Tag: Edi Rama

Rama: Shkodra është e jona, ju vazhdoni digjni gomat

Kryeministri Edi Rama është ndalur në qytetin e Shkodrës në kuadër të turit “Bashkia që Duam” ku bëhet edhe prezantimi i kandidatëve për zgjedhjet e 30 qershorit.

Gjatë fjalës së tij me banorët, Rama tha theksuar se zgjedhjet do të mbahen më 30 qershor. Ai shprehu keqardhjen e mungesës së opozitës, pasi do të dëshironte të kishte një garë të vërtet kur PS-ja të fitojë edhe qytetin e Shkodrës.

“Më datë 30 qershor do të ketë zgjedhje, kjo është e sigurt. Nuk e di nëse ata të opozitës do të kenë apo jo kandidatë, por jam i bindur se ne do ta fitojmë Shkodrën. Demokratëve të mërzitur iu them ‘kujdes se Flamuri mund t’jua djegë gomat’. Nuk ka forcë që ndal verdiktin e popullit. Sigurisht që ne do të donim garë dha ta fitonim me garë Shkodrën. Por ne do ta marrim Shkodrën me çfarë do lloj forme demokratike, sepse kemi ekipin fitues. Kësaj opozite t’i vijë turp për atë që bën, duke sharë Shqipërinë nga mëngjesi deri në darkë” – tha Rama

“PD ta harrojë qeverinë transitore”

Kryeministri Edi Rama i ka kthyer përgjigje nga Malësia e Madhe opozitës së bashkuar PD-LSI për një qeveri teknike. Rama e ka bërë të qartë se zgjedhjet do të zhvillohen me 30 qershor dhe se nuk do të ketë asnjë qeveri teknike.

“Kanë vendosur që të mos hyjnë në zgjedhje, do donim që t’i kishim në garë se është më e bukur fitorja kur e mund tjetrin me gola jo në tavolinë, i bëmë të gjitha përpjekjet tona. Ka një gjë që ata kërkojnë dhe ne nuk ia plotësojmë dot. Luli do të bëhet kryeministër dhe thotë “ik ti se do vij unë”. Por unë kam marrë vota nga ju, kjo është e pamundur s’e bëjmë dot.  Ela dhe atë punë që kishe dhe tha unë ja, popull. Dhe kërkojnë njerëzit që të thyejnë murin me kokë e që të kalojë Basha. Është qesharake dhe për të ardhur keq. Shoq që shumë kush prej atyre që i shkojnë mbrapa dhe Luli dhe Monikës, këta të fundit besojnë në filxhan. Po këta të tjerët mendojnë që vërtetë do shtyhen zgjedhje dhe besojnë se në fund do të ketë një gjë që Luli do të marrë gjysmën e qeverisë. Asgjë nga këto nuk do të ndodh. A jo që do të ndodh është se pas zgjedhjeve PD duhet të rilind, por kjo është puna e tyre. Puna jonë është që të bëjmë zgjedhje”, tha Rama.

Ndërkaq partitë e koalicionit opozitar janë zotuar se nuk do të futen në zgjedhje nëse nuk do të ketë një qeveri transitore.

I bllokojnë rrugën, reagon Rama: I keqardhur për grupet e vogla!

Kryeministri Edi Rama ka postuar një mesazh në Twitter, ku shkruan se ndihet i keqardhur nga orvatja e grupeve të vogla që çuan në qorrsokak PD-në dhe që po përpiqen të çojnë në qorrsokak edhe Shqipërinë.

“Rrugës për Malësi të Madhe😊Sinqerisht i keqardhur për grupet e vogla të njerëzve të mbledhur kthesave nga ata që pasi e çuan në qorrsokak pd, orvaten më kot të çojnë në qorrsokak edhe Shqipërinë! Pak nga pak edhe këta njerëz do e kuptojnë se fajin u’a kanë udhëheqësit e verbër👎”, shkruan Rama.

Reagimi i tij vjen pasi përfaqësues të PD-së i bllokuan rrugën në hyrje të Shkodrës duke djegur goma makinash.

Nuk ishin të denjë për qytetarët, Rama heq 600 punonjës nga administrata

Në takimin e përjavshëm me qytetarët që kanë gjetur zgjidhje nga portali “Shqipëria që duam”, kryeministri Edi Rama ka bërë të ditur se janë pushuar nga puna 600 punonjës të administratës të cilët nuk ishin të denjë t’i shërbenin siç duhej qytetarëve.

“Janë 600 individ, nga punonjës deri tek drejtues që janë pushuar nga puna se nuk kanë qenë të denjë në shërbimin e qytetarëve. Edhe nga konstatimet tona në bazë të rezultateve të punës së matshme, nga raportet dhe ankesat, por edhe marrja e perceptimit të qytetarëve, ka një perceptim që ndjehet tek shërbimet publike. Miku i famshëm që ishte ilaç tradicional për problemet në shtet, sot ka jo vetëm pamjen, por edhe trajtën e qeverisë. Qeveria miku më i madh i çdo qytetari”, tha kreu i qeverisë. 

ERTV Live😊: shqiperiaqeduam.al🤝Mjafton një klik dhe gjen një mik😁#eGjithëVëmendjapërJu

Publiée par Edi Rama sur Mercredi 24 avril 2019

Arrestimet për grabitjen në Rinas, Rama: Policia po tregon veten

Pas lajmërimit nga policia për arrestimin e një personi të 5-të si bashkëpunëtor i ngjarjes së grabitjes së parave në Rinas, ka reaguar edhe kryeministri Rama me një status në Twitter. Rama tha se policia çdo ditë po tregon forcën e saj duke e ngushtuar gjithmonë e më shumë rrethin e keqbërësve.

“Arrestohet edhe një autor tjetër i grabitjes së Rinasit, duke e ngushtuar më tej rrethin e keqbërësve falë punës intensive dhe profesionale të Policisë së Shtetit. E cila po provon se ka kaluar në një nivel të ri fuqie goditëse ndaj krimit, duke folur përditë me rezultate konkrete.”

Koalicioni opozitar, Rama: Zgjedhjet as ndalen, as shtyhen!

Ndërsa krerët e opozitës krijuan sot Koalicionin Opozitar, duke nënshkruar një marrëveshje me 10 kushte për Ramën, kryeministri sapo ka reaguar në twitter duke e cilësuar këtë lëvizje të opozitës, vetëvrasje politike.

Rama shkruan se zgjedhjet e 30 qershorit, as nuk ndalen dhe as nuk shtyhen, ndërsa këto lëvizje të opozitës, sipas tij vijnë nga dëshpërimi i humbjes.

“Pas djegies së mandateve, koalicioni kundër zgjedhjeve një tjetër formë e padëgjuar vetëvrasjeje politike! Humbësit kronikë janë peng i dëshpërimit të tyre, po Shqipërinë s’e marrin dot peng.Zgjedhjet as ndalen as shtyhen. Në 30 qershor qytetarët do flasin me votë në çdo bashki.”, shkruan Rama.

Arrestimi i grabitësve në Rinas, Rama përshëndet aksionin e policisë

Kryeministri Edi Rama ka përshëndetur aksionin e policisë për arrestimin e 4 grabitësve në ngjarjen e Rinasit. Rama e cilësoi arrestimin e grabitësve një zhvillim inkurajues në rrugën e ndëshkimit ligjor.

“Ndalimi i 4 personave të përfshirë në grabitjen e aeroportit, një zhvillim inkurajues në rrugën e ndalimit dhe ndëshkimit ligjor të të gjithë autorëve të krimit. Policia e Shtetit duhet të provojë përditë se sa më shumë sulmohet e baltoset, aq më shumë rritet forca e saj goditëse.” – shkruan Rama

Raporti për lirinë e mediave, Rama: S’ka media të shantazhuar

Pjesë e reagimeve lidhur me raportin e lirisë së mediave nga “Reporterët pa Kufij”, është bërë edhe kryeministri Rama, i cili ka publikuar edhe një tabelë ndër vite të renditjes së Shqipërisë.

Ai i ka cilësuar sulmet e opozitës si moral të “virgjëreshave” që deri dje rrihnin e plagosnin gazetarët. Në një reagim në Twitter, Rama shkruan:

“Një pasqyrë kujtese “virgjëreshave” që vrisnin qytetarë, rrihnin e plagosnin gazetarë dhe sot bëjnë moral! Ka ende shumë për të bërë për lirinë e medias dhe ndarjen e lumit të informacionit nga llumi i kazanit po ashtu. Por me këtë qeveri s’ka media të shantazhuar e liri të mohuar!”

Rama: Asnjë justifikim nga koncesionari

Kryeministri Edi Rama ka reaguar në Twitter pas grabitjes që ndodhi në aeroportin e Rinasit duke bërë fajtor koncesionarin dhe se nuk do të pranojë më asnjë justifikim nga ai. Rama njoftoi gjithashtu se siguria e TIA-s do të merret nga shteti.

“Kompania kineze që bleu aeroportin nga e mëparshmja, dështoi po njësoj në garantimin e sigurisë. Shteti shqiptar s’do pranojë asnjë justifikim nga kompania, po do marrë kontrollin e perimetrit të jashtëm e të sigurisë së brendshme. Respekt për policinë që sulmohet veshëgjatësisht.” -shkruan Rama

Rama për protestën: Opozitë e verbër që marshon drejt vëtëshkatërrimit

Edhe kryeministri Rama ka reaguar pas tensioneve që kanë shoqëruar protestën e opozitës, ku kanë mbetur të plagosur edhe disa efektiv të policisë. Rama e quan një protestë vetëshaktërruse, pasojat e të cilës po e vuajnë policët në detyrë.

“Solidaritet me çdo punonjës policie që në ditë si kjo, duhet të përballet me ekseset fizike të një politike të dëshpëruar, pa kokë, pa drejtim, pa të nesërme! Keqardhje për policët e plagosur nga goditjet qorre të dy partive të verbuara, që marshojnë në rrugën e vetëshkatërrimit.” – shkruan Rama

Skip to toolbar