Rritja e rasteve me COVID-19, Zv.ministri Xhafaj: Të gjithë vendet janë përballur me këtë qasje. Distancimi?! Kjo punë s’bëhet me policë

Më të fundit


Zëvendësministri i Jashtëm, Etjen Xhafaj teksa ishte i ftuar në emisionin ‘Real Story’ në ‘News24’ deklaroi se repsektimi i rregullave dhe distancimi social për shkak të pandemisë së koronavirusit nuk bëhet me policë.


Ai theksoi se të gjitha vendet pas hapjes dhe rifillimit të aktiviteteve pas karantinës, u përballën me qasje të tilla të rritjes së rasteve me COVID-19.

“Kjo punë nuk bëhet me policë. Distancimi social është bërë në të gjithë vendet. Qeveria dhe ministria e Shëndetësisë ka një numër që mund të kontaktohet dhe për shkelje. Duhet të përdoren dhe na qytetarët. Përfshi dhe nga ata në studio. Nga ana tjetër, të gjithë vendet që kanë pasur hapje, kanë pasur një lloj qasje të tillë. Jemi në një qasje të dytë ku kaloi frika dhe lëshimi ka qenë tej mase i madh. Raste të tilla janë dhe jashtë. Madje në SHBA dyfishi i të prekurve.”,- tha ai.