SPAK kërkon “arrest shtëpie” me mbikëqyrje policore, GJKKO vendos sot “fatin” e Berishës

Më të fundit


Gjykata e Posaçme Kundër Krimit të Organizuar dhe Korrupsionit do të “vendosë” sot mbi “fatin” e ish-kryeministrit Sali Berisha.

GJKKO do të marrë sot në orën 15:00 në shqyrtim masën e kërkuar “arrest shtëpie” nga Prokuroria e Posaçme për ish-kryeministrin Berisha, në lidhje me çështjen e privatizimit të ish-kompleksit Partizani.


Seanca e djeshme e GJKKO-së u shty për ditën e sotme, ndërsa u rrëzua kërkesa e avokatëve të ish-kryeministrit për përjashtimin nga procesi të gjyqtares Irena Gjoka.

Pasi Kuvendi miratoi autorizimin e kërkuar nga SPAK për heqjen e imunitetit të tij, Struktura e Posaçme iu drejtua Gjykatës më datë 22 dhjetor duke i kërkuar “arrest shtëpie” me mbikëqyrje policore për ish-kryeministrin.

Në seancën plenare të 21 dhjetorit, Kuvendi votoi dhënien e autorizimit për SPAK për masën ndaj ish-kryeministrit Berisha, mes tensioneve të shumta dhe protestës së mbështetësve të Berishës në kundërshtim të këtij vendimi.




Skip to toolbar