Rama në mbledhjen me Grupin Parlamentar dhe kabinetin qeveritar: Sot, fokus te të vërtetat tona

Edi Rama: Kërkoj sot vëmendjen tuaj dhe përmes kësaj mbledhje të hapur, të përbashkët të Grupit Parlamentar dhe kabinetit qeveritar, dëshiroj vemendjen e atyre që na kanë votuar qysh prej zgjedhjeve të vitit 2013 kur morëm detyrën të rilindnim Shqipërinë e rrënuar. Bëhet një përpjekje ekstreme për të helmuar publikun dhe për të krijuar një hendek mes nesh dhe shumicës së shqiptarëve që na kanë votuar. Sot nuk do të ndalem as te gjysmë të vërtetat, që janë edhe gënjeshtrat më të mëdha, as te shoifjet. Sot do të përqëndrohem vetëm te të vërtetat, 10 vjet qysh se ne jemi në detyrë. Qofshin të vërteta të ëmbla, qofshin të vërtetat të hidhura.