Kryeministri i Kosovës, Albin Kurti, ka mbërritur në Tiranë për të marrë pjesë në Samitin e Procesit të Berlinit.
Kurti është pritur nga homologu i tij, kryeministri Rama me të cilën patën dhe një shtrëngim duarsh.
Më herët, në Tiranë për Samitin e Procesit të Berlinit ka mbërritur edhe kryeministrja e Serbisë, Ana Bërnabiç.
Samiti i Procesit të Berlinit zhvillohet sot në Tiranë ku mblidhen liderët e shteteve anëtare të BE-së, përfaqësuesit më të lartë të Bashkimit Europian dhe liderët e vendeve të Ballkanit Perëndimor.
Ky samit është i një rëndësie të veçantë pasi për herë të parë zhvillohet jashtë kufijve të BE-së dhe mbahet në Shqipëri. Punimet e samitit zhvillohen në godinën e rikonstruktuar të Piramidës.
