Për analistin Arian Vasjari, dënimi i Saimir Tahirit nuk kishte lidhje me reformën në drejtësi, ndërsa shton se pa dashur t’i bëjë avokatin, një person nuk mund të dënohet dhe gjykohet vetëm se për të është krijuar perceptimi në publik se është bandit.
“Jam
dakord me disa gjëra. Nuk e pranoj që ambasada amerikane që del e thotë jemi të
zhgënjyer. Pse janë të zhgënjyer? Sepse unë mendoj se çështja Tahiri nuk ka
lidhje me reformën në drejtësi. Nuk mund të ketë drejtësi mbi perceptim
popullor dhe jo në bazë të ligjit, i cili është i qartë. Nuk mund të ketë
dënime pas deklaratave nëpër tryeza. Qasja ndaj drejtësisë ne e kemi mbi bazë
të perceptimit. Unë s’po i bëj avokatin, por po përdorim standardin e para 40
viteve. Tahiri është fajtor pse thuhet se është bandit.” u shpreh Vasjari
nga studio e emisionit “Real Story”.
Incidenti i ndodhur të enjten me deputeten Rusida Hajdari në qytetin e Shkodrës, është bërë pjesë diskutimi edhe në tryezën e emisionit “Real Story” të gazetarit Sokol Balla në Neës24. Gjatë diskutimit me analistët, thuajse të gjithë ranë dakord se ky sulm verbal vjen si pasojë e kulturës së dobët, ndikimit nga mjedisi politik ku ndodhen dhe kultura e shqiptarëve që kërkojnë të imponojnë me zor mendimin e tyre dhe nuk e cilësuan si një sulm të nxitur drejtpërdrejtë me një urdhër politik.
Për analistin Fatos Lubonja ngjarjen e shikon
si problem kulturor të shoqërisë shqiptare, ku ndahen “pasardhës të partizanëve
ose të ballistëve”, ide dhe mendësi që për të vjen që nga koha e Enver Hoxhës. “Ngjarjen me Rudinën e shikoj si problem
kulturor të shoqërisë shqiptare. Kjo histori ka nisur me Enver Hoxhën, që
ndaheshin familje e mirë ose familje ose e keqe, ndërsa vazhdon edhe sot, qoftë
me PD, që merr këtë vajzën pse është e bija e Azem Hajdarit. Azem Hajdari ishte
një figurë politike e të “fortëve”. Me Azem Hajdarin e me këta filloi e keqja
dhe jo e mira. Gjoja sikur Azemi i doli kundër Berishës, mos harrojmë se ndodhi
një vrasje dhe o godit kryeministria. Tregon varfëri kulturore.” tha Lubonja
Alfred Lela tha se nuk besonte se ky incident ishte
urdhëruar nga politika, ndërsa kërkoi që këto figura si Jozefina Topalli apo
Rudina Hajdari që “kanë hyrë në inat me PD”
të shihen më me pozitivitet dhe të mos i cilësojnë si “tradhtare që u bënë me Ramën”.
Për Erl Muratin incidente të tilla ndodhin në
të gjithë botën dhe se është normale që në një vend demokratik dhe me liri shprehje,
të gjithë të shprehin idetë e tyre. Murati tha se nga një anë më mirë këto të
rinj që shprehin mendimet e tyre se sa ato që rrinë kot e të shikojnë, pa bërë asgjë.
“Të
tilla incidente kanë ndodhur edhe më herët në Shqipëri dhe jashtë. Kemi parë
incidente me Ramën, Veliajn, kemi parë në Britani, në Ukrainë ku politikanët
janë futur edhe në kazan plehrash. Është thuajse normale që njerëz të zakonshëm
të shprehin idetë e tyre, por dhuna patjetër është e papranueshme. Por, mendoj
se më mirë janë këta të rinj sesa shqiptarët që rrinë dhe shikojnë.” tha
Murati nga emisioni real Story.
Shqetësimi i analistit Arjan Vasjari ishte mungesa e tolerancës dhe kultura e mospranimit të idesë ndryshe nga shqiptarët dhe sipas tij kjo kulturë frymëzohet edhe nga figurat e larta politike. “Më shqetëson kultura e mospranimit të tjetrit, të të ndryshmes. Kam përshtypjen se është një model që ai merr në figura të larta të politikës. Të gjithë duan që të imponojnë mendimin e tyre, veprimet e tyre. Është reflektim i asaj që ndodh në kupolën e politikës.” tha Vasjari / Real Story
Shqipëria ka marr kryesimin e Kartës së Adriatikut, një nisëm kjo e inicuar vite me parë nga SHBA për të ndihmaur Shqipërinë, Maqedoninë e Veriut dhe Kroacinë në rrugën e tyre të anëtarësimti në NATO. E në kuadër të këtij kryesimi është zhvilluar një ditë më parë në Durrës takimi i Shefave të Shtapit të vendeve anëtare. Pjesë e këtij takimi ishte dhe Gjeneral Lejtant Stephe Twitty, Zv.Komandat i Forcave Amerikane në Europë. Në një intervistë për gazetarin e “Real Story” Thimi Samarxhiu, Gjeneral Tëitty vlerëson rolin e ushtrisë shqiptarë në të gjitha misionet ku ajo bën pjesë si dhe garanton se SHBA do të vijoi të mbështes fuqishëm ushtrinë shqiptare. Ai ndalet dhe tek Baza e Kuçovës, kërcënimet që vijnë nga “aktorë të tretë” si dhe tek fakti se pse Ballani është kaq i rëndësishëm për SHBA dhe NATO.
Thimi Samarxhiu: Gjeneral, së pari
falminderit që gjetët kohë për këtë intervistë. Do doja ta nisja me përshtypjet
tuaja për Shqipërinë, pasi më thatë që është hera e tretë që e vizitoni. Sa ka
ndryshuar Shqipëria në këto kohë?
Lt.Gen. Stephen M. Twitty – Zv.Komandat i
Forcave Amerikane në Europë: Përpara se të nisim, e di që Shqiperia është
goditur nga tërmetet gjatë javës dhe fal Zotit nuk ka pasur të lënduar serioz
apo të vdekur. Dua të shpreh mbështetjen e madhe të Shteteve të Bashkuara për
qytetarët e Shqipërisë. Të kthehemi tek pyetja nëse shoh ndryshime. Padyshim që
shoh ndryshime dhe janë inkurajuese. Kam qenë këtu në 1999 ku po përpiqeshim të
antarësonim Shqipërinë në NATO, kam qenë ndihmësi i Gjeneralit Clark në atë
kohë dhe vendi juaj i dha vlerësimin më të madh Gjeneralit Clark në atë kohë.
Kam qenë në Tiranë, bregdetin dhe mund të them që ju keni një zhvillim të
jashtëzakonshëm ekonomik dhe jam shumë i impresionuar nga ushtria juaj. E
ardhmja juaj është e ndritur.
Th.S.: Gjenaral, ju përmendët angazhimin tuaj
në antarësimin e Shqipërisë në NATO dhe tashmë shënohen 10 vite nga antarësimi i
vendit tonë dhe kemi një nga gjërat më të mëdha dhe të rëndësishme që po
ndodhin, Bazën e Kuçovës, e cila do të kthehet dhe në një qendër të NATO-s në
Rajon. Pse u zgjodh Shqipëria dhe pse Kuçova?
Gjeneral Twitty: Për disa arsye. E para, nëse shikoni aksesin, është në një vend shumë të mirë për të mundësuar akses në Ballkan dhe e dyta modernizimi i asaj baze të do të sjell aftësi dhe kapacitete që nuk janë në asnjë bazë në këtë Rajon. Jo vetëm NATO është e lumtur që do ta përdorë por edhe ne, Ushtria e SHBA jemi të lumtur që do ta përdorim atë bazë.
TH.S.: Përtej pjesës ushtarake, si kjo bazë
do ndihmoi njerëzit në Shqipëri?
Gjeneral Twitty: Do të shihni më shumë forca
të NATO-s që do jenë në bazë, do të shihni forca amerikane dhe si rezultat mund
të shihni dhe një zhvillim ekonomik. Është ende herët për të bërë një
parashikim, por jam i sigurt që sa më shumë trupa të vijnë e ta përdorin, aq më
shumë do mund të shihen dhe frytet ekonomike. Por edhe njëherë, është ende
herët në këtë pikë.
TH.S.: SHBA kanë qenë mbështetësit më të
mëdhenj për ushtrinë shqiptare. Fillimisht kishim ndihma me makina ushtarake,
tani me 3 helikopter. A do të vijoi kjo mbështetje dhe cili do të jetë hapi i
radhës?
Gjeneral Twitty: Qëllimi ynë është që të
vijojmë mbështetjen për Shqipërinë. Ju keni treguar dëshirën për të pasur
paisje amerikane. Kemi shumë gjëra që mund t’ju ndihmojnë për të modernizuar
ushtrinë tuaj. Ju jeni në një rrugë të mbarë agresive tashmë për të arritur 2%
e buxhetit për ushtrinë, nisur nga 2016 deri në 2024 ku keni premtuar që do ta
arrini dhe bashkë me të vijnë shumë të mira, përfshi dhe paisje amerikane.
TH.S.: Si e shihni roli ne ushtarëve
shqiptarë, pasi për hir të së vërtetës ne nuk kemi avion, por kemi vetëm
ushtarë? Si e shihni angazhimin e tyre gjatë misioneve apo stërvitjeve të
përbashkëta, krahasur me vendet të tjera.
Gjeneral Twitty: Kjo është një pyetje shumë e
mirë. Unë për vete jam një ushtar i Ushtirsë së Shteteve të Bashkuara të
Amerikës dhe per ne, më i rëndësishme se paisjet është ushtari amerikan dhe jam
i bindur që është kështu edhe me Shqipërinë. Ju dëshironi një ushtri më
profesionale dhe kjo nis me ushtarët e asaj ushtrie. Dhe për Shqipërinë, nëse
shihni operacionet ku ju merrni pjesë unë jam jashtëzakonisht i impresionuar.
Ju jeni në Afganistan dhe jeni në fakt kontribuesi i dytë më i madh për numër
banorësh atje, jeni në Kosovë, në Irak dhe në shumë vende të tjera, gjithashtu
merrni pjesë dhe në stërvitje të NATO-s. Shqipëria po i përmbahet angazhimeve
të saj dhe kjo është për tu vlerësuar.
TH.S.: Gjeneral, Shtetet e Bashkuara kanë një
fokus të veçant në Ballkan, po pse është kaq i rëndësishme për SHBA dhe NATO
Ballkani?
Gjeneral Twitty: Përgjigja është shumë e
thjesht. Nëse ne kemi një Ballkan të stabilizuar, atëherë kemi dhe një Europë
të stabilizuar. Është kyçe që Ballkani të mbetet një zonë e qetë dhe kjo është
dhe arsyjea se pse ne zhvillojmë këtë konferencë sot. Ka shumë vende që janë
angazhuar edhe sot këtu, përkushtuar ndaj stabilitetit në Rajon. Por ajo që ne
kërkojmë dhe angazhimi im si zv.Komandat i EUCOM këtu është që të sigurojmë që
kemi paqe dhe stabilitet në vendet e Europës dhe pjesë e asaj paqe dhe
stabiliteti është dhe të sigurohemi që edhe Ballkani ështe stabël. Njësoj si
dhe Balltiku. Ne e dimë që Lindja është e kërcënuar nga aktivitete dashakeqe
dhe ne duam të sigurojmë partnerët dhe aletatët tanë që i mbështesin ata për të
arritur objektivat në çështejt e sigurisë.
TH.S.: Gjeneral, ndoshta është një pyetje
politike, por a mund të kemi stabilitet në Ballkan me Serbinë që nuk e njeh
Kosovën? Siç ju e përmendët ju keni qenë këtu në 1999, por tani kemi një Ushtri
të Kosovës e cila mbështetet nga SHBA por jo dhe aq nga disa vende të tjera. Si
do të vijoi kjo?
Gjeneral Twitty: Nuk dua të flas përpara
drejtuesve politik dhe diplomatëve. Ne po e shohim këtë me vëmendje në SHBA, në
aspektin e politikës. Prandaj them le të shohim se do të jetë politika jonë dhe
më pas mund të ma bëni atë pyetje.
TH.S.: Gjeneral, flasim shumë për infulencë
ruse apo të vendeve të tjera, sa reale është kjo infulence? Dhe duke u kthyer
tek Baza e Kuçovës, a mendoni që
Shqipëria mund të jetë “objektiv” i Rusisë me këtë bazë?
Gjeneral Twitty: Do ta nis me pjesën e
objektivit. Është me rëndësi kritike që NATO si e tërë, të 29a vendet, të
mbështesin njëri-tjetrin, dhe ashtu si çdo vend që mund të jetë objektiv, edhe
Shqipëria mund të jetë objektiv. Forca e Aleancës së NATO-s na bën më të fortë;
është diçka e mrekullueshme që Shqipëria është pjesë e Aleancës së 29 vendeve
dhe sulmi ndaj njërit është sulm ndaj të gjithëve. Lidhur me pjesen e parë të
pyetjes, do ti rikthehem dhe njëherë asaj çfarë thash: nëse kemi një Ballkan të
sigurt, në paqe, pa kërcënime, pa ndikime dashakeqe, pa terrorizëm, pa
korrupsion, pa të gjitha këto, atëherë kemi dhe një Europë të sigurt. Ne ndajmë
të gjithë të njëjtat vlera, kemi të njëtjat interesa dhe kjo është të kemi një
vend të lirë dhe të sigurt.
TH.S.: Shumë njerëz thonë që tashmë në fakt
lufta ka nisur, por nuk është ajo klasikja me armatime, avion, por ajo
kibernetike. A duhet të jemi të frikësuar nga kjo luftë e re?
Gjeneral Twitty: Nuk do të thoja që është një
luftë dhe nuk do thoja që të jeni të frikësuar. Duhet ta kuptojmë që ka shumë
domenine tashmë. Kur unë kam qenë i ri, nuk ekzistonte një gjë e tillë. Ne
kishim luftime në tokë, anije në dete dhe avion mbi kokat tona por ka shumë
mënyra tashmë që kundërshtarët tanë dhe aktorë dashakeqë mund të përdorin për
të shkaktuar trazira në mënyrën tonë të jetesës. Një nga ato është në fushën
kibernetike, një në fushën e informimit, një tjetër në hapsirë. Ne duhet të
sigurohemi që ti kuptojmë këto kërcënime dhe të mbrohemi prej tyre.
TH.S.: Pyetja e fundit është më shumë një
këshillë. Pse të rinjtë duhet të bëhen pjesë e Forcave të Armatosura?
Gjeneral
Twitty: Është shumë e thjeshtë. Unë jam ameriak dhe është një thirrje fisnike
për të qenë pjesë e diçkaje më të madhe se vetja. Unë e dua vendin tim dhe dua
t’i shërbej vendit tim. Pra, nëse e doni vendin tuaj ju duhet ti shërbeni atij.
Shërbim vetëmohues për vendin tuaj./Realstory.al./
Ish-anëtari i Këshillit Kombëtar të PD, Edvin
Kulluri, deklaroi në studion e “Real Story”, se PD, para se të shprehi
vullnetin për Reformën Zgjedhore, duhet të tregojë vullnet për reformin e
brendshëm. Sipas tij, përgjegjësia për humbjen e zgjedhjeve në 2017 ishte e Bashës,
dhe jo se u vodhën votat. “Përgjegjësinë
kryesore për humbjen e zgjedhjeve e ka Basha. Nëse PD ka kaq vullnet të mirë,
flas për lidershipin, duhet të reformojë partinë e tij”, tha Kulluri.
Më tej, Kulluri u shpreh se sistemi elektoral
nuk do të jetë kurrë i mirë me partitë aktuale në vend. Sipas tij, të dyja
rregullohen njëkohësisht. “Nuk ka sistem elektoral të mirë me partitë politike
që nuk funksionojnë. Unë them se nuk është mirë as sistemi as partitë. Të dyja
rregullohen njëkohësisht. Këta demokratët dhe socialistët e thjeshtë, i pyet
njeri? Ta thëm unë që jo!”, shtoi Kulluri.
Në fund, sips tij, as Rama e as Basha nuk kanë
moral për të bërë reformë zgjedhore. Për Kullurin, PD ka degraduar. “Nuk ka
Reformë Zgjedhore me këta dy që drejtojnë sot. Nuk kanë moral për ta bërë. Disa
ministra të rinj të Edi Ramës unë sa herë i shoh në tv, i harroj pas një jave. Por
kemi një PD të degraduar. Nuk ka meritë asnjë palë për negociatat. Ne kemi
degradim politik. E dini me çfarë merret PD? Merret me legalizimet, ndërkohë që
ka elektortin e persekutuar”, tha ai.
Edvin Kulluri tha se Basha është i paaftë për të sjellë në pushtet PD. Sipas tij, Partia Demokratike i është shmangur përgjegjësive të veta. “Tragjedia bashiste për mosardhjen në pushtet, është drama personale e Bashës. Rama nuk i fiton zgjedhjet me një opozitë serioze. Prrallat e Lulzim Bashës, është i paaftë të sjelli opozitën në pushtet. Kam drejtuar fushatën në kryeqytetin e hashashit të Shqipërisë, dhe kam fituar në Selenicë. Nuk kam folur kurrë. PD i shmanget përgjegjësive të veta dhe i transferon te komisioni reformës”, tha Kulluri.
Në fund, Kulluri e quan të pamoralshme faktin
që Basha ulet në tavolinë me Gjiknurin, të cilin e ka akuzar për vjedhje vote,
dhe nuk pranon të ulet në tavolinë me Rudin Hajdarin. “Është komike, që ndjekësit
e Bashës ulmojnë një javë po, një javë jo, SHBA në fb. Basha ulet me armikun e
demokracisë, dhe nuk ulet me Rudina Hajdarin. Ky është imoralitet politik. Pse duhet
të bindim ne Hajdarin çfarë thotë Basha? Pse ky është dielli i opozitarizmit në
Shqipëri? Po ne çfarë jemi?. Basha do t`i imponohet sistemit, por nuk ka asnjë
votë në parlament. Me votat e Edi Ramës do imponohet. /Realstory.al/.
Për opozitën parlamentare ndryshimi i sistemit
elektoral është pika kyçe ku do të bazohen ndryshimet e Reformës Zgjedhore.
Rudina Hajdari dhe Ralf Gjoni thanë në emisionin “Real Story” se opozita
parlamentare kërkojnë një sistem proporcional kombëtar me lista të hapura, në të
cilin të përfshihen edhe rekomandimet e OSBE/ODIH-it, dhe se nuk do të votojnë asnjë
‘arnim” të Reformës Zgjedhore që mund të bëhet përmes një marrëveshje mes PS
dhe PD.
Deputetja Hajdari tha se do të punohet mbi
draftin e paraqitur në tetor, si më i miri
i paraqitur, ku do të reflektohen jo vetëm rekomandimet e OSBE/ODIHR-it por
edhe do të punohet për ndryshimin dhe përmirësimin e sistemit për të patur një përfaqësim
më të mirë të qytetarëve dhe kryetarët e partive të mos kenë monopolin me
listat e deputetëve.
“U
paraqitën dy drafte me rekomandimet e OSBE, një në tetor, që ishte më i mirë
dhe një në dhjetor që u soll i arnuar sipas interesave të PS dhe PD. Në do të punojmë
me draftin tetorit dhe do të bëjmë të
gjitha ndryshimet dhe sugjerimet e duhura në mënyrë që të paraqesim
rekomandimet e dhëna nga OSBE, të përmirësojmë sistemin dhe të kemi një përfaqësim
më të mirë. Në dëshirojmë një sistem të ri dhe do e paraqesim atë në komision dhe
parlament. Kërkojmë një sistem proporcional kombëtar me lista të hapura.” tha
Hajdari në Real Story.
Në të njëjtën linjë ishte edhe deputeti Ralf
Gjoni, i cili u shpreh se nuk do të jap votën e tij nëse nuk ka ndryshim të sistemit.
“Ndërhyrja në ligjin për partitë politike që kryetarët të mos kenë monopolin për listat për deputetët dhe shumë ndryshime të tjera janë jetike. Ne do të votojmë një paketë gjithëpërfshirëse të sistemi zgjedhor ku kërkohet ndryshim i sistemit dhe të reflektohen rekomandimet e OSBE/ODIHR-it. Nëse PS nuk kërkon ndryshim të sistemit, vota ime nuk do jetë në favor të një pseudo reforme.Nuk do votojmë asnjë makijazh buzëkuq, ose arnim teknik, për reformën zgjedhore.” tha Gjoni / REAL STORY
Deputeti i opozitës parlamentar Ralf Gjoni bëri një deklaratë të fortë ku tha se PD hodhi poshtë të gjitha aksionin e saj dhe nxjerrjen e qytetarëve në rrugë, dhe tregoi se problemin se ka me Ramën, por me opozitën parlamentare, që në fakt është aty ku është vetëm për faj të Bashës që dogji mandatet. Nga studio e emisionit “Real Story” të gazetarit Sokol Balla, Gjoni sqaroi largimin e tij dhe opozitës parlamentare nga tryeza e dialogut për Reformën Zgjedhore të organizuar nga OSBE. Gjoni tha se largimi i tij me disa deputetë të opozitës parlamentare ishte pikërisht për të treguar një mosdakordësinë e tyre, por jo për të bojkotuar tryezën, pasi bojkoti nuk është praktikë e opozitës parlamentare.
“Nuk u ngritëm për të bojkotuar pasi nuk bojkoti nuk është praktikë e jona, por e bëmë për tu treguar të pranishmëve dhe qytetarëve që nuk ishim dakord me ato që u tha nga Zoti Kaso. PD tregoi se ajo nuk njeh legjitimitetin e këtij komisioni dhe për të treguar se ulen në tryezë pikërisht me Ramën, që për kaq muaj i luftuan dhe nxorën njerëzit në rrugë. Pas gjithë aksionit dhe sulmeve të saj politike, sot PD del e thotë se nuk e ka aspak problem të ulet me Ramën dhe Gjiknurin në tryezë, por problemi paskemi qenë ne, opozita parlamentare. PD e paska propozimin jashtë këtij komisioni vetëm me PS, por ne jemi atje dhe kjo për faj të PD, që u largua. Sot nuk na shmang dot.” u shpreh deputeti Gjoni në emisionin Real Story.
Gjatë ditës së mërkurë, Gjoni së bashku me disa deputetë të opozitës parlamentare u larguan nga tryeza e dialogut për Reformën Zgjedhore të organizuar nga OSBE, pas deklaratës së PD përmes Ivi Kasos, i cili kërkoi ngritjen e një strukture të posaçme me pjesëmarrjen e PS, PD dhe ndërkombëtareve, por jo opozitës parlamentare. Kjo shkaktoi reagimin e opozitës parlamentare, që zgjodhi të largohej nga tryeza në shenjë proteste, por u rikthye më vonë sërish në të. / REAL STORY
Nard Ndoka, kryetari i Kristian-Demokratëve, ka folur me një gjuhë plot epitete dhe komplimente për liderin e PD-së, Lulzim Basha, a thua ai ishte lideri i partisë ku Ndoka bën pjesë. Por nga ana tjetër shton se nuk e ka braktisur Ramën në nivel personal, por si lider. Nga studio e emisionit “Real Story” të gazetarit Sokol Balla, Ndoka tha se Basha ka drejtuar disa kauza të rëndësishme dhe ka dal fitues në disa prej tyre, siç është dekriminalizimi apo djegia e mandatave, që për Ndokën kjo nxori në pah lidhjen e qeverisë me krimin. Ky vendim për Ndokën solli edhe ndërgjegjësimin e ndërkombëtarëve për krimet zgjedhor apo problemet e tjera. Në lidhje me protesta, Ndoka nuk i kurseu vlerësimet dhe admirimin për Bashën, i cili i kërkoi aleatëve të mos kishte të tilla deri më 18 tetor në marrjen e një vendimi për negociatat.
“Kjo
parti socialiste që u kthye në Rilindje, i fitoi zgjedhjet duke u lidhur me
grupet kriminale. Këto grupe kriminale u bën bazamenti i Partisë Socialiste.
Zoti Basha si një lider i formatuar ndryshe, kërkoi që ta dekriminalizojmë
politikën. Kjo mazhorancë nuk e bëri një gjë të tillë. Basha kërkoi një
zgjidhje ligjore. Në këto momente, lënia e mandateve ishte vendim i guximshëm,
por arriti të sensibilizojë ndërkombëtarët për krimin zgjedhor dhe shumë
probleme të tjera. Basha e ka fituar këtë kauzë. Disa nga aleatët i kanë kërkuar
Bashës që të ketë protesta përpara datës 18 tetor. Por ai ka pasur një qasje
tjetër duke kërkuar pritjen e vendimit për negociatat. Kemi komunikim me Ramën.
Ne nuk e kemi braktisur Ramën në mënyrë personale, por si lider. Kemi një lider
të braktisur siç është Rama, dhe një opozitë të bashkuar. Basha ndihet shumë
mirë me ne.” tha Ndoka
Kryetari i Partisë Agrare, Agron Duka, i
ftuar në emisionin “Real Story” të gazetarit Sokol Balla, u shpreh se “presioni”
ndaj Bashës nuk është nga aleatët, por i ndërkombëtarëve ndaj klasës politike. “Opozita
thyeu bojkotin, të mërkurën ulet në tryezë me mazhorancën për Reformën
Zgjedhore.
“Nuk është e vërtetë që unë apo drejtues të
tjerët nga opozita, kemi bërë përpjekje të veçuara. Veprimet e opozitës janë
hap para, jo hap pas. Jemi në kushtet kur presioni ndaj politikës shqiptare është
bërë nga ndërkombëtarët. Negociatat dhe Reforma Zgjedhore. Ne kemi thënë nuk
mund të ulemi me njerëz që akuzohen për vjedhjen e votës”, tha Duka.
Ai shtoi më tej, se kushtet e vendosura nga CDU/CSU për hapjen e negociatave me Shqipërinë, konfirmojnë shqetësimet e opozitës. “Kushtet e CDU/CSU janë ato që ka thënë opozita”, tha ai. Sipas Agron Dukës, 7 kërkesat drejtuar Bashës, kërkojnë unifikimin e produktit politik. “Ka qenë një veprim i të gjithë opozitës. Mendoj që të rakordojmë mendimet tona që të kemi një produkt politik. Ky ka qenë nga bisedat e përbashkëta që ka bërë opozita”, tha Duka./Realstory.al/
Debati
i të hënës në emisionin “Real Story” të gazetarit Sokol Balla ishte tërmeti që
tronditi vendin të shtunën. Një hapësirë të rëndësishme të debatit, e ka marrë lajmi
“fake news”, se të dielën në mbrëmje do të binte një tjetër tërmet i fuqishëm. Për
analistin dhe gazetarin Skënder Minxhozi, lajmi nuk ka qenë i qëllimshëm, por
për të marrë klikime.
“Dje
është shkelur një rregull profesionalisht, mendoj unë. E para nuk mendoj dhe
nuk besoj se është e qëllimshme, dhe e dyta janë shkelur rëndë kriteret dhe
standardet e gazetarisë. Me sa unë e shoh nga jashtë, nga mënyra e formulimit
të titullit, më duket një lajm i prodhuar për të bërë klikim. Më vjen keq që e
them”, tha ndër të tjera Minxhozi.
Ndërkohë,
pedagogu i Sociologjisë, Edmond Dragoti u shpreh se njerëzit e humbën
orientimin. Paniku, sipas Dragotit, kap më shumë njerëzit e moshës 20-30 vjeç. “Rinia
preket fillimisht, pasi morën me vete edhe moshat më të vjetra. Kur bie tërmet,
bëhesh turmë dhe kur bëhesh turmë, ti nuk arsyeton, se bëhesh turmë. Dy vajzat
e mia u frikësuan dhe donin që të më merrnin me vete jashtë, por qëndrova. Mirëpo, ka që dalin”. Ndërsa për
lajmin “fake neës”, Dragoti tha se veç papërgjegjshmërisë profesionale, është
papërgjegjshmëri sociale.
“Mua më duket dhe papërgjegjshmëri sociale.
Veç faktit që futesh në një lajm të rremë, por nga ana tjetër të mos
llogarisësh dhe pasojat e lajmit. Duke
qenë papërgjegjshmëri sociale, ai veprim ka sjellë pasojë shkatërruese për
shoqërinë”, tha Dragoti. Analisti Alfred Lela, u shpreh se lajmi nuk ka pasur
qëllime për përfitime politike, ndërsa theksoi se është “papërgjegjshmëri
profesionale” e gazetarëve që e kanë publikuar. /Realstory.al/
Dëmtimet që la pas tërmeti i fuqishëm 5.8 ballë ditën e shtunë dhe reagimi i qeverisë është kthyer në një debat të fortë dhe përplasje mes të ftuarve Petro Koçi, zëvendës ministri i Mbrojtjes dhe ish-drejtorit të Emergjencave Shemsi Prençi. Në studion e “Real Story”, Prençi tha se qeveria bëri show me çadrat që ngriti ndërsa shtoi se ai është shkarkuar nga detyra pikërisht se flet me kriticizëm dhe se ka propozuar shpalljen e gjendjes së jashtëzakonshme në Shkodër. Ndërsa Koçi tha se reagimi ishte i menjëhershëm nga emergjencat civile dhe se Prençi flet kështu nga inati se iku nga detyra.
Pjesë nga debati:
Petro Koçi:
Inatet që ke lëvizur mos vazhdo..
Shemsi Prençi:
Unë nuk servilosem. Unë merrem me ligjin për Emergjencën Civile. Une jam
larguar nga detyra vetëm se pse kam propozuar shpalljen e gjendjes se jashtëzakonshme
në Shkodër.
Petro Koçi: Janë
vënë në dispozicion shtëpitë e pushimit dhe vendet publike.
Shemsi Prençi:
Njerëzit kanë ikur nga shtëpia. Ku i ke…
Agron Hysenlliu:
Kemi bërë vlerësime në Qafë Zezë.
Petro Koçi: Tani
kthehesh te borxhet, ne po flasim për Qafë Zezën. Nuk janë bërë vlerësime më
parë, jo për faj të Prençit.
Shemsi Prençi:
Fondi rezervë i qeverisë është përdorur për pastrim plazhesh e për buzëkuqe e
nuk përdoret për tërmetet. Ka pasur probleme në Gjirokastër me pallate dhe në
Fier. Kur unë kam qenë polic, ti ke qenë mësues në Kala të Dodës.
Petro Koçi: Jam krenar që kam qenë mësues.
Agron Hysenlliu:
Ka dëmtime në Korçë, në tri rrethet.
Shemsi Prenç: Jo, Korçën ju e keni pasur. / RealStory
