Vetëm pak ditë më parë në emisionin Real Story, ministri i Brendshëm, Sandër Lleshaj tha se policia është shumë pranë arrestimit të grabitësve në Rinas dhe se disponon prova të forta për identifikimin e tyre.
Por cila është kjo provë e fortë? Mediat televizive bëjnë të ditur se policia ka në duar një telefon celular që është gjetur në furgonin me mbishkrimin “hetimi tatimor”, që u përdor nga banda kriminale për të realizuar grabitjen mesditën e 9 prillit në Rinas.
Celulari mendohet të jetë përdorur nga Admir Murataj, i konsideruar si “truri” i grabitjes, i cili mbeti i vrarë.
Telefoni është dërguar për ekspertizë me qëllim zbardhjen e çdo komunikimi të realizuar me të, e në këtë mënyrë identifikimin e bashkëpunëtorëve të Muratajt, të cilët janë në arrati.
