Një 50-vjeçare është plagosur rëndë pasi është përplasur nga një kamion në zonën e quajtur Mollas, pranë Elbasanit.
Kamioni pasi ka përplasur gruan është larguar nga vendi i ngjarjes, ndërkohë kanë qenë kalimtarët që kanë transportuar të plagosurën në spital.
50-vjeçarja ndodhet në gjendje kritike për jetën, ndërkohë policia po heton për zbardhjen e plotë të ngjarjes dhe kapjen e autorit.
Një autobus është përplasur me një pemë duke lënë të plagosur 30 persona, mes tyre një 17-vjeçare në gjendje të rëndë. Ngjarja ka ndodhur në Itali, ku autobusi është përplasur me një pemë, pasi një makinë i ka zënë korsinë duke e nxjerrë atë nga rruga.
Shoferi arrit të shmangte një aksident që mund të kishte një bilanc shumë më tragjik, pasi arriti ta çonte mjetin drejt pemës dhe të mos lejonte përplasjen me mjete të tjera.
Në autobus udhëtonin rreth 50 pasagjerë dhe shumica ishin studentë të cilët po ktheheshin në shtëpi. Për aksidentin ka reaguar edhe kryetari i bashkisë, Luciano Di Lorito, i cili e ka vlerësuar si një hero shoferin e autobusit.
“Ai shmangu një masakër duke u përplasur me pemën. Unë isha në vendngjarje dhe aksidenti mund të kishte qenë shumë më i rëndë nëse autobusi nuk do të ishte ndalur nga pema.” tha Di Lorito
Një 47-vjeçar është arrestuar pasi në gjendje të dehur pa përplasur makinën e policisë. Shtetasi me iniciale A.H., 47 vjeç, bënte manovra të rrezikshme në rrugë në gjendje të dehur duke rrezikuar jetën e qytetarëve por edhe drejtuesve të tjerë.
Kjo ka bërë që policia të kërkojë ndalimin tij, por ky urdhër ka rënë vesh të shurdhër, pasi 47-vjeçari ka tentuar të largohet dhe të mos bindet.
Në përpjekje për t’ju larguar efektive të rrugores, shoferi i dehur ka përplasur makinë e policisë duke rrezikuar edhe jetën e tyre.
Ngjarja ka ndodhur në zonën e Bathores, ndërsa 47-vjeçari ka përfunduar në prangat e policisë.
Mbrëmjen e të shtunës, dy mjetet janë aksidentuar në aksin rrugor Bulqizë-Peshkopi, në afërsi të Shupenzës. Mësohet se dy mjetet janë përplasur me njëri-tjetrin. Si pasojë e aksidentit, raportohet se janë plagosur dy persona, një në gjendje të rëndë.
Konkretisht, një grua, identitetiteti dhe mosha e të cilës ende nuk dihet, ka mbetur e plagosur rëndë. Për këtë arsye, mësohet se gruaja do të transportohet drejt Tiranës për të marrë shërbim të specializuar mjekësor në Spitalin e Traumës.
Ndërkohë, pas aksidentit, policia ka shkuar në vendin e ngjarjes dhe ka nisur punën për zbardhjen e shkaqeve të tij. Policia, gjithashtu, ende nuk ka dhënë informacion zyrtar për aksidentin. Ndërkohë, pak minuta pas aksidentit në Bulqizë, një tjetër ka ndodhur në Lezhë.
Mësohet se një automjet ka përplasur një këmbësor në Lezhë, ku një mjet tip Fuoristradë, ka përplasur këmbësorin, i cili ka qenë duke ecur në anë të rrugës në fshatin Barbulloj e Re.
Ndërkohë, ende nuk raportohet për gjendjen shëndetësore të personit të aksidentuar. Nga informacionet paraprake mësohet se drejtuesi i mjetit është larguar nga vendi i ngjarjes, ndërsa policia e ka shpallur në kërkim.
Një aksident ka ndodhur pasditen e të shtunës në zonën e “Ali Demit”, ku një mjet është përmbysur pasi ka goditur një tjetër mjet. Sipas informacioneve jo zyrtare, dyshohet se shkak i aksidentit ka qenë përplasja e mjetit tip “Fiat” me një mjet tip “Mercedes”, i parkuar në anë të rrugës.
Fatmirësisht, shoferi i mjetit të aksidentuar, nuk ka pasur lëndime serioze për jetën, megjithëse për nxjerrjen e tij nga makina e përmbysur ka pasur vështirësi.
Në vendin e ngjarjes ka shkuar policia, e cila ka nisur hetimet për zbardhjen e aksidentit.
Ndërkohë, Realstory.al ka siguruar foto nga vendi i aksidentit, i cili ka tërhequr vëmendjen e shumë qytetarëve. Ata, qytetarët, në fakt kanë qenë të parët që i kanë dhënë ndihmë shoferit të bllokuar në mjetin tip “Fiat”.
Ende nuk dihet nëse ka pasur persona të tjerë të plagosur nga aksidenti, ndërkohë që në vendin e ngjarjes kanë qenë dy ambulanca.
Një aksident i rëndë me pasojë vdekjen e një 52 vjeçari ka ndodhur mëngjesin e së shtunës në afërsi të Sukthit në Durrës.
Viktima është G.H. 52 vjeç. Policia njofton se 52-vjeçari ishte duke kaluar rrugën në momentin që u përplas nga një makinë tip Toyata në aksin rrugor Tiranë – Durrës.
Drejtuesi i mjetit është shoqëruar në ambientet e policisë për sqarimin e rrethanave të ngjarjes.
34 vjeçari Eldin Dergjini i cili u përfshi mbrëmjen e së mërkurës në një aksident pranë sheshit “Shqiponja” në Tiranë është vëllai i deputetes së LSI-së, Ambra Borova, por ka ndërruar mbiemrin për shkak të precedentëve penalë.
Deklaratat e dyshimta të tij që nuk përputhen me gjetjet e policisë, kanë ngritur dyshimin tek “blutë” se në fakt aksidenti mund të ketë qenë një atentat i mbetur në tentativë. 34-vjeçari Eldin Dergjini, nga Shkodra, banues në Tiranë, mbrëmjen e së mërkurës rreth orës 22:00 teksa udhëtonte me automjet në afërsi të sheshit “Shqiponja”, doli nga rruga duke u përmbysur.
Çështja mori vëmendjen e medias dhe të policisë për shkak të makinës së blinduar luksoze vlera e të cilit shkon diku mes shifrave 150-250 mijë euro dhe që kishte targa ruse. Po kështu policia kur shkoi në vendngjarje nuk e gjeti aty shoferin Dergjini.
Me marrjen e dëshmisë së tij në polici nisën të dalin në dritë detajet e para.
Eldin Dergjini ka deklaruar se dikush e ka ndjekur nga mbrapa me automjet dhe i ka goditur makinën çka solli edhe daljen nga rruga. “Kam qenë duke ecur me makinë me shpejtësi. Vura re që kisha një automjet pas, por nuk e di nëse po më ndiqte. Ajo makinë më goditi nga pas. Humba kontrollin dhe u përplasa me një bordurë dhe makina ime u batua në rrugë. Nuk e pashë mjetin që më goditi”, është shprehur Dergjini. Aktualisht 34-vjeçari ndodhet në spital, jashtë çdo rreziku për jetën me dëmtime të lehta.
Ndërkohë që policia dyshon se ndaj tij është kryer një atentat.
Eldin Dergjini rezulton të jetë me precedentë të mëparshme penale. Ai ka qenë i dënuar në Trieste të Italisë për trafik droge. Policia dyshon se Eldin Dergjini i ka shpëtuar një atentati gjatë aksidentit ditën e djeshme. Grupi hetimor ka sekuestruar kamerat e sigurisë në zonën e aksidentit, për të verifikuar nëse realisht ka një makinë e cila e goditur të riun.
Dy persona janë përplasur nga autobusi në tentativë për të kaluar rrugën. Ngjarja ka ndodhur në afërsi të bulevardit “Zogu i Parë”, ku autobusi i linjës ‘Tirana e re” ka përplasur dy femra. Ngjarja ka ndodhur rreth orës 13:32, ndërsa të plagosurat ndodhen jashtë rreziku për jetën.
Policia ka bërë shoqërimin e shoferit të autobusit, shtetasit me iniciale A. M për sqarimin e plotë të rrethanave të aksidentit.
Piloti i ri, australiani Alex Peroni, që garon në kampionatin e Formula 3, mund ta quajë veten me fat, pas një aksidenti të frikshëm në Çmimin e Madh të Italisë, në pistën e Monza. Piloti australian, ishte duke drejtuar makinën e tij, teksa në një kthesë ai goditi një bordurë, e cila e fluturoi në ajër makinën. Fatmirësisht, edhe pse makina fluturoi në ajër duke u rrëzuar në tokë me forcë, 19-vjeçari shpëtoi pa asnjë dëmtim, por shumë i tronditur nga aksidenti.
Aksidenti në pistën e Monza, vjen vetëm një javë pasi në Belgjikë humbi jetën një pilot 22-vjeçar gjatë garës në Formula 2. Anthoine Hubert u aksidentua teksa përplasi me forcë një tjetër makinë përpara tij në pistë, duke humbur jetën tragjikisht në aksident.
Ndërkohë, piloti i Sauber Junior Team, Juan Manual Correa, që ishte dhe shkak i aksidentit të SPA, ndodhet ende në spital në gjendje të rëndë për jetën. Ndërkohë, në garën e Formula 3 të Çmimit të Madh të Italisë, piloti shqiptar Lirim Zendeli e nisi garën nga vendi i dytë, por në xhiron e dytë të saj ai doli jashtë gare duke humbur shansin për t`u ngjitur në podium.
Një person ka humbur jetën pasi biçikleta me të cilin udhëtonte është marrë para nga një kamion. Ngjarja e rëndë ka ndodhur në aksin rrugor Fushë Krujë- Laç, në afërsi të fshatit Luz.
Kamioni i drejtuar nga shtetasi me iniciale S.D., ka përplasur biçikletën, duke i marrë jetën drejtuesit të saj, 50-vjeçarit me iniciale N.SH.
Policia ka arrestuar drejtuesin e kamionin dhe pu heton për sqarimin e plotë të rrethanave të aksidentit.