Tag: Sander Lleshaj

Hapen dosjet, zbardhen vrasjet e policëve

Ministri i Brendshëm, Sandër Lleshaj ka bërë një paralajmërim të fortë duke deklaruar se Reforma në Drejtësi do të hapë dosjet e vjetra. Lleshaj tha se për reformën në drejtësi nuk ka dosje të vjetra dhe çdo çështje do të kalojë në sitën e saj.

“Disa dosje nuk quhen asnjëherë të vjetra. Reforma në Drejtësi do të bëjë të mundur zbardhjen e ngjarjeve kriminale”, tha Lleshaj, deklaratë të cilën e bëri gjatë një vizite në familjen e ish-efektivit të policisë Kolë Ndreshaj, i vrarë në krye të detyrës në vitin 2010.  Lleshaj tha se kjo është një ngjarje delikate për t’u zbardhur, ndërsa shtoi se Reforma në Drejtësi do të bëjë të mundur zbardhjen e ngjarjeve të tilla kriminale. Lleshaj tha më tej se janë ende edhe shumë dosje të policëve të vrarë që ende nuk janë zbardhur, ndërsa shtoi se nuk janë harruar dhe se do të zbardhen.

Ky paralajmërim i ministrit të Brendshëm vjen pas sulmeve të vazhdueshme, jo vetëm të opozitës por edhe kreut të shtetit Ilir Meta, që kanë bërë ndaj Reformës në Drejtësi. Një reformë që është nën kujdesin special të SHBA-ve e ndërkombëtarëve dhe pritet të gjejë një zbatim sa më të thellë dhe të luftojë korrupsionin në të gjitha nivelet vendimmarrëse të institucioneve shqiptare. Po dosjet e vjetra apo të mëdha për drejtësinë shqiptare si vjedhja e parave në rrugën Durrës-Kukës, Gërdeci apo 21 Janarit, a do të hapet hetimi? Kjo mbetet për t’u parë, por Ministri Lleshaj e bëri të qartë se me Reformën në Drejtësi nuk do të ketë më dosje të mbyllura apo të fjetura në sirtarët e prokurorëve.  / Realstory

Goditja e 4 bandave, Lleshaj: Pranga 170 personave, sekuestruam 55 mln euro

Operacionin “LIMIT” e ka përshëndetur Ministri i Brendshëm Sandër Lleshaj, i cili e ka quajtur sukses shumë të madh të Policisë së Shtetit. Me anë të një statusi në rrjetet sociale, Leshaj shkruaj se ky operacion vjen në kuadër të një serie goditjesh ndaj krimit të organizuar këtë vit. “Operacioni ndërkombëtar “LIMIT” shkatërroi sot katër grupe te organizuara kriminale me veprimtari në fushën e narkotikëve. 57 persona, në Greqi dhe në Shqipëri janë vënë përpara ligjit. Ky është një sukses shumë i madh i Policisë së Shtetit, Prokurorisë së Krimeve të Rënda, agjencive të tjera dhe partnerëve tanë ndërkombëtarë. “LIMIT” është kulmi i një serie të madhe goditjesh që krimi i organizuar ka marrë këtë vit”, shkruan Lleshaj.

Më tej, Ministri i Brendshëm tregon dhe bilancin e goditjes së krimit të organizuar këtë vit, ku në 9 muaj janë zhvilluar 28 operacione, janë arrestuar 170 persona dhe janë sekuestruar 55 milion euro. “Vetëm gjatë këtij viti, ”FORCA E LIGJIT” ka finalizuar 28 operacione, në fushën e trafikut të narkotikëve janë arrestuar gjithsej 170 persona, janë sekuestruar rreth 55 milion Euro dhe shumë gjëra të tjera. Por asgjë nuk mbyllet me kaq. Operacioni vazhdon. Lufta kundër krimit të organizuar do të njohë vetëm përshkallëzim të mëtejshëm në funksion të përmbushjes së objektivave të mëdha për një Shqipëri të zhvilluar, demokratike dhe europiane. Përgëzimet më të mira për Policinë e Shtetit, Prokurorinë e Krimeve të Rënda, agjencitë e tjera shqiptare të përfshira si dhe për partnerët ndërkombëtarë të angazhuar në këtë operacion”, përfundon Lleshaj.  

OPERACIONI ‘LIMIT’ GODET 4 BANDA, 57 PERSONA NË PRANGA. DETAJET NGA AKSIONI

Lleshaj me “Venecian”, rrëzon Metën: Nuk kishte rrezik për sigurinë

Ministri i Brendshëm Sandër Lleshaj gjatë takimit me delegacionin e Komisionit të Venecias, ka hedhur poshtë pretendimet e presidenti Meta, i cili tha se u detyruar të shfuqizojë 30 qershorin pas marrjes së informacioneve të klasifikuar se rrezikohej siguria në vend. Ministri i Brendshëm Lleshaj nuk është dakord me këtë deklaratë, dhe nuk ka hezituar që këtë t’ia shpreh edhe delegacionit të Komisionit të Venecias, e cila ndodhet për një vizitë dy ditore në Shqipëri pikërisht për të përgatitur një opinion lidhur me shkeljet kushtetuese të Kreu të Shtetit, Ilir Meta. Lleshaj ka thënë se përpjekjet e dhunshme për destabilizim, nuk arritën të shndërroheshin në kërcënim serioz falë pjekurisë së qytetarëve, të cilët nuk u bënë pjesë e skenarëve të dhunës dhe profesionalizmit të Policisë së Shteti. Lleshaj nuk nguroi të akuzojë presidenti Meta por edhe opozitën jo parlamentare se nuk hezituan të krijonin skenarë apokaliptik, por që nuk mundën t’i vinin dot në zbatim falë strukturave ligjzbatuese. Ministri i Brendshëm njoftoi Komisionin e Venecias se zgjedhjet u zhvilluan të qeta dhe të rregullta, pa incidente edhe pse kishte skenarë imagjinare dhe të dëshiruar për të çuar vendin në destabilizim.

“Sot pata nderin dhe përgjegjësinë për të shprehur përpara një delegacioni të Komisionit të Venecias, vlerësimet e mia lidhur me zhvillimet politike të këtij viti të ngarkuar me ngjarje të pazakonta, që kulmuan me përpjekjet e shumëfishta për të cenuar të drejtën e zgjedhjeve demokratike në vend.

Theksova se përpjekjet e dhunshme për destabilizim, nuk arritën të shndërrohen në ndonjë kërcënim serioz për sigurinë e vendit, falë pjekurisë së qytetarëve shqiptarë, që nuk u bënë pjesë e skenarëve të dhunës dhe e profesionalizmit të Policisë së Shtetit dhe strukturave të tjera ligjzbatuese. Ishin pikërisht këta faktorë, të cilët mundësuan që zgjedhjet vendore të zhvilloheshin rregullisht dhe që skenarët apokaliptikë, të imagjinuar apo të dëshiruar, nuk u bënë realitet dhe që Shqipëria të mos binte në një qerthull të rrezikshëm destabiliteti. Takimi me përfaqësuesit e Komisionit të Venecias ishte mjaft profesional dhe me shumë përmbajtje“, thotë Lleshaj.

Përmes këtyre akuzave duket se ministri Lleshaj ka shigjetuar drejtpërdrejt opozitën jo parlamentare me protesta e tyre, ku nuk mungoi dhunimi i institucioneve dhe plagosjet e efektivëve të policisë, por edhe deklaratat e presidentit Meta në Komisionin Hetimor, i cili tha se kishte informacione serioze se gjatë protestave do të digjej Kuvendi, dhe për këtë ishte i detyruar që të shfuqizonte 30 qershorin për të ndaluar gjakderdhjen në vend. Më herët Realstory bëri një kontroll të fakteve ku u vu re se pas firmosje së dekretit për shfuqizimin e 30 qershorit raportohen të paktën 12 sulme më protesta të dhunshme dhe zjarrvënie në mbarë vendin, që synonin djegien e KZAZ-ve dhe materialeve zgjedhore, me arsyetimin se presidenti Meta anuloi zgjedhjet./ Realstory

Super aksioni i policisë në Krujë, Lleshaj: Koha e kanabisit ka mbaruar, e ardhmja në BE

19 persona të arrestuar dhe 7 të shpallur në kërkim, ishte bilanci i një super aksioni të Policisë së Shtetit, zhvillur në Krujë kundër kultivimit të kanabisit. Mbrëmjen e të enjtes, disa orë pas aksionit, ka reaguar me një postim në Tëitter, Ministri i Brendshëm, Sandër Lleshaj. Ai shkruan se “koha e kanabisit ka mbaruar në Shqipëri”, duke theksuar se e ardhmja jonë “janë vlerat evropiane”.

“Operacioni i madh policor kundër kanabisit sot në Krujë është një tjetër goditje e fortë që shpreh vullnet të palëkundur politik dhe kapacitete të plota operacionale. Për ata që ende s’e kanë kuptuar: ka mbaruar historia e kanabisit në Shqipëri. E ardhmja jonë janë vlerat europiane. Jo kanabisi! Respekt për angazhimin e Policisë së Shtetit”, përfundon Sandër Lleshaj.

Personat e arrestuar, në bashkëpunim me njëri-tjetrin, akuzohen se kanë kultivuar bimë narkotike në zonën e pyllëzuar të fshatrave Shkretë, Mafsheq, Nojë, Qafë Shtamë, Picrragë, Brret, Borizanë të Bashkisë Krujë, ku në periudha të ndryshme, janë gjetur dhe asgjësuar kubikë të kultivuar me fara kanabis dhe fidanë narkotike Canabis Sativa.

Lleshaj: Vetëm krimi të bën të pasur në shërbimin publik

Ministri i Brendshëm, Sandër Lleshja ka akuzuar të gjithë ata persona që punojnë në shërbim publik dhe kanë një pasuri të cilën nuk e justifikojnë dot me rrogat që marrin. “Të punosh në shërbim publik, do të thotë të mos bëhesh kurrë i pasur dhe nëse bëhesh, atëherë je marrë me krim.’ Ky ishte mesazhi i qartë që Lleshaj dha për çdo punonjës në sektorin publik, të inkriminuar në korrupsion dhe veprat e paligjshme.

“Ata që bëhen të pasur përmes shërbimit publik kanë bërë krim. Pikë! Nuk ka mundësi që përmes shërbimit publik të bëhet njeriu i pasur me para. Përmes shërbimit publik ju mund të bëheni të pasur në gjëra të tjera. Mund të bëheni të pasur në dinjitet, në ndjenjën e krenarisë së shërbimit ndaj qytetarëve, ndaj popullit tuaj, ndaj vendit.”  tha Lelshaj, i cili foli edhe për procesin e vettingut në polici si një proces që sapo ka nisur dhe nuk do të përçudnojë kurrë.

“Sapo kemi nisur një proces të Vettingut, i cili është një proces që nis sot dhe nuk mbaron asnjëherë. Do të vazhdojë të thellohet, të sofistikohet në mënyrë që të sigurojmë që në Polici të kenë vend njerëzit që kanë nder me vete, që kanë dinjitet, që kanë sens shërbimi dhe që nuk kanë objektiva tjera përveç objektivit që të marrin një pagë të mirë, me dinjitet dhe me nder dhe kaq”, tha ministri. Këto deklarata Ministri i Brendshëm i bëri gjatë një takimi me studentët që përfundojnë kursin për Oficerë të Policisë Kriminale. Ministri bëri thirrje që studentët të bëhet pjesë e Policisë së Shtetit në mënyrë që t’i japin këtij institucioni energji, forcë dhe vlera të reja.

Rama i beson Tiranën Spiropalit, në Lezhë shkon Sandër Lleshaj

Kryeministri Edi Rama ka propozuar disa ndryshime lidhur me drejtuesit politik të qarqeve, por edhe në sekretariatet e Partisë Socialiste. Rama propozoi që në Shkodër të jetë Valdrin Pjetri drejtuesi i ri politik i Shkodrës, ndërkohë që Elisa Spiropali dhe Ervin Bushati do të drejtojnë qarkun e Tiranës. Në Lezhë nuk do të jetë më Lindita Nikolla drejtuese politike, e cila do të marrë një post tjetër, ndërsa vendin e saj do e zërë Sandër Lleshaj.

“Jam gati të propozoj disa ndryshime në udhëheqjen e qarqeve. Në Shkodër qarkun do ta drejtojë kryetari i ri i bashkisë (Valdrin Pjetri). Në Tiranë për më shumë rezultat do ta drejtojnë bashkërisht Elisa Spiropali dhe Ervin Bushati (ne vendin e Blerina Gjylametit)”.

“Përsa i përket sekretariatit, kemi rënë dakord që të bëjmë disa ndryshime të nevojshme. Së pari kemi menduar të kemi një sekretar që të koordinojë punën e këtyre këshillave dhe rezultatet që dalin dhe nevoja për t’u adresuar nga qeveria apo institucionet e tjera. Për këtë ngarkojmë Ilir Beqjan që të bëjë këtë punë” tha Rama.

“Ashtu siç futen cigaret, futen dhe armët kontrabandë”. Lleshaj: Të forcojmë ligjin

Ministri i Brendshëm, Sandër Lleshaj kërkoi nga deputetët në sallën e kuvendit të mbështesin forcimin e dispozitave ligjore për dënimin e personave që mbajnë armë pa leje. Ai tha se në Shqipëri futen armë kontrabandë ashtu sikurse futen cigare kontrabandë dhe kjo zgjidhet vetëm duke forcuar ligjet.

“Duhet ta keni të qartë se Shqipëria është një vend që nuk ka kufizime për prodhimin e armëve. Sot Shqipëria prodhon fishekzjarre, që shtruat pyetjen nga hynë. Sigurisht prodhohen në mënyrë të paligjshme, janë prodhuar për eksport, por janë prodhuar këtu. Sa i përket kufirit, ne nuk mund ta bllokojmë kufirin tani, se nuk është më me tela me gjemba por është i gjelbër. Ashtu siç futen kontrabandë cigaret, mund të futen edhe armë.

Ne do të forcojmë kriteret për mbajtjen e armëve edhe në mënyrë të ligjshme. Të forcojmë dënimin penal ndaj atyre që posedojmë në mënyrë të paligjshme armë. Sa më shumë ta ngushtojmë këtë hapësirë aq më shumë i kemi kursyer jetën qytetarëve tanë. Ju ftoj të reflektoni në këtë drejtim. Sa më pak armë të ketë Shqipëria është më mirë”, tha Lleshaj.

Deklarata u bë në seancën e së enjtes ku po diskutohen disa ndryshime të propozuara nga qeveria për forcimin e Kodit Penal.

Lleshaj jep garanci: Policia në gatishmëri, për zgjedhje të lira dhe të qeta

Ministri i Brendshëm, Sandër Lleshaj pasi hodhi votën dha garanci se policia ka marrë të gjitha masat për të siguruar një proces zgjedhor të lirë dhe të qetë. Ai se sot më shumë se çdo gjë, rëndësi ka që procesi zgjedhor të kalojë pas incidente në mënyrë që Shqipëria të hapë negociatat me BE në tetor.

“Një ndër vendimet më të rëndësishme që merr një qytetar, pra për të vendosur për ata që do të qeverisin pushtetin vendor, pas një periudhe shumë të ndërlikuar përgatitjeje, sot mund të them me kënaqësi që zgjedhjet po zhvillohen në të gjithë vendin të lira, të qeta, nën një atmosferë shumë të mirë.

Është e rëndësishme të theksoj dhe t’ju bëj ftesë gjithë qytetarëve që ta shfrytëzojnë mundësinë për të ushtruar përgjegjësinë e tyre qytetare, aq më tepër që jemi në vigjilje të një vendimi shumë të madh për Shqipërinë, pra për hapjen e negociatave të anëtarësimit të Shqipërisë në BE.

Këto zgjedhje janë po ashtu një kontribut i rëndësishëm në drejtim të dëshmimit të faktit se Shqipëria është një vend, i cili meriton hapjen e negociatave, i cili mund të zhvillojë zgjedhje të lira, të ndershme dhe të drejta.

Në të njëjtën kohë theksoj që forcat e Policisë kanë marrë të gjitha masat për të krijuar mjedis të sigurt për zgjedhjet dhe do të jenë të gatshme, për të vazhduar këtë proces, për ta përmbushur me konsekuencë të lartë këtë përgjegjësi që kanë ndaj qytetarëve shqiptarë”, tha Lleshaj për gazetarët.

Deri tani (10:15) procesi zgjedhor ka qenë i qetë përjashtuar disa incidenteve sporadike në disa qendra votimi.

Basha në rrugën e arsyes, Meta “lan duart” nga dhuna, Rama gati për dialog. A thua paqja afër?

Lulzim Basha jep sinjalin e parë se është gati për të bërë një marrëveshje politike për zgjedhjen e krizës në vend? Nga selia Blu, Basha foli këtë të enjte pasdite në një konferencë për shtyp, ku dha sinjale se mund të futet në rrugën e dialogut, por ai vendos një kusht të ri. “Asnjë hap politik, asnjë zgjidhje politike në Shqipëri nuk do të bëhet pa patur në themel të saj ndëshkimin e të gjithë atyre që kanë vjedhur votat e shqiptarëve. Asnjë marrëveshje politike për daljen nga kriza nuk do mund të arrihet, nëse pika numër 1 e saj nuk është ndëshkimi i vjedhësve të votave”, tha Basha. Por deri dje, Basha nuk fliste për marrëveshje. Deri dje Basha fliste vetëm për një gje: pika numër 1, ishte një tjetër: Rama ik. Në deklaratë gjithsesi Basha e klasifikoi Kryeministrin si kreun e bandës, por duket se fokusi ishte tek pergjimet dhe jo tek akuzat politike. Dhe tek përgjimet e BILD, emrat e përfolur janë të tjerë….

Nëse i sheh gjërat kështu, edhe dalja e Arta Markut të enjten në Kuvend, ishte si dalje nën presion për të shpejtuar hetimet e të famshmeve dosje 339 dhe 184. Duke sikur palët janë në kërkim të dhënies së sinjaleve dhe garancive për një marrëveshje të mundshme, të negociuar sigurisht nga ndërkombëtarët.

Nëse dëshiron t’i besosh jo vetëm intuitës, jo vetëm deshirës se mirë që ky vend të mos shkojë për lesh, të paktën duhet t’i besosh fakteve. Dhe fakt është se dhunë të enjten nuk pati. Askund. Edhe Voltana, ndryshoi qendrim me shpejt sesa c’do ndryshonte modelin e flokëve. Tani ajo thotë se do të marshojë qetesisht kundër Ramës të enjten ne darkë.

Pra, lexuar ndryshe, Edi Rama dhe Lulzim Basha, pavarësisht shumë ndasive, po arrijnë në një pikë të përbashkët, ndëshkimin e krimeve elektorale. Këtë ka kërkuar Rama publikisht prej ditës që kanë dalë përgjimet, këtë po kërkon sot dhe Basha. Deklarata e Ramës e bërë mbrëmjen e së mërkurës fliste pwr vullnetin e tij pwr dialog, megjithwse kaloi heshturazi nën zë nga shumë media, ndonëse edhe për shkak të publikimit të audiopërgjimeve të reja të nxjerra nga gazeta gjermane Bild.

Gjithsesi deklarata e Bashës është ndoshta sinjali i parë nga Selia Blu se mundësia për marrëveshje është rritur. Cuditërisht pak më herët, në të njëjtën valë ishte edhe Presidenti Meta. Guerrilas për dhjetë ditë rresht, deklarata e të enjtes ishte shumë më ndryshe. Ajo i referohej dekretimit te shfuqizimit të zgjedhjeve në kohën e shkuar. Dekreti sipas tij për  “ruajtjen e stabilitetit dhe shmangien e konfliktit civivil në vend”, nuk doli sipas pritshmërive. Ndaj, këtë të enjte edhe kreu i shtetit kërkoi që palët të ulen në dialog, pasi sipas tij nuk është koha për matje force. pasdite krerët e kishës katolike (të cilët që prej vitit 1991 kanë luajtur rol zbutës në momente krizash historike), bënë thirrje që të “harrohen britmat kërcënuese, dhe të nisin ato pajtuese”.

Nëse i lexon me kujdes, të tre liderët kryesor, pavarësisht se deri më sot kanë bërë “thyerje krahu”, duket se nuk janë të gatshëm të marrin përgjegjësinë historike ta çojnë vendin në një konflikt civil me pasoja në jetë njerëzish. Të tre, ndoshta e kanë kuptuar (fatkeqësisht më vonë se të gjithë), se ky zhvillim, nuk do t`i sillte askujt përfitime politike, ndoshta do të ishte fundi politik i të treve, por jo në të njëjtën radhë! Ndaj, arsyeja duket se po fiton terren, vetëm se tashmë duhet që dikush të bëjë hapin e parë konkret drejt dialogut. Nëse këto sinjale do jenë reale, do testohen mbremjen e së enjtes nëse Rama do kontestohet paqësisht në Shkodër, dhe një ditë më pas edhe në Tiranë. Prej dy ditësh pritej një ndërhyrje e fortë ndërkombëtare. Mesa duket rruga nga Uashingtoni në Tiranë, doli më e shkurtër sesa ajo për në Korenë e Veriut. Jo vetëm nga numri i kilometrave. /realstory.al/ 

Leshaj-Bashës: Je i pandehur i shumëfishtë, ke degraduar

Lulzim Basha, gjatë deklaratës të enjten, duket sikur u tërhoq nga kushti i tij i palëkundur për largimin e Ramës për të hapur rrugën e dialogut. Në fjalimin e tij, Basha u fokusua më shumë me Ministrin e Brendshëm, Sandër Lleshaj, duke cilësuar si “veglën e ftohtë dhe të pashpirt të Edi Ramës‘. Basha ishte i qartë kur tha se shumë shpejt ai do të mbajë përgjegjësi për dhunimin dhe persekutimin, që u ka bërë qytetarëve për të mbrojtur Ramën, duke krijuar kështu idenë se ai po ndryshon të akuzuarin nga Rama në drejtim të Lleshaj. Ndoshta kjo është një taktikë e re e Bashës, për të lënë të kuptohet se ndoshta mund të ketë një marrëveshje me kryeministrin, por dikush duhet të dënohet “për dhunën e ushtruar ndaj qytetarëve“.

I menjëhershëm ka qenë reagimi i ministrit të Brendshëm, Lleshaj  ku e cilësoi Basën si një të pandehur të shumëfishtë që në fakt vepron me dy standarde, natën hedh zjarr dhe ditën bëhet prokuror.

“Lulzim Basha vazhdon të hedhë natën zjarr dhe ditën kërcënime kundër shkollave, zgjedhjeve, Policisë etj. Natën bëhet guerrilas dhe ditën prokuror, ndërkohë që është thjesht një i pandehur i shumëfishtë. Keqardhje për degradimin.” shkruan Lleshaj në Twitter.

Skip to toolbar