Kombëtarja shqiptare po vazhdon fazën përgatitore në Austri, në prag të Euro 2024. Për disa momente, skuadra është shkëputur nga stërvitjet, por ka qëndruar në fushë.
Seanca e lehtë stërvitore me lojtarët që nuk u aktivizuan ose luajtën pak minuta në miqësoren ndaj Lihteshtejnit, u shoqërua me angazhimin e të gjithë futbollistëve, stafit dhe drejtuesve të federatës, për fotografitë zyrtare përpara eventit në Gjermani.
Ashtu si edhe në Euro 2016, Kombëtarja shqiptare do të prezantohet me kostumet e atelier “Altin Mici”, që kuron imazhin e kuqezinjve. Për Euro 2024 u realizua një set special veshjesh për ekipin dhe të gjithë stafin kuqezi.