Në një deklaratë të publikuar nga ministrat e jashtëm të SHBA, Francës dhe Britanisë së Madhe, vendet kanë theksuar se do të vijojnë të mbështesin Ukrainën.
Në një takim virtual më ministrin e jashtëm rus Sergeji Lavrov, ato hodhën poshtë pretendimet e Rusisë se Ukraina po përgatitet të përdorë një bombë në territorin e saj.
Ata e cilësuan këtë si një justifikim nga ana e Rusisë për të përshkallëzuar më tej luftën.
Teksti i deklaratës së mëposhtme u lëshua nga Qeveritë e Shteteve të Bashkuara të Amerikës, Francës dhe Mbretërisë së Bashkuar.
“Ne, Ministrat e Jashtëm të Francës, Mbretërisë së Bashkuar dhe Shteteve të Bashkuara, përsërisim mbështetjen tonë të palëkundur për sovranitetin dhe integritetin territorial të Ukrainës përballë agresionit të vazhdueshëm të Rusisë. Ne mbetemi të përkushtuar të vazhdojmë të mbështesim përpjekjet e Ukrainës për të mbrojtur territorin e saj për aq kohë sa duhet,” thuhet në deklaratën e tyre.
“Më herët sot, ministrat e mbrojtjes të secilit prej vendeve tona folën me ministrin rus të Mbrojtjes Sergei Shoygu me kërkesën e tij.
Vendet tona e bënë të qartë se ne të gjithë hedhim poshtë akuzat e rreme të Rusisë se Ukraina po përgatitet të përdorë një bombë në territorin e saj.
Bota do ta shihte çdo përpjekje për ta përdorur këtë pretendim si pretekst për përshkallëzim. Ne hedhim poshtë çdo pretekst për përshkallëzim nga Rusia,” vijon me tej.
Ministrat e Jashtëm diskutuan gjithashtu vendosmërinë e tyre të përbashkët për të vazhduar mbështetjen e Ukrainës dhe popullit ukrainas me ndihmën e sigurisë, ekonomike dhe humanitare përballë luftës brutale të agresionit të Presidentit Putin.