Tag: zjarri

Borshi përfshihet nga zjarri, rrezikojnë të digjen 350 dele

Një sipërfaqe e madhe kullote në zonën turistike të Borshit është përfshirë nga flakët. Paraprakisht raportohet se zjarri ka rënë në zonën midis Borshit dhe Piqerasit në Sarandë.

Sipërfaqja e përfshirë nga flakët është e konsiderueshme. Zjarri është përhapur me shpejtësi në faqen e malit, i ndihmuar edhe nga temperaturat e larta që kanë përfshirë vendin tonë.

Terreni ku ka rënë zjarri është i vështirë, duke pamundësuar ndërhyrjen e zjarrfikësve për të shuar flakët. Kanë qenë banorët e zonës ata të cilët kanë shkuar në mal për të shuar zjarrin me mjetet primitive.

Mediat raportojnë se flakët rrezikojnë të djegin një tuf prej 350 delesh, të cilat ndodhen në stanet e ngritura në zonën e përfshirë nga flakët. Ende nuk dihet nëse zjarri i rënë këtë të martë ka qenë i qëllimshëm, apo është shkaktuar për shkak të temperaturave të larta.

Zjarr në Dropull, flakët prekin Parkun Natyror të Goranxisë

Zjarri i rënë ditën e hënë në pyjet e Dropullit nuk është shuar ende duke shtuar sipërfaqen e shkrumbuar të pyjeve. Përgjatë 24 orëve zjarri ka djegur mbi 15 hektarë kullota si dhe rreth 150 pisha që janë pjesë e Parkut Natyror të Goranxisë.


Zjarri i rënë mes fshatrave Dervician dhe Goranxi në Bashkinë e Dropullit favorizohet nga era e fortë dhe terreni i vështirë duke vështirësuar punën e forcave zjarrfikësve.

Në lidhej me zjarrin ka reaguar edhe Ministria e Mbrojtjes, e cila ka sqaruar se në aksion janë përfshirë forcat e Armatosura dhe zjarrfikëset për të bërë të mundur vënien nën kontroll të flakëve.

Sipas Ministrisë së Mbrojtjes në vendin e ngjarjes kanë shkuar 3 mjete zjarrfikëse të bashkisë së Gjirokastrës , 1 mjet zjarrfikës nga Bashkia e Libohovës si dhe 1 mjet zjarrfikës të Detashmentit të Mbrojtjes Rajonale (FA) Gjirokastër.

Zjarri “kërcënon” vendin, nga banesat deri te kullotat, flakët bëjnë kërdinë

Zjarri ka qenë i pranishëm gjatë të hënës nga veriu në jug të vendit duke djegur një banese, një makinë dhe mbi 5 hektarë tokë.

Një banesë është shkrumbuar nga flakët duke rrezikuar jetën e 4 familjeve që jetoni në të. Ngjarja ka ndodhur në lagjen Kiras të Shkodrës pasditen e të hënës, ndërsa në të jetoni 4 familje ose 20 persona duke u rrezikuar nga flakët. Fatmirësisht nga zjarri pati vetëm dëme materiale dhe asnjë të plagosur. Policia ka nisur hetimet për zbardhjen e shkaqeve të rënies së tij.

Edhe një makinë është përfshirë nga flakët në afërsi të fshatit Bejar, në Mallakastër. Mjeti ka marrë flakë gjatë ecjes duke u shkrumbuar i gjithi. Dyshohet se shkak mund të ketë qenë një shkëndijë elektrike brenda makinës. Forcat zjarrfikëset kanë bërë të mundur shuarjen e flakëve.

Zjarri nuk ka kursyer as kullotat dhe ullishtet në vend. Një zjarr i madh ka rënë në malin mbi fshatin Goranxi të Bashkisë Dropull. Zjarri  ka shkrumbuar rreth 5 hektarë kullotë, ndërsa është mjaft i favorizuar edhe nga era e fortë. Zjarri po përhapet me shpejtësi drejt pishave të Goranxisë që është edhe Monument Natyror. Për shkaka të terrenit të vështirë dhe erës së fortë, zjarrfikësit janë duke luftuar me flakët për t’i vënë ato nën kontroll.

Edhe në fshatin Kutë ka rënë zjarr në një ullishte që ka marrë flakë së bashku me shkurret përreth. Zjarrfikëset kanë bërë të mundur shuarjen e flakëve, ndërsa po punohet nëse zjarri ka qenë aksidental nga temperaturat e larta apo i qëllimshëm.  

Zjarri shkrumbon një banesë dhe 5 makina, panik për pushuesit në Gjirin e Lalzit

Një zjarr i madh ka rënë pas mesditës të së dielës në plazhin e Gjirit të Lalzit, ku si pasojë është djegur një banesë dhe pesë makina.

Policia ende nuk dalë me një deklaratë zyrtare, por mësohet se zjarri ka rënë në një kabinë pushimi për turistët. Si pasojë, flakët të ndihmuara dhe nga kushtetet atmosferike, kanë djegur një banesë dhe pesë makina që ndodheshin aty pranë.

Menjëherë pas rënies së flakëve në vendin e ngjarjes kanë shkuar forcat zjarrfikëse, të cilat kanë punuar për shuarjen e zjarrit. Ende nuk dihet shkaku i zjarrit, nëse ka qenë i qëllimshëm apo është shkaktuar nga ndonjë shkëndijë elektrike. Fatmirësisht, nga flakët nuk ka pasur dëme në jetë njerëzish, vetëm ato materiale, që në këtë rast janë të konsiderueshme.

Flakët kanë shkaktuar panik edhe për pushuesit e shumtë që kanë qenë këtë fundjavë në bregun e Gjirit të Lalzit. Policia ka shkuar në vendin  e ngjarjes dhe po punon për gjetjen e shkaqeve të rënies së zjarrit.

Digjet shtëpia, panik në Elbasan

Një zjarr ka shkrumbuar një banesë brenda në lagjen “Kala” në Elbasan, duke rrezikuar edhe djegien e disa banesave të tjera. Nga raportimet paraprake mësohet se zjarri rënë në një banesë të braktisur në brendësi të lagjes “Kala”, shumë afër një njësie shërbimi biznesi.

Pas rënies së flakëve, katër zjarrfikëse kanë shkuar në vendngjarje për të brëë të mundur shuarjen e flakëve, por për shkak të rrugëve të ngushta në Kala, mjetet zjarrfikëse e kanë pasur të vështirë shuarjen e tij.

Megjithatë, punonjësit e shërbimit zjarrfikës kanë hedhur ujë nga larg. Nga flakët e zjarrit kanë rrezikuar edhe banesa të tjera, të banueshme nga qytetarë të Elbasanit, por fatmirësisht izolimi i flakëve është bërë në kohë, duke mos lejuar përhapjen e tyre. Ndërkohë, nuk raportohet  të ketë pasur probleme në njerëz.

Rama në Finiq premton: Aeroportin e Sarandës dhe…zgjedhje më 30 qershor

Kryeministri Edi Rama ndaloi në Finiq për të prezantuar kandidatin për kryetar të kësaj bashkie për zgjedhjet e 30 qershorit. Komunitetit minoritar grek të kësaj bashkie, Edi Rama nuk u ka folur shumë për politikën e madhe dhe krizën e Tiranës, duke e përqëndruar ligjërimin e tij në premtime konkrete për banorët, që sipas Ramës, në katër vitet e ardhshme do të ndryshojnë jetën e komunitetit. Mes premtimeve, ishte dhe nisja e punës për ndërtimin e atij që është quajtur “aeroporti i Sarandës”, që do të nderohet në hapësirën e administruar nga bashkia Finiq.

Do shkurtojmë rrugën më Athinën duke ndërtuar aeroportin. Aeroporti i Sarandës që është premtuar, po ju them se kemi filluar punën dhe do të fillojmë ndërtimin e tij brenda mandatit të ri, këtu aeroporti do të ketë nisur nga puna në një kantier real.. Nuk jap data dhe afate sepse është lidhur me partnerë të tjerë. E kam mësuar dhe unë. Dëshira ime është që ta përfundojmë por më mirë të jemi të kujdesshëm, nëse na duan më shumë do e mbarojmë para afatit. Besoj se ka ardhur koha që t’ia japim këtë gjë jugut. Ka nevojë edhe për këtë pikë ulje dhe dalje që i mungon”, tha Rama.

Megjithatë, në fund të fjalës së tij, kryeministri i vendit, nuk anashkaloi tërësisht krizën politike të Tiranës. Rama u shpreh i vendosur për mbajtjen e zgjedhjeve më 30 qershor, ndërkohë, sipas tij, kush do të luajë me zjarrin ditën e zgjedhjeve, do të prehet në të.

“Nuk fola për politikën kombëtare, por duke qenë se ka akoma njerëz që mendojnë se s`do ketë zgjedhje, unë po ju them se më 30 qershor do ketë zgjedhje. Këtu do fitojë Kristaqi. Me që na ka dalë nami se ne e dimë rezultatin përpara, ne e dimë rezultatin sepse punojmë. Përpjekja për ta rikthyer Shqipërinë mbrapa nuk ka asnjë shans, sepse nuk ka popull. Ata nuk janë absolutisht mbështetës të rrumpallës, të kaosit dhe të dhunës. Kush i fryn zjarrit të dhunës është i destinuar të prehet në atë zjarr. Nuk ka shans që në Shqipërinë e 2019 të fitojë dhuna”, u shpreh Kryeministri.

Rama, gjithashtu garantoi komunitetin minoritar të bashkisë Finiq, por dhe qytetarët shqiptarë, se 30 qershori do të jetë një ditë e qetë. Sipas tij, edhe nëse do të ketë raste sporadike të problemeve në qendrat e votimit, ato do të jenë të pafuqishme të bllokojnë zgjedhjet.

“Më 30 qershor Shqipëria do të bëj zgjedhje, në një pjesë të territorit kemi nga një kandidat, jo se kemi dashur ne. Në një pjesë tjetër kemi më shumë se një kandidat. Këtu kemi dhe një garë që nuk duhet nënvlerësuar, sepse është është shumë e rëndësishme që populli i bashkuar ti thotë jo politikës së dhunës, rrëmujës, urrejtjes, të sharjes. Jam i bindur që 30 qershori do të jetë një ditë normale, edhe sikur të ketë shfaqe sporadike, edhe sikur të ketë orvatje të dëshpëruara, ato do të jenë të pafuqishme të bllokojnë 30 qershorin. Ato katër persona hallin e tyre të madh me drejtësinë duan ta transferojnë në popull, sepse nuk duan që të çelen negociatat, që Shqipëria të jap llogari për drejtësinë”, tha ndër të tjera Rama.

Zjarr në një kamp emigrantësh në Bosnje, 29 të plagosur

Një ngjarje e rëndë ka ndodhur në një kamp emigrantësh në Bosnje-Hercegovinë, ku një zjarr ka shpërthyer papritur. Zjarri ra në një kamp që strehonte 500 emigrantë, ku 29 prej të cilëve kanë mbetur të plagosur.

Nuk dihen ende shkaqet e rënies së zjarrit, ndërsa autoritetet kanë nisur hetimet. Emigrantët e lënduar po marrin mjekimin e nevojshëm, ndërsa gjendja e tyre është jashtë rreziku për jetën.

Aktualisht Bosnje-Hercegovina po përballet me një numër të lartë të emigrantëve nga Azia dhe Afrika veriore, shumë prej të cilëve kanë mbetur rrugëve, pasi qendrat e strehimit janë të tejmbushura.

Kur bota qan për Notre Dame, ISIS uron me foto

Djegia e katedrales Notre Dame në Paris hidhëroi njerëzit anembanë botës për shkak të vlerave fetare, historike dhe kulturore që ajo mbart. Ngjarja nuk la vetëm parisienët me lot në sy, por ishin të shumtë njerëzit në të gjithë botën që shprehën keqardhjen e tyre për djegien e simbolit të civilizimit perëndimor.

Mirëpo duket se kjo ngjarjes është festuar nga xhihadistët e ISIS, të cilët përmes posterave me mbishkrime të ndryshme kanë treguar katedralen në flakë, në pjesën e dy kullave të përparme që shpëtuan nga zjarri i së hënës.

Këto postera shoqërohen dhe me shkrimet në gjuhën arabe si “Prisni një tjetër në të ardhmen” apo “Paçit një ditë të mbarë”.

Hetuesit që po merren me ngjarjen në fakt e kanë përjashtuar për momentin pistën e një sulmit terrorist rastin e zjarrvënies. Zyra e Prokurorisë së Parisit tha se për momentin po e trajtonte zjarrin si një aksident, duke përjashtuar motivet e mundshme të terrorizmit.

Çfarë la pas zjarri në Notre-Dame? Fotot brenda katedrales

“Shkëndija dhe copa druri që i përkasin çatisë së ndërtuar në shekullin e 12-të, ende vazhdojnë të nxjerrin tym si për të treguar mbetjet e fundit të zjarrit.

Ndihet aroma e rëndë që të djeg fytin sikur sapo ke gëlltitur një dozë të madhe kripe, ndërsa këmbët e mia janë ngjyer me llum. Pllakat e lashta të zeza dhe të bardha janë mbuluar nga hiri dhe uji që lëshojnë pompat e zjarrfikësve dhe duket që një pjesë e lumit Sena është futur brenda.

Megjithatë, unë mund të raportoj me besnikëri se Katedralja e Notre Dame nuk është shkatërruar tërësisht. Sepse unë jam duke qëndruar brenda saj”. Kështu ka raportuar gazetari britanik Robert Hardman në një ekskluzive për DailyMail ku dhe ka renditur fotot nga brenda të katedrales e cila ende vazhdon të qëndrojë në këmbë.

U deshën 9 orë dhe 500 zjarrfikës për të shuar zjarrin e madh që ra dje rreth orës 18.50 minuta në katedralen Notre-Dame të Parisit.

Sot në orët e para të mëngjesit autoritet franceze njoftuan se zjarri është shuar plotësisht dhe se situata është nën kontroll.

Po çfarë la pas zjarri në Notre-Dame? Mediat ndërkombëtare shkruajnë se është shkatërruar dy e treta e tavanit por fatmirësisht ka arritur të shpëtohet struktura e katedrales së famshme.

Prokuroria e Parisit ka nisur hetimet për zjarrin, ndërsa policia ka hedhur hipotezën se gjithçka nisi gjatë punimeve për restaurimin e katedrales. “Le Monde” shkruante se zjarri nisi në papafingon e monumentit përpara se të përhapej në çati.

Katedralja mesjetare përfundoi së ndërtuari në shekullin e 13-të dhe konsiderohej po aq kryevepër arkitekture, sa edhe një simbol fetar që vizitohej çdo vit nga rreth 13 milionë turistë.

Zjarri përpin Notre Dame në Paris, çifti Trump: E tmerrshme

Notre Dame në Paris prej disa orës është duke luftuar me flakët e mëdha të zjarrit. Zjarrfikësit po punojnë për shuarjen e flakëve, që tashmë kanë çuar në rrëzimin e majës së katedrales.

Për këtë tragjedi kanë reaguar edhe presidenti i SHBA-së, Donald Trump dhe Zonja e tij e Parë, Melania Trump.

Gjatë një reagimi në Twitter, Trump e ka cilësuar zjarrin të tmerrshëm.

“E tmerrshme të shikosh zjarrin masiv në katedralen ‘Notre Dame’ në Paris. Ndoshta hedhja e ujit nga sipër mund të përdoret. Duhet vepruar shpejt!”

Edhe zonja e parë e SHBA-së, Melania Trump shkruan se i është thyer zemra për njerëzit e Parisit.

“Mu thye zemra për popullin e Parisit pasi pashë zjarrin në katedralen e ‘Notre Dame’.”

Katedralja ‘Notre Dame’ në Paris është 850 vjeçare dhe çdo vit vizitohet nga minona turistë nga e gjithë bota.

Skip to toolbar