Një aksident me pasojë plagosjen e një turiste çeke ka ndodhur në qytetin e Gjirokastrës. Turistja ka tentuar të kalojë rrugën, por është përplasur nga një makinë. Mjeti që shkaktoi aksidentin ka përfunduar duke u përplasur edhe me një makinë tjetër, ndërsa turistja ka mbetur midis të dyjave.
Turistja, ende e paidentifikuar, është dërguar në spital ku po merr trajtim mjekësor. Ngjarja ka ndodhur në zonën e Pazarit Karakteristik të Gjirokastrës rreth mesditës pranë xhamisë së qytetit.
