De Gega dhe dy penallti në favor i kanë dhënë fitoren Manchester United në përballjen me West Ham.
Ka qenë një ndeshje e luftuar deri në fund, me të dyja ekipet që kanë luftuar, por të besuarit e Solskjaer dolën fitimtar në fund.
Ishte Paul Pogba ai që kaloi vendasit në avantazh në minutën e 19’ të takimit nga pika e bardhë e penalltisë.
West Ham është kundërpërgjigjur me Felipe Anderson menjëherë pas pushimit në minutën e 49’.
Miqtë goditën shtyllën një moment, ndërsa një tjetër ishte De Gea që bëri mrekullinë përpara se Pogba të rikthente avantazhin për Djajtë përsëri me penallti.
Kjo ishte penalltia e 12-të e Man United këtë sezon, duke thyer rekordin e penalltive të goditura brenda një sezoni.
Me këtë triumf, skuadra e Solskjaer ka shkuar në kuotën e 64 pikëve duke parakaluar Arsenal që ka një ndeshje më pak.
