Asnjë shenjë nga i rrëmbyeri në Kamëz

Një makinë “Range Rover” me ngjyrë të bardhë është gjetur i djegur në rrethinat e Durrësit, ku dyshohet se është përdorur nga autorët e rrëmbimit të Jan Prengës në Kamëz. Makina ishte denoncuar e vjedhur pak orë para rrëmbimit të Prengës, ndërsa policia ka dyshime të forta se ajo është përdorur nga autorët që dhunuan e më pas rrëmbyen 49-vjeçarin dy ditë më parë.

Policia nuk ka ende asnjë të dhënë mbi vendndodhjen e 49-vjeçarit, e ndërsa në polici familjarët e tij kanë pohuar se nuk kanë konflikte me njeri.

Sipas dëshmitarëve dy persona me maska rrëmbyen 49-vjeçarin Jan Prenga duke e futur me dhunë në makinën e tyre. Kamerat e sigurisë në zonë zbuluan se autorët u larguan me një mjet tip “Range Rover” me ngjyrë të bardhë.

Ngjarja ndodhi rreth orës 11:44 minuta në rrugën “London” në Kamëz, e ndërsa mjeti i dyshuar i përdorur nga autorët është fiksuar të largohet në drejtim të Fushë-Krujës. Por vetëm pak orë më vonë, burime pranë grupit hetimor sqaruan se pikërisht ky mjet u gjet i djegur në rrethinat e Durrësit. Për policisë rrëmbimi i 49-vjeçarit me origjinë nga Puka e banues në Bathore mbetet ende një mister, pasi Jan Prenga nuk rezulton të jetë person me precedent të mëparshëm penalë.

Rrëmbimi, nëna në lot: Si ma morën vajzën e sëmurë te dera e shtëpisë

13-vjeçarja e rrëmbyer është e sëmurë me diabet e tipit 1 dhe mjekohet 4 herë në ditë. Ajo do merrte mjekimin në momentin që u rrëmbye para derës së shtëpisë.

Rrëmbimi i saj ka shkaktuar gjendje shoku tek familjarët, veçanërisht tek nëna e cila mes lotëve shprehet se vajza do të merrte mjekimin sapo të vinte në shtëpi. Nëna ka treguar se vajza u rrëmbye në hyrjen e pallatit, sapo zbriti nga autobusi i shkollës së bashku me të motrën më të mitur.

“Vajza mu rrëmbye në sy të motrës, Ajo është e sëmurë me diabeti të tipi 1 dhe merr mjekim 4 herë në ditë. Është me diabet dhe mjekohet me insulinë dhe tani që flasim duhet të bënte insulinën.” shprehet e ëma e 13-vjeçares për Report TV.

Sipas familjarët të vajzës së rrëmbyer me iniciale S.B., ato nuk kanë konflikt me asnjë. Motra e vogël, e cila ishte e pranishme gjatë rrëmbimit, ka deklaruar se dikush i është afruar 13-vjeçares dhe i ka vënë diçka te goja dhe e ka marrë dhe e ka futur në makinë.

13-vjeçarja është rrëmbyer nga një person që lëvizte me një makine “Fiat Punto” të kuqe në rrugën “Ndre Mjeda” në afërsi të ish-Parkut të autobusëve. Policia ka ngritur disa postblloqe në qytet dhe është në ndjekje të automjetit.

E rrëmbyen 3 vjeç, bashkohet pas 18 vitesh me familjen falë inteligjencës artificiale

Inteligjenca Artificiale është bërë shkak për bashkimin e një familje të ndarë 18 vite më parë në Kinë. Një fëmijë i vogël 3 vjeçar u rrëmbye 18 vite më parë në një kantier ndërtimi pranë punës së babait të tij. Pas kërkimeve të shumta, familjarët i humbën shpresat për ta gjetur. Por duket se ëndrra e tyre është bërë realitet 18 vite më pas, ku me ndihmën e inteligjencës artificiale, policia bëri të mundur bashkimin e 21-vjeçarit me familjarët e tij. Policia përdori teknologjinë e plakjes së fytyrës, një aplikacioni të ngjashëm me FaceApp të krijuar nga gjiganti teknologjik kinez, Tencent.

Policia e përdori teknologjinë për të parashikuar se si do të dukej tani 21-vjeçari dhe pamjen e tij e krahasoi me një bazë të dhënash me mijëra persona. Pasi përzgjodhën rreth 100 kandidatë potencialë, oficerët arritën të shkonin tek studenti 21-vjeçar.

“Kur e gjetëm, 21-vjeçari refuzoi të besonte se ishte fëmijë i rrëmbyer, por ADN-ja përputhej me atë të prindërve të tij biologjikë“, tha policia.

Pas bashkimit të tij me familjarët, policia ka nisur hetimet për identifikimin e rrëmbyesve dhe zbardhjen e plotë të ngjarjes.