Joe Biden shpall kandidaturën për postin e Presidentit të SHBA

Joe Biden ka njoftuar zyrtarisht se do të kandidojë për postin e Presidentit të SHBA-së në zgjedhjet e vitit 2020.

Ai e ka bërë njoftimin përmes një video të veçantë të postuar në faqen e tij zyrtare në Twitter, teksa deklaron se jemi në betejë për shpirtin e këtij kombi.

“Nëse i japim Donald Trump 8 vjet në Shtëpinë e Bardhë, ai do të ndryshojë përgjithmonë dhe rrënjësisht karakterin e këtij kombi. Nuk mund të rri e të shohë se çfarë po ndodh”, shprehet ai, ndërsa thotë se “vlerat thelbësore të kombit … demokracia jonë, gjithçka që e ka bërë Amerikën Amerikane është në rrezik”.

Joe Biden është 76 vjeç dhe është në listën e 20 demokratëve të tjerë që kanë shpallur kandidaturën për president.

Në mesin e demokratëve, Biden ka përvojë ndërkombëtare, pasi më parë ka mbajtur postin e zëvendës presidentin të SHBA-së në kohën e Obamës. Ai është një ndër personalitetet më të njohura në politikën e Shteteve të Bashkuara.

The core values of this nation… our standing in the world… our very democracy…everything that has made America — America –is at stake. That’s why today I’m announcing my candidacy for President of the United States. #Joe2020 https://t.co/jzaQbyTEz3
— Joe Biden (@JoeBiden) April 25, 2019

Zëvendës ambasadorja e SHBA vlerëson në shqip policinë e shtetit

Zëvendës ambasadorja e SHBA-së në Tiranë, Leyla Moses-Ones ka zgjedhur të flasë në shqip sot në seminarin e organizuar për luftën kundër terrorizmit. Zyrtarja amerikane ka thënë se institucionet shqiptare kanë bërë një punë mbresëlënëse për të luftuar terrorizmin. Ajo ka sjellë në vëmendje edhe arrestimin e djeshëm të Bledar Ibrahimi nga qyteti i Elbasanit, si një tregues që flet për një punë cilësore nga ana e policisë.

“Institucionet shqiptare kanë bërë një prunë mbresëlënëse për të luftuar terrorizmi. Asnjë vend s’është imun. Kohët e fundit, policia arrestoi një njeri të rrezikshëm. Shpresojmë që të ndihmojmë policinë mbi këtë trajektore të suksesshme”, tha Moses-Ones.

I pranishëm në këtë aktivitet ishte dhe drejtori i Përgjithshëm i Policisë së Shtetit, Ardit Veliu. Ai tha se është bërë një punë e mirë në këtë drejtim, duke nisur që nga mbyllja e profileve që kishin përmbajtje dhe thirrje terroriste.

Arrestohen adoleshentet vrasëse, planifikonin asgjësimin e shokëve të shkollës

Dy adoleshente, përkatësisht nga 14 vjeç, janë arrestuar pasi kanë bërë komplot për të vrarë disa moshatarë të tjetër në shkollën ku ato studionin. Adoleshentet madje kishin krijuar një listë me 9 emra që planifikonin se si t’i asgjësonin.

Ngjarja e rëndë ka ndodhur në shkollën e mesme Avon Park në Florida, SHBA. Sipas policisë ka qenë njëri nga mësuesit që ka gjetur listën me emrat në një nga dosjet e vajzave të titulluara “Informacion privat”, “Mos e Hap” dhe “Projekti 11/9”.

Dosja përmbante tetë faqe shënimesh rreth armëve dhe strategjive se si planifikonin të vrisnin të paktën 9 prej moshatarëve të tyre. Mësuesi tha se në letër kishte gjëra të tmerrshme të shkruara, ku planifikohej se si personat të vriteshin me armë zjarri dhe më pas të digjeshin trupat e tyre apo t’i varrosnin për të humbur gjurmët.

Gjatë arrestimit adoleshentet thanë se e gjitha ishte një shaka, ndërsa policia tha në një deklaratë se nuk mund të bëhej shaka me jetën e njerëzve. Aktualisht dy adoleshentet ndodhen në dhomat e paraburgimit dhe akuzohen për 9 përpjekje për vrasje të paramenduar dhe tre akuza për rrëmbim personi.

Olta Xhaçka hedh firmën, ja ndihma që do na vijë nga SHBA

Forca Ajrore shqiptare do të modernizohet më tej falë mbështetjes së Departamentin Amerikan të Mbrojtjes. Gjatë qëndrimit në SHBA, ministrja e Mbrojtjes Olta Xhaçka vizitoi Gardën Kombëtare të Nju Xhersit në Bazën e Përbashkët McGuire-Dix-Lakehurst, ku u prit nga komandanti i saj, gjeneral brigade Jemal J. Beale. Gjatë kësaj vizite u finalizua marrëveshja dypalëshe mes Departamentin Amerikan të Mbrojtjes dhe Ministrisë së Mbrojtjes së Shqipërisë për marrjen e disa helikopterëve të tipit “Black Haëk”. Ministrja e Mbrojtjes Olta Xhaçka e vlerësoi këtë si një ndihmë të jashtëzakonshme që i jepet Shqipërisë.

“Mbështetja që Shtetet e Bashkuara i kanë dhënë Shqipërisë përmes paketës të suportit, jo vetëm modernizon kapacitetet tona por rrit edhe gatishmërinë dhe operacionalitetin e Forcës tonë Ajrore”, u shpreh ministrja Xhaçka.

Këtë verë, pilotët dhe teknikët e Forcës Ajrore shqiptare do të nisin trajnimin e për përdorimin e helikopterëve “Black Haëk” në Gardën Kombëtare të Nju Xhersit, e cila do të kujdeset gjithashtu, edhe për mirëmbajtjen e këtyre mjeteve fluturuese.

Programi i Partneritetit Shtetëror të Gardës Kombëtare është një program i Departamentit të Mbrojtjes të SHBA-së, i menaxhuar nga Garda Kombëtare që lidh Shtetet e Bashkuara me vendet partnere me qëllim mbështetjen e objektivave të bashkëpunimit të sigurisë.

CNN e ka të sigurt: Joe Biden do të kandidojë për president

Javën e ardhshme Joe Biden do të shpallë kandidaturën e tij për postin e presidentit të SHBA-së. Lajmin fillimisht e ka dhënë gjiganti mediatik CNN dhe më pas është shpërndarë edhe nga mediat e tjera ndërkombëtare.

Formati dhe data e e zyrtarizimit të tij janë ende të paditura, por ekipi i Biden ka muaj që po përgatit terrenin.

Greg Schultz, njeriu që udhëheq fushatën e Biden u shpreh se çdo gjë po shkon sipas planit. Për Biden kjo do të jetë hera e tretë që kandidon për president. Ai ka garuar edhe në vitin 1988 dhe 2008, por pa sukses.

Çfarë e bëri zyrtaren amerikane të derdhë lot në Tiranë

Leyla Moses-Ones, e ngarkuara me punë e SHBA-së në Tiranë, ishte sot e pranishme në një aktivitet të zhvilluar për luftën kundër kancerit të gjirit. Zyrtarja amerikane ka ndarë një histori të dhimbshme nga jeta e saj, teksa nuk arriti t’i përmbante lotët kur kujtoi me dhimbje se nëna e saj ishte ndarë nga jeta për shkak të kancerit të gjirit.

“Dymbëdhjetë vite më parë, në këtë muaj humba nënën time për shkak të kancerit. Kështu që unë e di personalisht se kanceri i gjirit ndikon te të gjithë ne, pavarësisht se kush jemi ose prej nga vijmë. Partitë politike? Të parëndësishme. Lidhjet familjare? Të parëndësishme. Pasuria apo varfëria? Të parëndësishme. Kanceri i gjirit nuk njeh kufij dhe është i verbër ndaj privilegjeve. Ne e dimë se diagnoza e kancerit është tragjike dhe zemërthyese për familjet. Për pasojë, asnjë punëdhënës nuk duhet të ndëshkojë gratë që u duhet të luftojnë këtë sëmundje të tmerrshme”, tha Moses-Ones.

Për këtë qëllim zyrtarja e amerikane apeloi që drejtuesit e Shqipërisë të punojnë së bashku për t’i ardhur në ndihmë këtyre grave por edhe për të çuar përara çështje me rëndësi për vendin, siç është ndër të tjera edhe Reforma Zgjedhore.

“Shpresoj që kjo do të jetë një fushë e përbashkët, ku ju – drejtuesit politikë të Shqipërisë – të mund të vini së bashku dhe të bashkoheni për ta çuar vendin përpara. Së bashku…për një kauzë të përbashkët. Kur t’i lini mënjanë dallimet tuaja dhe të bashkoheni në të mirë të publikut do ta drejtoni këtë vend me frymëzim. Udhëheqës shqiptarë, që punojnë së bashku, për të dhënë një shembull të shkëlqyeshëm për qytetarët tuaj. Zhvillim ekonomik, paqe dhe siguri, ndoshta edhe Reformë Zgjedhore. Të gjitha këto janë të mundshme me drejtues të mirë në krye, në një bashkim përpjekjesh”, tha më tej Moses-Ones.

Mundësi punësimi në ambasadën e SHBA. Shih detajet

Përmes një njoftimi ambasada Amerikane në Tiranë bën të ditur se ka një vend bosh në pozicionin e praktikantit në Zyrën për Marrëdhëniet me Publikun.

Afati për të aplikuar është 23 prill 2019.

Ambasada i bën thirrje të gjithë të interesuarve që të aplikojnë, ndërsa ka vendosur edhe një sërë kriteresh që duhen plotësuar si dhe mënyrëne aplikimit.

Për më tepër shiko linkun më poshtë.

https://al.usembassy.gov/sq/embassy-sq/jobs-sq/?fbclid=IwAR3dpTI9yVWPOG85GOq01XEEWz8QhFy0jI8zAm6bvg4bdNNR_ltw2VAH3jA

SHBA i ndalon hyrjen 16 sauditëve të përfshirë në vrasjen e Khashoggi

Departamenti Amerikan i Shtetit publikoi të hënën listën me 16 individë të cilëve u ndalohet hyrja në Shtetet e Bashkuara për shkak të rolit të tyre në vrasjen e gazetarit të Uashington Post, Jamal Khashoggi.

“Në rastet kur Sekretari i Shtetit, disponon infomracion të besueshëm mbi përfshirjen e zyrtarëve të jashtëm të qeverisë saudite, në vepra korruptive apo shkelje të drejtave të njeriut”, thuhet në deklartë, “këta individë dhe familjarët e tyre nuk kanë të drejtë të hyjnë në Shtetet e Bashkuara.

Khashoggi, një rezident permanent në Shtetet e Bashkuara, dhe një zë kritik i regjimit të Princit të Kurorës Mohammed bin Salman, u vra dhe zhduk më 2 Tetor 2018 në mjediset e konsullatës Saudite në Stamboll.

Në mesin e të “ndaluarve” për të hyrë në Shtetet e Bashkuara është dhe këshilltari i Princit bin Salman, Saud al-Qahtani, i cili sipas CIA’s është i dyshuari kryesor në organiziamin e vrasjes së Khashoggit.

Administrata e Presidentit Trump është përballur më kritika për pozicionin që ka marrë në mbrojtje të marrëdhënies me Arabinë Sauditë, pavarëisht faktit se konkluzioneve të dy institucioneve amerikane si ai I inteligjencës dhe Senatit Amerikan që bëjnë përgjegjës për vrasjen e Khashoggit, Princin e Kurorës Mohammed bin Salman.

Protesta e opozitës, SHBA: Tregoni kujdes

Ndërkohë që opozita ka njoftuar zhvillimin e një proteste pasditen e sotme, ambasada e SHBA-së në Tiranë i bën apel shtetasve të saj në Tiranë që të mos kalojnë në vendet ku ka grumbullim njerëzish. Ambasada shkruan se protesta pritet të përqendrohet në sheshin përpara kryeministrisë, ndërsa udhëzon shtetasit amerikanë që të qëndrojnë larg këtyre vendeve dhe të ruajnë një profil të ulët.

“Pikat e mundshme të grumbullimit të protestuesve në Tiranë janë: Godina e Kryeministrisë, Godina e Parlamentit, godina të tjera qeveritare. Një demonstratë pritet të zhvillohet pranë godinës së Kryeministrisë më 13 prill, 2019, duke nisur nga ora 6 e pasdites. Grupi synon të protestojë kundër qeverisë shqiptare. Kohëzgjatja e demonstratës së pritshme është e panjohur. Forcat e sigurisë kanë përdorur ujë me presion dhe gaz lotsjellës gjatë protestave të fundit.

Personeli i Ambasadës amerikane dhe familjarët e tyre udhëzohen që të shmangin të gjitha pikat e mundshme të grumbullimit, ku zhvillohen apo pritet të zhvillohen demonstratat. Shmangni grumbullimet e mëdha dhe çdo zonë ku zhvillohen, apo mund të zhvillohen demonstrate. Tregoni kujdes për situatën përreth. Ndiqni informacionet e fundit të mediave vendase. Ruani profil të ulët”-thuhet në reagim.

Hidhet në erë një kompleks zyrash në SHBA

Një person ka vdekur dhe 15 të tjerë janë plagosur pas një shpërthimi gazi në Karolinën e Veriut. Shpërthimi mendohet se është shkaktuar nga një kontraktues, i cili goditi gabimisht një tubacion të gazit ndërsa po vendoste një fibër optike ose po shikonte për rrjedhje të tij, situata është ende e paqartë për policinë.

Megjithatë tubi i gazit çoi në hedhjen në erë të një kompleksi ku ndodheshin një kompani ndërtimi, një kafene dhe një zyrë.

15 persona u plagosën, ku 6 prej të cilëve ndodhen në gjendje kritike për jetën. Është e paqartë se sa njerëz ndodheshin brenda ndërtesës, ndërsa zjarrfikëseve u janë dashur orë të tëra për të fikur flakët e mëdha.