Shefki Bylykbashi, 77-vjeçari nga Maliqi ka dalë para trupës gjykuese, pasi vrau djalin e tij, Hamdi Bylykbashi me çekiç.
77-vjeçari është shfaqur i tensionuar dhe kokulur teksa ka kërkuar nga mediat të mos filmohet.
“Më lini more, njeri jam edhe unë”, është shprehur ai.
Fillimisht ngjarja e ndodhur në fshatin Zvezdë u raportua si aksidentale, por nga hetimet e thelluara dhe provat e siguruara rezultoi se 50-vjeçari duke qenë në gjendje të dehur është konfliktuar në banesë me babanë Shefki Bylykbashi, 77 vjeç, të cilin ka dashur ta hedhë në pusin e ujit në oborr.
Ky i fundit e ka goditur me çekiç në kokë duke bërë që 50-vjeçari të ndërrote jetë.
Në dëshminë e dhënë në polici, 77-vjeçari tha se i biri vinte në gjendje të dehur çdo ditë në shtëpi, çka ka bërë që të konfliktoheshin.