Ndihmës Sekretari i Shtetit, Philip Reeker kritikoi ashpër vendimin e Këshillit Europian për të mos hapur negociatat me Shqipërinë dhe Maqedoninë e Veriut. Ai i cilësoi argumentet e mos hapjes si mendësi të shekullit të 19-të. Edhe pse Reeker nuk foli me emra konktretë, të gjithë ndërkombëtarët kritikuan Macron për veton që vendosi për të bllokuar procesin e zgjerimit të BE, me arsyetimin e vendi duhet të zgjidhë problemet brenda vetes.
Reeket tha se SHBA mbështet integrimin e Ballkanit dhe se të dy vendet kanë bërë përparim për të merituar hapjen e tyre.
“Ne u zhgënjyem shumë dhe sekretari Pompeo e bëri të qartë këtë kur Këshilli nuk dha një vendim pozitiv për Shqipërinë dhe Maqedoninë e Veriut. Perspektiva europiane dhe ideja se këto dy vende duan t’i bashkohen BE ka qenë një pikë kyçe e politikës tonë. Ne nuk jemi pjesë e BE, por kemi mbështetur në mënyra diplomatike që këto vende të ecin drejt BE. Është shumë zhgënjyese që disa liderë që kanë një pikëpamje të shekullit të 19-të në lidhje me Ballkanin Perëndimor.” tha Reeker gjatë një interviste për Radio Europa e Lirë
SHBA ka kritikuar edhe më herët vendimin e BE për bllokimin e procesit të zgjerimit, si një vendimi që i hap rrugë armiqve dhe dashakeqëve në rajonin e Ballkanit.
