Presidenti Donald Trump duket se do të kopjojë kryeministrin shqiptar Edi Rama, ndërsa po bën të gjitha përgatitjet për të hapur një televizion personal, njëlloj si ERTV e Ramës.
Trump u tha gazetarëve se do të hapë një dritare të re komunikimi dhe se stafi i tij po përgatitet të hapë një televizion për të. Deklarata e tij erdhi si një kundërpërgjigje ndaj gjithë transmetuesve televizivë amerikan të cilët kohët e fundit i janë dedikuar me kohë të plotë Dosjes Ukraina dhe bisedës së presidentit Trump me homologun Zelensky për nisjen e hetimeve për korrupsion ndaj ish Zv presidentit Joe Biden, i cili është favoriti i mundshëm që do të sfidojë Trump në zgjedhjet presidenciale të vitit 2020.
“CNN është veç një zhurmues. Ai është një gjë e tmerrshme për Amerikën”, tha Trump gjatë një tubimi në Florida. “Ne duhet të kemi emisionin tonë televiziv. Amerikanët kanë nevojë për lajme të vërteta sepse lajmet e rreme e kanë dëmtuar shumë vendin tonë”, tha Trump.
Presidenti Trump ka shprehur kohët e fundit zhgënjimin e tij për mediat amerikane në tërësi, të cilat, sipas presidentit, po ndihmojnë kandidatin demokrat Joe Biden.