zgjedhje me Edi Ramën”, bën një tjetër hap pas, duke i dhënë të drejtë aleatit të saj, Lulzim Basha. Sipas Kryemadhit, institucionalizimi i dialogut politik nuk duhet të bëhet kur “ka problem Rama”, ndaj sipas saj, Basha ka të drejtë “sepse nuk mendon për të bërë llogari politike në favor të partisë së tij”.

“Kur Basha thotë pa Ramën, për hir të së vërtetës ka të drejtë sepse nuk mendon për të bërë një llogari politike në favor të partisë së tij politike, por mendon të bëjë një llogari politike kombëtare në benefit të shqiptarëve, pra për t’iu ofruar shqiptarëve një sistem të drejtë dhe jo për të përfituar nga urrejtja që mund të kenë socialistët brenda PS-së kundër z.Rama dhe këtu z. Basha bën dhe diferencimin thotë që nuk bëhet fjalë më për të përdorur urrejtjen e socialistëve dhe të shqiptarëve kundër Edi Ramës dhe për të shkuar në një proces zgjedhor, por për të përdorur dëshirën e shqiptarëve për të ndërtuar një shtet të pakapur nga krimi dhe nga politika e kriminalizuar”, shprehet Kryemadhi.

Më tej, Kryemadhi, duke folur për raportin paraprak të “Venecias” për Ilir Metën, kryetarja e LSI këroi nga Komisioni, që të tregojë nenin e Kushtetutës, që “shkeli Presidenti”. “Nuk jam këtu për të komentuar Komisionin e Venecias, as për të komentuar Presidentin e Republikës, unë do të dëshiroja që Komisioni i Venecias të më tregonte nenin që ka tejkaluar kompetencën Presidenti i Republikës dhe të më tregonte dhe nenin, qoftë në Kushtetutë, ose në Kod Zgjedhor, se kush është institucioni që vendos datën e zgjedhjeve. Me kaq do të isha më se e kënaqur, mjaftojnë këto dy pika”, shprehet Kryemadhi.

Sipas saj, opozita duhet të dialogojë vetëm me PS, ndërsa me Ramën nuk duhet të humb asnjë sekondë kohë. “Meta ka bërë jashtëzakonisht shumë për të futur Ramën në tryezën e bashkëpunimit dhe në dialogim me opozitën, por gjithmonë i kam thënë që çdo minutë e harxhuar kot me Ramën është abuzim ndaj qytetarëve shqiptarë. Asnjë nga ne nuk duhet të harxhojë asnjë sekondë me Ramën. Me PS-në po, të gjithë duhet të ulemi me vrap për të negociuar dhe për të vendosur rregullat e lojës, për të cilat Shqipëria ka nevojë nganjëherë edhe për të mësuar edhe nga disa vende apo shtete më të reja dhe më të vogla siç është Kosova”, u shpreh Kryemadhi.

Po si lexohet kjo deklaratë e Monika Kryemadhit?

Në fakt, të gjitha këto pohime duke rikthim në pikën zero. Kryetarja e LSI, ishte e para që pas zgjedhjeve të 30 qershorit, deklaroi se ishte gati të “shkonte në zgjedhje me Edi Ramën”. Qëndrimet e saj për një marrëveshje me mazhorancën dhe ulja në tryezë me Edi Ramën, u përforcuan gjatë verës dhe fillimit të shtatorit. Por, tendenca për t`u faktorizuar si forcë politike “pro” dialogut, duket se dështoi. Nga mazhoranca nuk e dëgjuan, ndërsa Basha mbeti stoik i premtimeve të tij, “jo dialog me Ramën”.

Madje, kreu i PD-së, pasi la të kuptohet se ishte afër këtij procesi, u kthye gjithashtu në pikën zero. Vetëm disa ditë më parë, në një intervistë për News 24, Basha shprehu se do të rikthehet te protestat, duke lënë të kuptohet se dialogu është larg. Por, futja në rresht e Kryemadhit vjen, ndoshta, edhe për një arsye tjetër. Mazhoranca, pas 30 qershorit, ngriti Komisionin Hetimor për shkarkimin e Ilir Metës. Zbutja e toneve të Monikës ndaj qeverisë ishte dhe një “flirt” për të “shpëtuar” Ilir Metën, por, pasi mazhoranca konfirmoi vendosmërinë për t`i shkuar deri në fund këtij procesi, Kryemadhi kthehet në “llogore” në pozicion fillestar. Tashmë, nga “do të shkojë në zgjedhje me Edi Ramën”, Kryemadhi thotë: “Jo, është humbje kohe, Basha ka të drejtë”.

Kryemadhi: Bojkotoni Samir Manen

Lëvizja Socialiste për Integrim ka festuar 15-vjetorin e krijimit si forcë politike, ku ka pasur shumë të ftuar si nga politika ashtu edhe arena ndërkombëtare, ndërkohë që Kryemadhi ka shfrytëzuar podiumin para anëtarëve të LSI të sulmojë qendrat e mëdha tregtare.

“Sot unë i bëj thirrje së pari të gjithë anëtarëve të LSI por edhe gjithë shqiptareve të thjeshtë e të ndershëm që ushqimet e tyre të përditshme mos t’i blejnë në qendrat e mëdha tregtare të oligarkëve, por në dyqanet e lagjeve, te komshinjtë e tyre. I bëj thirrje anëtarëve të LSI së pari por dhe gjithë shqiptarëve që veshjet e tyre mos ti blejnë në qendrat tregtare, po te dyqanet e bizneset e vogla.” tha Kryemadhi, ndërkohë që një nga qendrat tregtare më në zë është ajo e TEG e biznsemenit Samir Mane, që duket se Kryemadhi e ka vënë në shënjestrën e saj të akuzave politike.

Akuzat pë qendrat tregtare, duke i cilësuar oligarkë, Kryemadhi i bëri para nisjes së festës së LSI, kur zhvilloi një takim me strukturat e partisë në Pallatin e Kongreseve. Me një fjalim të gjatë para strukturave dhe figurave të LSI, Kryemadhi e përdori podiumin për të mbajtur fushatë, ku nuk munguan akuzat ndaj qeverisë, por as programet elektorale të kësaj force politike.

“Unë jam e vëmendshme ndaj çdo alternative ekonomike që shpaloset nga çdo do krah, nga çdo parti e djathtë, e qendrës apo kudo qoftë. Por njëkohësisht jam e bindur dhe e ndërgjegjshme që Shqipëria nuk shpëton nga drama e pabarazisë pa një të majtë të fortë e moderne, të hapur e të shëndetshme e mbi të gjitha që të ketë të shenjtë interesat kombëtare dhe shërbimin ndaj qytetarëve.” tha Kryemadhi, e cila doli edhe me një plan konkret ekonomik për zhvillimin e vendit, për reformën në arsim, shëndetësi duke deklaruar se ky program do të çlironte vendin nga varfëria. Ajo që u vu re ishte edhe një thirrje të çuditshme të Kryemadhit duke iu drejtuar anëtarëve të LSI, të mos blejnë nëpër qendrat tregtare, por në dyqanet e lagjeve. Në dukje një deklaratë e pazakontë, por në fakt një politikë e mirëmenduar për të fituar elektorat në shtresat e varfra dhe të mesme.

Më pas, Kryemadhi u shfaq në ceremoninë për 15 vjetorit. Gjatë fjalës së mirëseardhjes para personaliteteve të larta shtetërore, politikanëve dhe të ftuarve nga përfaqësitë e huaja diplomatike në Tiranë, kryetarja e LSI ka hedhur një mesazh ironik edhe për ndërkombëtarët, ku duke folur me të qeshur, ajo tha “Ndërkombëtarët, ndonjëherë na e ngatërrojnë rrugën, por edhe falë tyre, ne kemi arritur të ecim përpara”. Megjithatë Kryemadhi është treguar e zbutur në tonin e zërit dhe sulmet e saj, në krahasim me bashkëshortin Presidentin Meta, i cili nuk i ka kursyer sulmet e forta ndaj ndërkombëtarëve, veçanërisht për Reformën në Drejtësi, apo njohjen prej tyre të 30 qershorit.

Në festë ra në sy edhe prania e kreut të Kuvendit, Gramoz Ruçi, pjesë e mazhorancës me të cilën LSI ka pasur përplasje e akuza të forta për muaj me radhë, por mungoi aleati i saj, Lulzim Basha, edhe pse ajo foli me të njëjtin qëndrim si ai.