Një turiste çeke ka ndërruar jetë në plazhin e Golemit në Kavajë. Ngjarja e rëndë ka ndodhur rreth orës 15:40, ndërsa turistja e moshuar ka humbur jetën sapo ka hyrë në ujë për t’u larë.
Sipas hetimeve paraprake dyshohet se shkak i vdekjes mund të ketë qenë një atak kardiak, ndërkohë që pritet bërja e autopsisë për zbulimin e plotë të shkaqeve të vdekjes.
Policia vijon hetimet për sqarimin e rrethanave të ngjarjes si dhe për identifikimin e turistes çeke.
Ndërron jetë në spitalin e Tiranës turistja izraelite, e cila u aksidentua ditën e premte në qytetin e Elbasanit. Motori me të cilën po lëvizte së bashku me bashkëshortin, u përplas me një makinë. Turistja Michel Nin, 31 vjeç, ka ndërruar jetë të shtunën në spitalin e Traumës, ndërsa i shoqi Nimrod Shwartz 42 vjeç, ndodhet jashtë rreziku për jetën.
Aksidenti ndodhi në lagjen “Emin Matraxhiu”, Elbasan, ku mjeti tip “Toyota” është përplasur me motoçikletën tip “Honda”. Në këtë përplasje u përfshi edhe një mjet tjetër tip “Audi”, dhe për pasojë u dëmtuan drejtuesi dhe pasagjeren e motoçikletës. Dyshohet se manovra e gabuar e motorit ka qenë arsyeja e shkaktimit të aksidentit.
Policia ka vënë në pranga drejtuesin e mjetit shtetasin F.M., 30 vjeç, banues në Elbasan dhe bashkëshortin e viktimës, që drejtonte motorin, Nimrod Shwartz, 42 vjeç, banues në Zefat, Izrael.
Materialet hetimore i kaluan Prokurorisë pranë Gjykatës së Shkallës Parë Elbasan, për veprën penale ” Shkelje e rregullave të qarkullimit rrugor”.