Cakaj: Ndihmojmë financiarisht shqiptarët e Malit të Zi për hapjen e librarisë me literaturë në gjuhën shqipe

Nëpërmjet një reagimi në Facebook, Ministri në detyrë për Evropën dhe Punët e Jashtme, Gent Cakaj, bëri me dije se Qeveria e Shqipërisë ka vendosur t’i japë mbështetjen e nevojshme financiare Këshillit Kombëtar të Shqiptarëve në Mal të Zi, për të filluar punën për hapjen e librarisë me literaturë në gjuhën shqipe, në Ulqin.

Kryediplomati Cakaj theksoi se ky projekt, me rëndësi të veçantë në forcimin e trashëgimisë historike e kulturës së vyer të shqiptarëve në Mal të Zi, i udhëhequr nga Këshilli e i mbështetur nga Shqipëria, do të vijojë edhe në Tuz, Guci e Plavë.


“Ndërkohë ne do të vazhdojmë me qasje aktive e punë intensive për të përmirësuar pozitën e shqiptarëve në rajon.”- shprehu bindjen Cakaj në përfundim të reagimit.


Tirana bashkon Luginën e Preshevës, listë të përbashkët në zgjedhjet serbe

Partitë politike shqiptare në Luginën e Preshevës konkretisht, Partia për Veprim Demokratik, Alternativa për Ndryshim, Partia Demokratike, Lëvizja Reforma në PDSH dhe Lëvizja e Progresit Demokratik kanë arritur të krijojnë për herë të parë një marrëveshje ku të bëhen bashkë dhe të përfaqësohen me një program në zgjedhjet e ardhshme parlamentare të Serbisë. Programi i tyre i përbashkët do të quhet “Alternativa Demokratike Shqiptare – Lugina e Bashkuar” dhe shënon bashkimin e palëve për të siguruar një përfaqësim sa më të lartë dhe për të krijuar një pozicion sa më të fuqishëm prej zgjedhjeve parlamentare në Serbi.

Nënshkrimi i kësaj marrëveshje të përbashkët u bë në Tiranë mes përfaqësuesve të partive shqiptare të Luginës dhe pranisë së ministrit në detyrë për Punët e Jashtme, Gent Cakaj.


Cakaj vlerësoi arritjen e kësaj marrëveshjeje dhe theksoi se lista do të ketë në fokus ngritjen e shqetësimeve me të cilat përballen shqiptarët e Luginës, duke filluar nga arsimi në shqip, përdorimi i lirë e i hapur i simboleve kombëtare, si dhe rritja e përfaqësimit në institucionet shtetërore. Cakaj tha se Qeveria e Shqipërisë do të angazhohet pakursyer për të mbështetur listën e përbashkët të Luginës së Preshevës.

“Kjo marrëveshje është unike nëse shihet në rrafshin e zhvillimeve në tre vitet e fundit në Luginën e Preshevës. Sot për herë të parë në pluralizmin politik, PPD dhe disa parti të tjera kanë vendosur të bëhen bashkë. Marrëveshja e sotme është sa politikisht domethënëse. Nga pikëpamja kombëtar sot partitë kanë vendosur të tejkalojnë interesa personale duke u bërë një shembull i bashkimit të shqiptarëve. Ato janë bërë bashkë për të gjetur gjuhën e përbashkët për të mirën e shqiptarëve. Ata kanë vendosur një emër teknik me dy elemente. Ky është një kompromis që reflekton identitetin e Luginës së Preshevës.

Shqetësimet e shqiptarëve të Luginës janë edhe i qeverisë së Shqipërisë. Qeveria e Shqipërisë nuk do të kursejë asnjë përpjekje për të mbështetur këtë projekt. Palët do të vazhdojnë të artikulojnë dallimet e tyre partiake, megjithatë i inkurajoj të gjitha palët të rrisin unitetin e tyre. Palët do të veprojnë si një trup i vetëm. Gjatë këtij viti ne kemi marrë një varg masash në shërbim të ndërlidhjen në Luginën e Preshevës. Si masë shtesë për të rritur ndërveprimin me Shqipërisë dhe Luginës kemi bërë kërkesën për hapjen e një konsullate të përgjithshme në këtë zonë. Në vrazhdën e kësaj fryme ne jemi duke punuar për finalizimin e projektit për fondin për Luginën e Preshevës. Si rrjedhojë e kësaj klime ne sot deklarojmë se në zgjedhjet e ardhshme parlamentare shqiptarët do të garojnë me një listë të vetme”, tha Cakaj.


“Vuçiç si Gebelsi”, Cakaj: Masakra e Reçakut nuk harrohet

“Masakra e Reçakut në Kosovë ishte e fabrikuar”, u shpreh Aleksandër Vuçiç, duke dashur të mohojë një nga ngjarjet tragjike të luftës në Kosovës, dhe që nxiti ndërhyrjen e NATO-s për ndaljen e konfliktit.

Ndaj këtij reagimi të Presidentit të Serbisë, reagoi Ministri në detyrë i Punëve të Jashtme, Gent Cakaj, i cili e krahasoin Vuçiç me ish-ministrin e Propagandës në Gjermaninë Naziste, Paul Joseph Goebbels.


Kreu i diplomacisë shqiptare duke thënë se kjo është skandaloze kërkoi nga aktorët ndërkombëtarë që të dënojnë këto përbuzje që po iu bëhen viktimave të kësaj masakre.

“Joseph Goebbels i propagandës së Millosheviç tani është shndërruar në kampion të mohimit, nënvlerësimit dhe trivializimit të krimeve të luftës. Skandaloze! Aktorët ndërkombëtarë duhet t’i dënojnë veprat e tilla përbuzëse dhe shtrembëruese të së vërtetës që i fyejnë viktimat dhe përpjekjet e pajtimit. Masakra e Reçakut nuk do të harrohet kurrë!”, shkruan Cakaj në postimin e tij.


Hapet Konsullata e Përgjithshme në Ulqin, Cakaj: I shërben ruajtjes së identitetit kombëtar

Këshilli i Ministrave të Shqipërisë, me nismë të Ministrisë për Evropën dhe Punët e Jashtme, ka vendosur për hapjen e Konsullatës së Përgjithshme në Ulqin .

Këtë lajm e ka bërë të ditur vetë Ministri në Detyrë për Evropën dhe Punët e Jashtme, Gent Cakaj.


Me anë të një statusi në facebook Ministri Cakaj është shprehur: “Ky vendim do t’i shërbejë veçanërisht ruajtjes së identitetit kulturor e kombëtar dhe kohezionit shoqëror e politik të faktorit shqiptar në Mal të Zi!”

Ai ka vazhduar më tej duke u shprehur se nuk do të mungojë asnjëherë puna në funksion të jetësimit të objektivit kombëtar të thellimit të marrëdhënieve mes shqiptarëve në rajon dhe themelimit të platformave të përbashkëta politike.


Cakaj: Serbia të dëmshpërblejë Kosovën për krimet e luftës

Ministri në detyrë për Punët e Jashtme, Gent Cakaj në një takim që ka zhvilluar me ambasadorin e ri të Kosovës në Shqipëri, Nait Hasani, ka theksuar se Republika e Shqipërisë dhe ajo e Kosovës do të veprojnë njëzëri për adresimin e krimeve të luftës, projekteve të spastrimit etnik dhe genocidit të kryer nga Serbia në Kosovë si dhe adresimi i krimeve sistematike të Serbisë ndaj popullit shqiptar në Kosovë.

Cakaj shprehet se si mbështetëse e pakushtëzuar e Republikës së Kosovës, Shqipëria nënvizon domosdoshmërinë e parashtrimit të çështjes së dëmshpërblimeve të luftës nga ana e Serbisë. Një proces ky që duhet të përmbyllet me njohjen përfundimtare të Republikës së Kosovës nga Serbia si parakusht i drejtësisë historike dhe përparimit të rajonit.


“Shqipëria do të intensifikojë angazhimin për mbështetjen e Republikës së Kosovës dhe fuqizimin e mëtejmë të saj në arenën ndërkombëtare. Puna e përbashkët ndër-shtetërore duhet të zhvillohet nën dritën e idealeve më larta kombëtare!” , shkruan Cakaj në një postim në facebook.

Ndër të tjera Cakaj thekson se thellimi i marrëdhënieve mes dy vendeve në drejtim të krijimit të një hapësire të unifikuar tregtare dhe një bashkësie të vetme doganore ka një rëndësi strategjike dhe pragmatike.

“Do të punojmë ngushtësisht për të ngritur bashkëpunimin e dy shteteve që i përkasin një kombi në nivele krejtësisht të reja”, shkruan Cakaj.

Një takim shumë i hapur e përmbajtësor me Ambasadorin e ri të Republikës së Kosovës në Shqipëri, z. Nait…

Gepostet von Gent Cakaj am Donnerstag, 7. November 2019

Cakaj: Qeveria mbështetje financiare për Luginën e Preshevës

Qeveria vendosi një mbështetje financiare për Luginën e Preshevës për tekstet shkollore shqip në komunat e Preshevës, Bujanovcit dhe Medvegjës. Vendimi u mor në Këshillin e Ministrave me qëllim kujdesin dhe interesimin ndaj të gjithë shqiptarëve në rajon dhe diasporë.

Vendimi është përshëndetur edhe nga ministri në Detyrë për Evropën dhe Punët e Jashtme, Gent Cakaj, përmes një postimi në profilin e tij “Facebook”. Cakaj tha se kjo do t’i shërbejë nxënësve shqiptarë që ndjekin procesin mësimor në institucionet e sistemit parauniversitar në Luginën e Preshevës.


“Edhe një informacion tepër i vyer e shumë domethënës për Shqipërinë dhe shqiptarët. Këshilli i Ministrave të Republikës së Shqipërisë sot ka vendosur dhënien e një mbështetjeje shtesë financiare për Këshillin Kombëtar në Serbi me qëllim blerjen e teksteve shkollore. Ky vendim i shërben nxënësve shqiptarë që ndjekin procesin mësimor në institucionet e sistemit parauniversitar në tre komuna: Preshevë, Bujanovc dhe Medvegjë. Ky vendim është në funksion të rritjes së edukimit në përgjithësi dhe ruajtjes së identitetit kombëtar në veçanti. Shqipëria mbetet e përkushtuar për rritjen e kujdesit për të gjithë shqiptarët në rajon dhe diasporë në përgjithësi.” shkruan Cakaj


Cakaj: Zgjedhje të parakohshme? S’na lejon Bundestagu

Ministri i Jashtëm në detyre Gent Cakaj tha se Qeveria nuk mund të jap dorëheqjen si në rastin e Zaev në Maqedoninë e Veriut, pasi Bundestagu i ka vënë disa kushte për të përmbushur. Cakaj tha se mes dy qeverive ka një nivel të ndryshëm përgjegjshmërie dhe se Bundestagu i ka dhënë disa detyra Shqipërisë, për të cilat qeveria nuk mund të japë dorëheqjen. Ai tha se vendi është në mes të një reforme zgjedhore dhe se ajo duhet të jap rezultatet e para në mënyrë që të flitet për zgjedhje të parakohshme.

Nivelet e përgjegjësive para opinionit të brendshëm janë krejtësisht tjera. Faktori i dytë është strukturor se në Shqipëri nuk ka hapësirë për dorëheqje. Në qëndrimet e Bundestagut, Shqipëria detyrohet për adresimin e rekomandimeve të OSBE/ODIHR për reformën elektorale dhe ne jemi në mes të kësaj reforme. Nuk mund të ketë zgjedhje elektorale në Shqipëri pa mbarim të reformës elektorale. Ne jemi në një situatë kur nuk kemi Gjykatë funksionale Kushtetuese. Shqipëria është në mes të një reforme dhe kjo reformë duhet të konsolidojë rezultatet e saj para se Shqipëri të jetë në gjendje për të diskutuar për zgjedhjet e parakohshme. Politikisht, krahasimi me Maqedoninë nuk qëndron”, tha Cakja gjatë një interviste në televizionin e Kosovës, KTV.



Cakaj: Negociatat diskutohen në maj. BE s’e mbajti premtimin

Liderët e BE-së do të diskutojnë sërish për çeljen e negociatave për Shqipërinë dhe Maqedininë  e Veriut në muajin maj të vitit 2020. Ministri i jashtëm në detyrë Gent Cakaj tha të shtunën në një konferencë për shtyp se vendimi erdhi për shkak se BE nuk arriti të kapërcejë konfliktin e brendshëm për të mbajtur angazhimin e marrë në qershor, për çeljen e negociatave.  Ai tha se edhe në këtë rast nuk ka vend për dekurajim sepse vendimi thjeshtë është shtyrë për në maj dhe se Shqipëria do të vijojë të ecë në rrugën e reformave.

Cakaj tha se shtyrja e negociatave deri në maj të vitit 2020 nuk do të thotë që Shqipëria do të ulë ritimin e reformave, por do të vazhdojë të plotësojë 5 prioritetet kyçe dhe 9 kërkesat e Bundestagut Gjerman.


 “Presidenti i Francës ka një qëndrim të prerë se nuk mund të zhvillohen negociata të reja pa një ndryshim dhe pa reformim të BE-së dhe strukturës së saj.

Shqipëria dhe Maqedonia e Veriut u trajtuan në mënyrë identike, pasi të dy vendet i kanë plotësuar kushtet për të nisur negociatat, por shtyrja e këtij vendimi nuk ka të bëj me performancën e tyre, por me faktorë të brendshëm.

Fqinji ynë i ka ndryshuar emrin për t’i dhënë fund një problematike prej dekadash, por sërish vendimi u shty sepse vendimi nuk kishte lidhje me Maqedoninë. Edhe për Shqipërinë, që jemi një vend që po bëjmë një reformë të thellë në drejtësi. Edhe për Shqipërinë vendimi u shty, pasi procesi nuk ka lidhje me vendet aspirante. Kjo është shtyrja për të tretën herë radhazi, për një vendim që është shumë i thjeshtë. Kjo shtyrje e vendimmarrjes nuk lidhet me meritat e Shqipërisë, por pasqyron një varg divergjencash brenda BE-së. Shtyrjen e diskutimit të rastit të Shqipërisë dhe Maqedonisë në maj të vitit 2020, nuk duhet përkthyer si dështim i politikave të BE-së. Procesi i zgjerimit të BE-së do të vijojë pas reformimit të brendshëm të BE-së. Shtyrja e këtij procesi nuk do të thotë që duhet të ketë vonesa për plotësimin e 5 reformave kyçe dhe plotësimin e kërkesave të Bundestagut”, tha Cakaj.


Cakaj: Konsujt e Nderit, disa thyen rekomandimet e institucioneve të sigurisë

Ministri i Jashtëm në Detyrë Gent Cakaj bëri deklarata të forta në “Real Story” të mërkurën në mbrëmje. I pyetur nga gazetari Sokol Balla për reformën diplomatike, Cakaj u shpreh se janë larguar nga detyra diplomatë që ishin emëruar politikisht. Ndërkohë, ai përmendi rastin e Konsujve të Nderit, duke u shprehur se u larguan disa prej tyre, pasi nuk ishin zbatuar rekomandimet e institucioneve të sigurisë kombëtare. Thënë ndryshe, ndonëse ministri nuk e pohoi zyrtarisht, Shqipëria ka pasur konsuj nderi me rekorde kriminale apo që kanë bashkëpunuar me shërbime të inteligjencës të vendeve jo mike të Shqipërisë.

“Në funksion të organizimit te trupet diplomatike të Shqipërisë kemi marrë 3 masa. E para zgjerimi i numrit të diplomatëve të karrierës kështu që largimi që kanë ndodhur nga sistemi janë të emëruarve jashtë sistemit të emëruarve politikë. Nga të larguarit jashtë sistemit ka pasur njerëz me vlera. Por nga të larguarit jashtë sistemit ka pasur dhe njerëz me rekorde kriminale.  Një numër i Konsujve të Nderit ka qenë i emëruar në shpërputhje me rekomandimet e institucioneve të sigurisë”, shtoi Cakaj.


Gazetari Sokol Balla e pyeti Ministrin, nëse këta Konsuj Nderi ishin persona me rekorde kriminale, apo bashkëpunëtorë të shërbimeve të inteligjencës të vendeve jo mike të Shqipërisë. Cakaj u përgjigj: “Nuk më takon mua të bëj kategorizime të tilla, por mund të them që aty ku ka pasur shpërdorime të rekomandimeve të institucioneve të Sigurisë ato raste janë anuluar dhe më nuk ekzistojnë”.


“Çfarë qëndrimi ka Shqipëria për ofensivën e Turqisë?” flet Cakaj

Qeveria shqiptare ka folur për herë të parë në lidhje me qëndrimin e saj në lidhje me luftën që Turqia ka nisur ndaj kurdëve në kufi me Sirinë. Ministri Cakaj tha në studion e emisionit “Real Story” se Shqipëria ka një politikë të jashtme të linjëzuar me Bashkimin Europian dhe SHBA. Cakaj theksoi se me Turqinë, vendi ka një bashkëpunim të mirë në shumë fusha edhe në kuadër të NATO-s, por nuk kanë marrëdhënie të veçanta në strategjitë ushtarake.

“Ne me Turqinë bashkëpunojnë në mënyrë intensive në kuadër të NATO-s, por politika e jashtme e Shqipërisë është në të njëjtën linjë me politikën e Jashtme dhe Sigurisë të BE dhe SHBA.  Me Turqinë nuk kemi marrëdhënie të veçanta strategjike ushtarake, edhe pse bashkëpunojmë në shumë fusha të tjera në mënyrë të shkëlqyeshme” tha Cakaj.


Turqia ka nisur bombardimet ndaj kurdëve në kufi të Sirisë  duke i shpallur atyre luftë, një veprim që është dënuar si nga BE ashtu edhe SHBA. Madje kurdët kanë qenë edhe aleati më i ngushtë i SHBA-ve në luftën kundër ISIS. / Real Story


Skip to toolbar