Prezantohet Edi Reja: Nuk premtoj asgjë!

Armand Duka dhe Edi Reja kanë hedhur firmat respektive në kontratën, që e bën trajnerin italian pasardhës të Christian Panuccit në krye të stolit kuqezi. Ndonëse ishte parashikuar një konferencë për shtyp në orën 15:00 e numrit një të FSHF-së, Armand Duka, dhe trajnerit të ri të Kombëtares, Edi Reja, ajo është shtyrë me më shumë se një orë, për shkak të një vonese me avionin që Reja erdhi në Shqipëri nga Italia.

Pasi firmosën kontratën, Duka dhe Reja u janë përgjigjur intersitë të gazetarëve në lidhje me bashkëpunimin e ri. Edi Reja ka firmosur një kontratë që e mbanë të lidhur me Shqipërinë deri në fund të muajit nëntor të këtij viti, periudhë që përkon dhe me përfundimin e ndeshjeve kualifikuese të Euro 2020. Nëse gjërat shkojnë me sukses, kontrata mund të shtyhet, në të kundërt Reja largohet. Më poshtë është fjala e plotë e Armand Dukës dhe Edi Rejas dhënë për gazetarët.

Armand Duka

“Do të doja t’i uroja mirëseardhjen Rejas në krye të kombëtares. Duhet të kemi performancë më të mirë dhe pse jo pjesëmarrje në Europian.”

Edi Reja

“Shpresoj që të krijojmë marrdhënie të mirë me shtypin. Edhe nga përvoja ime personale, kam kërkuar të krijoj amrrdhënie të mirë me shtpin, kudo ku kam qënë. Faleminderit presidentit Duka që besoi te mua. Nuk ka qenë eksperiencë e mirë për mua. Skuadra u vendos në vështirësi. Jam i angazhuar me përzgjedhje lotjtarësh. Nga natyra ime nuk më pëlqen të flas gjatë, kështu që pres pyetjet tuaja.”

Cili detaji iu bindi ti thoni “po” Shqipërisë dhe objektivat?

“Kontrata ime është deri në nëntor dhe më pas do të shohim dhe nga kushtet. Unë firmos zakonisht kontrata njëvjeçare, sepse janë rezultatet që vendosin. Kisha mundësi të punoja në Itali, por kisha dëshirë të drejtoja një kombëtare dhe ja ku erdhi rasti të drejtoj Shqipërinë. Dua të përshëndes Panuçin për punën që ka bërë, më vjen keq që u largua. Duka më telefonoi pas shkarkimit të Panuçit dhe jam krenar për këtë ofertë.”

Keni bashkëpunuar me Taren për shumë vite, ke marrë ndonjë këshillë nga ai?

“Igli Tare më telefonoi kur e mori vesh se isha një nga kandidatët dhe më tha: ‘Çfarë bën në shtëpi, shko me vrap’. Do të flas dhe me të kur të shkoj në Romë. Atje është dhe Strakosha që e kam përzgjedhur unë kur isha atje, pasi e kam ndjekur që fëmijë kur erdhi dhe e pranova.”

Çfarë duhet të bëjë Shqipëria për të përsëritur veten?

“Mua më pëlqen të impostoj skuadra me logjikë, unë kam qejf skuadrat agresive, por jo gjithmonë. Kjo është një punë që duhet ta bëj në pak kohë. Varet nga shumë situata, varet nga grupi. Çfarë stimujsh mund të ketë lojtari. Në vitet që kam gjatë eksperiencës time, arrij të kuptoj dhe t’u hyjë në kokë lojtarëve. Në këtë punë, kushdo që punon me kombëtaret nga që si ka gjithë kohën lojtarët, duhet të hyjë në mënyrë sa më të shpjete në sintoni me ta. Më lini pak kohë të njoh skuadrën dhe që shohim rezultatet.”

Armand Duka

Federata ka limite në financë, por zgjodhi një trajner ekspert…

“Mendoj se kemi bërë më të mirën. Pasi të përfundoj do të shohim nëse kemi bërë mirë apo keq. Një trajner me eksperiencë, besoj se do të japi atë që ka nevojë ekipi ynë. Kemi lojtarë cilësorë. Kanë nevojë për një ekspertizë, për një motiv dhe besoj  se Reja i ka cilësitë për ta bërë këtë. “

Ndërhyn Reja: Nuk ka të bëjë fare ana financiare. Kalon në plan të dytë për mua. E rëndësishme është të ndërtojmë një grup që të identifikojë kombin.”

Thatë që pranoni të punoni me afat të shkurtër…

“Të shikojmë sepse nëse funksionon projekti do të varet nga federata. Nuk është problem. Kemi një objektiv të qartë, të shkojmë në Europian dhe të bëjmë figurë të mirë. Ka shumë ndeshje, për mua për skuadrën për të gjithë.”

Armand Duka

E vërteta e Shkodrës?

“Jemi takuar pas ndeshjes, patjetër që i kam kërkuar një opinion, e njihni Shqipërinë,  e keni parë më parë. Pa e menduar se do të jetë ai trajner i Shqipërisë. Pastaj kemi folur në telefon, jemi takuar në Bolonja. Gjëja që më ka bindur më shumë që besoj se është zgjidhje e duhur është eksperienca e madhe dhe mënyra si i ka trajtuar problemet. Kishte informacion për të gjithë futbollistët që janë jo vetëm në kombëtare, por edhe rreth e rrotull”.

Edi Reja 

A mund të na zbuloni diçka për mënyrën e lojës?

“Kam parë skuadrën që luan me 4 pas, pasi jep më shumë garanci. Unë gjithnjë luaj me tre në qendër, por duhet parë mënyra e lojës. Nuk dua të ndryshojë shumë filozofinë e kësaj skuadre dhe asaj që kishte bërë De Biazi. E rëndësishme është që skuadra duhet të punoj.”

Çfarë roli ka luajtur De Biazi që i’u te merrnit drejtimin e Shqipërisë?

“De Biazi është historia e fundit e Shqipërisë, ne jemi miq dhe me Panuçin. Me De Biazin kam folur me të për disa gjëra, pasi kemi dhe një raport të mirë. Kam folur me De Biasin dhe më ka treguar gjëra fantastike për Shqipërinë dhe kjo për shkak të rezultateve të mira që ka pasur. Mendoj se duhet të duartrokas për atë që ka bërë De Biasi ka qëndruar 4 vite këtu. Duhet përgëzuar dhe Tramezzani, pasi ka qenë ish-lojtari i imi. Njoh mirë dhe Xhimshitin, pasi i kam besuar kur ka ardhur në Itali dhe hap pas hapi po bën mirë dhe luan te Atalanta.”

Sa do qëndroni në Shqipëri?

“Shqipëria është një vend i bukur për të jetuar. Ne trajnerët kemi dhe nevojën të qetsohemi. Për shembull kemi dhe Durrësin afër (duke qeshur). Unë do të jem në Shqipëri, pasi dua të di çdo gjë që ndodh në këtu. Unë duhet të qëndroj këtu, pasi duhet të njoh më tepër situatat rreth meje dhe të gjithë bashkëpunëtorët e mi.”

I njihni mirë lojtarët e Shqipërisë, ka potencial kjo skuadër për të shkuar në Europian?

“Mendoj se Shqipëria ka potencial për të luajtur. Besoj se kjo skuadër mund të bëj mirë. Megjithëse kërkoj maksimumin nga të gjithë lojtarët”

Nëse një lojtari të kombëtares do t’i ndodhte të humbiste avionin do ta linit jashtë?

“Që të jetë një disiplinë ndaj çdo lojtari për të arritur përpikmërinë, kjo patjetër. Unë do e gjobisja, por nëse lojtari është i rëndësishëm për mua unë nuk heq dorë. Të gjithë lojtarët janë një lloj thuhet, por nuk është kështu sepse ka lojtarë që janë thelbësor”.

“Kam trajnër shumë lojtar me potencial, por ata nuk kanë patur mendësinë e nëvojshme. Strakosha vetëm humbi avionin, por s’di të ketë ndonjë debat tjetër. Një lojtar që do Kombëtaren duhet t’i marrë masat një orë para për të mbërritur me përpikmëri. Por nga ana ime do të kisha vendosur ta gjobisja”

Keni punuar si vëzhgues talentesh, keni parë lojtarë nga kampionati shqiptar…

“Kam parë diçka. Mendoj se lotjarët shqiptarë mund të bëjnë mirë në të gjithë Europën. Të gjithë do të ndiqen. Është mirë të ndiqen të gjithë. “

Shqipëria i ka besuar shumë trajnervë italianë, besoni se do të sillni një tjetër futbolli, apo atë futboll që është i prapambetur?

“Trajnerët italian kanë bërë mirë. Ançeloti, Sarri, Kapelo kanë fituar gjithandej. Është një kulturë që ne kemi si teknikë, kemi bërë mirë në gjithë botën. Nuk mund të thuash që trajnerët italianë janë të mbaruar. Në Champions luajnë lojtarët dhe jo trajnerët. Për fat ne nuk jemi ata më të parët. Këto janë pyetje të momentit. Juventusit i mungonin lojtarë të rëndësishëm, nuk kishin kondicion të plotë. Ka qenë skuadra më e mirë që kemi parë.

E merr në konsideratë Reja një lotjarë që thotë se nuk do të vij sa të jetë ky trajner…

Ai duhet të shohë kombëtaren jo për trajnerin, por për veten dhe federatën. Por, ka bërë 6-7 gola këtë sezon, dhe është një lojtar me vlera të mëdha. Është më shumë ofensiv, dhe disi më pak defensiv. Të gjithë lojtarët duhen vlerësuar dhe të shikojmë në çfarë gjendje janë, dhe më pas do bëjmë grumbullimin

Armand Duka

Në 2 këndvështrime nuk do të t’i thoja jo Lenjanit, sepse më ka gëzuar me kontributin e tij në Kombëtare, prej më shumë se 7-8 vitesh. Do ta kondicionoja shumë një trajner të ri, po t’i thoja që s’do të marrësh këtë, dhe kështu do i bëja skuadrës. Pavarësisht se çfarë thuhet, Lenjanit i ka shkuar ftesa me shumë vonesë, të përcaktuara nga rregulloret e FIFA

Bashkëpuntorët?

“Unë kam që tani bashkëpuntorët e mi. Emrat do të bëhen të ditur kur çdo gjë të bëhet zyrtare, pra nga java tjetër. Duhet të flas dhe me presidentin, pasi duhet ta zyrtarizojë dhe ai.

Nesër prezantohet trajneri i ri i Shqipërisë!

Pritjes i erdhi fundi, pasi nesër shqiptarët do të njihen me trajnerin e ri të ekipit tonë kombëtar. Me anë të një njoftimi shpërndarë gazetarëve, Federata Shqiptare e Futbollit ka njoftuar një konferencë për shtyp ditën e nesërme me Presidentin e FSHF-së, Armand Duka, e cila do të mbahet në orën 15:00 në ambientet e federatës.

Është e qartë se kjo konferencë do të mbahet për të prezantuar trajnerin e ri të ekipit kombëtar të futbollit, që do të zërë vendin e Christian Panuccit, i cili u shkarkua pasi humbi ndeshjen e parë kualifikuese të Euro 2020 me Turqinë.

Ndonëse federata ka qenë hermetike me informacionet për mediat, megjithëse këto të fundit kanë arritur të zbulojnë, ndonëse ende pa e konfirmuar 100%, se trajneri i ri i Shqipërisë do të jetë Edi Reja.

Italiani në moshë 73-vjeçare pritet të jetë krah Armand Dukës nesër për t`u prezantuar para medieve, teksa aktualisht janë zbuluara dhe detaje nga kontrata që do të firmosë Edi Reja me FSHF-në.

Mediat italiane kanë raportuar se trajneri i ri i Kombëtares së Shqipërisë, do të ketë dhe një ndihmës po italian, ndërsa kontrata fillestare mund të nënshkruhet deri në përfundim të këtij viti me të drejt rinovimi.

Nëse Shqipëria përfundon me sukses kualifikueset e Euro 2020 dhe kap fazat finale të këtij kompeticioni. Kështu trajneri i ri, që pritet të përfitojë një rrogë pak më të lartë se ajo e Panuccit, do të përfitojë bonuese financiare dhe të tjera benefite.

Bosnja mund Shqipërinë në miqësore

Kombëtarja e femrave mundet në takimin e parë miqësor

Kombëtarja shqiptare e futbollit të femrave, e drejtuar nga trajneri Vioresin Sinani, është mundur me rezultatin 1-0 nga Bosnje Hercegovina, në ndeshjen miqësore të zhvilluar sot në orën 16:00 në Qendrën e Ekipeve Kombëtare të Bosnjes, në Zenica.

Pjesa e parë përfundoi me rezultatin e bardhë 0-0, me një lojë të barabartë ku secila skuadër pati nga dy raste shënimi në portat respektive por pa arritur të gjejnë rrugën e golin. Pjesa e dytë fillon me një rast të pastër për boshnjaket që në minutën e 52-të godasin shtyllën e portës së mbrojtur nga Rexhepi.

Në minutën e 56’ vajzat e Sinanit ishin pranë golit të avantazhit por portierja boshnjake bën mrekullinë duke devijuar në goditje nga këndi. Goli i vetëm i ndeshjes vjen në minutën e 61 nga Marjija Aleksić e cila shënon nga një goditje dënimi.

Shqipëria në minutën e 69-të ngelet me 10 lojtare në fushën e lojës pasi Gledona Morina ndëshkohet me kartonin e dytë të verdhë duke mbyllur para kohe ndeshjen e saj. Rezultati nuk ndryshoj deri në fund pavarsisht reagimit nga vajzat kuqezi.

Shqipëria luajti me këtë formacion: Rexhepi, Hila, Rrahmani, Bajraktari, Maliqi, Begallo, Morina, Doçi, Gjini, Maksuti, Franja.

Shqipëria e mbyll me humbje aventurën në turneun e UEFA-s

Ekipi U-16 i Shqipërisë, që ishte pjesëmarrës në turneun “UEFA Development 2019” në Slloveni, e ka mbyllur në mënyrë zhgënjyese këtë aventurë. Kombëtarja jonë e 16-vjeçarëve është mundur në dy nga tre takimet e zhvilluara.

 Më 4 prill Shqipëria u përball me Perunë, ekip me të cilin barazoi 1-1, ndërsa dy ditë më pas ishte Italia që fitoi kundër Shqipërisë U-16 me rezultatin 0-1. Ndeshja e fundit për ekipin tonë është luajtur sot ndaj Sllovenisë, që ishte dhe vendi organizator i turneut.

Ndeshja është mbyllur me rezultatin 1-0 për vendasit, të cilët fituan me gol të kapitenit Marcel Ratnik në minutën e 35`. Edhe pse përfaqësuesja jonë ka pasur disa raste shënimi, nuk ka arritur të gjejë rrugën e rrjetës.

Kujtojmë se ekipi kombëtar U-16 është krijuar rishtaz këtë vit dhe drejtimi i tij i është besuar Elvin Beqirit, i cili njëkohësisht drejton dhe kombëtaren U-17.

Operohet Andi Lila, mbyllet sezoni për mesfushorin (foto)

Andi Lila i është nënshtruar një operacioni në menisk ditën e sotme. Mesfushori i kombëtares shqiptare, që aktivizohet me PAS Giannina në Greqi, e ka kaluar me sukses operacionin ditën e sotme. Lajmin për këtë e ka dhënë vetë Lila, i cili ka reaguar në rrjetet sociale duke publikuar një foto nga spitali pas operacionit.

Faleminderit Zot, gjithçka shkoi mirë. shpresoj të rikthehem sa më shpejt dhe më i fortë”, – shkruan Andi Lila në postimin e tij në Instagram.

Andi Lila ishte pjesë e lojtarëve të grumbulluar në ekipin tonë kombëtar për ndeshjet e muajit mars, mirëpo nuk ia doli të vijonte në grumbullim për shkak dëmtimi.

Sapo Andi Lila ka publikuar foton në rrjetet sociale, i shtrirë në krevat pas operacionit, kanë ardhur dhe komentet e futbollistëve të tjerë të kombëtares, të cilët i kanë uruar shërim të shpejtë.

Ndërkohë, pas këtij operacioni futbollisti do t`i duhen disa javë kohë për t`u rikthyer në fushën e lojës, megjithëse ky sezon duket i mbyllur për futbollistin shqiptar.

Keidi Bare: Kam lindur në situatë lufte, ja gabimi që kam bërë

Keidi Bare është brezi i fëmijëve të lindur në vitin e vështirë 1997, kohë kur Shqipëria u përfshi në një konflikt civil, pas mashtrimit me sistemin piramidal në vend. Bare në atë kohë sapo kishte lindur, ndaj futbollisti ska se si të ketë kujtime për ngjarjet që kthyen Shqipërinë në një arenë të përgjakshme vëllavrasëse.

Pavarësisht kësaj, Keidi Bare është sot një nga lojtarët më të talentuar shqiptar, që aktivizohet me ekipin e Malagas në Spanjë, me të cilin synon rikthimin në La Liga.

Në fakt, fëmijëria e tij kujtohet në “Radio MARCA” që në rrugë, duke luajtur me shokët, gjithmonë me një top në këmbë: “Unë kam lindur në një situatë lufte dhe gjërat ishin shumë të vështira. Në fakt, ata që vuanin vërtet ishin prindërit e mi, ata kaluan një kohë shumë të keqe”.

Prindërit, që në moshën 11-vjeçare panë se djali i tyre kishte talent, mundësi për t’u bërë futbollist profesionist dhe nuk hezituan të shkonin në Greqi. “Që kur isha fëmijë, kam pasur të dhëna për t’u marrë me futboll. Kam qenë shumë i mirë në shkollë, por spikasja më tepër në futboll. Prindërit bënë atë që ishte më e mira për mua, si çdo baba apo nënë”, – kujton Bare.

Gjithsesi, fati i mirë e priste në një vend tjetër të Mesdheut, Spanjë: “U ktheva pesë vite më vonë në ekipin e qytetit tim, Apolonia. Për pesë muaj u ftova për provë tek Atletico Madrid. Katër ditë trajnim në “Cerro del Espino”, nga atje në Gjeorgji për një turne… U bëra pjesë e Atletico Madridit, ku qëndrova për pesë vite. Në fund të sezonit të kaluar vendosa t’i bashkohem Malaga-s. Një gabim i rëndë me të rinjtë, për të cilin pendohem çdo ditë e më shumë, duke ofenduar arbitrin, më kushtoi një dënim shembullor: 9 ndeshje pezullim”.

Kjo mund të ketë ndikuar në vendimin e Atlético Madridit për ta lejuar të shkojë te Malaga, edhe pse ai nuk mendon kështu: “Kam bërë diçka të keqe për veten dhe për ekipin, por vendosa me bindje të vija këtu. Unë nuk jam nga ata futbollistë, që mjaftohem me stërvitje dhe qëndrimin në stol. Ika nga Atletico Madrid për të bërë diçka të madhe dhe, kur më kërkoi Malaga, nuk u mendova dy herë“.

Mundësia e tij e parë në ekipin aktual, megjithatë, nuk shkoi siç pritej: “Në Zaragoza isha nervoz dhe i lumtur, kur më thanë se do të luaja nga fillimi, pasi kisha debutuar pak minuta, në fund të sfidës së mëparshme me Sporting. Mbaj mend se kemi fituar 2-0”.

Që atëherë, fieraku kuqezi ka një pikë referuese, Alfred N’Diaye: “Ai është një pasqyrë për mua, është një lojtar dhe njeri i mirë, më ndihmon shumë brenda dhe jashtë fushës”.

Shqiptari është i dashuruar me produktet e detit, veçanërisht pëlqen peshkun. Kjo ndoshta vjen nga fakti se ka jetuar mes Shqipërisë dhe Greqisë, ku e ka pasur bregdetin afër. Keidi thotë se ndihet i lumtur edhe në Spanjë, ekzaktësisht në Malaga, ku mund të shijojë ushqimet e preferuara:

“Ky vend është një parajsë, qoftë për të ecur në plazh, qoftë për të ngrënë ushqime deti… Kjo është ajo, që më pëlqen më së shumti. Eshtë qesharake ta them, por në Shqipëri ekziston një gjellë tipike, që të gjithë e pëlqejnë, ajo me fasule. Nuk ka shqiptar që nuk e ha atë, përveç meje (qesh)”.

Shqipëria U-16 gati për turneun e radhës!

Kombëtarja e futbollit U-16, e drejtuar nga Elvin Beqiri, pasi përfundoi turneun “UEFA Development”, do të marrë pjesë në një tjetër turne. Bëhet fjalë për një kampionat miqësor për grupmoshën U-16, që do të zhvillohet në Turqi nga datat 14-20 prill.

Kuqezinjtë në këtë turne do të përballen me Turqinë, Bjellorusinë dhe Lituaninë. Përfaqësuesja jonë, do të ketë në dispozicion futbollistë të datëlindjes 2004. U-16 do të fillojë grumbullimin ditën e sotme në kompleksin “Tropikal” Durrës.
Ky është kalendari i ndeshjeve të U-16:

15 prill 2019: Shqipëri-Bjellorusi ora 14:00
17 prill 2019: Turqi-Shqipëri ora 16:00
19 prill 2019: Lituani-Shqipëri ora 16:00

Ndeshjet do të zhvillohen në qendrën e ekipeve kombëtare të Federatës Turke të Futbollit. Më poshtë do të gjeni listën e futbollistëve të grumbulluar nga Beqiri:

Mustafa shënon dopietë për Hannover 96

Sulmuesi i talentuar shqiptar, Valdrin Mustafa,  që u bashkua këtë sezon me ekipin e Hannover II, ka rigjetur përsëri rrugën e rrjetës.

Sulmuesi, që është aktivizuar me ekipin Shpresa të Shqipërisë, ka realizuar dopietën e tij të parë në Gjermani me Hannover II, në takimin që skuadra e tij luajti në shtëpi kundër VfL Oldenburg.

Mustafa ka shënuar dy gola të shpejt në vetëm dy minuta lojë, pikërisht në të 90` dhe 90+2`, duke vulosur fitoren e Hannover II me rezultatin 4-1.

Dy golat e sotëm e çojnë Mustafën në kuotën e tre realizimeve në kampionatin “Regionallliga North” në Gjermani.

Pavarësisht nivelit amator ku luan aktualisht, Mustafa shihet si një talent dhe së shpejti mund të bashkohet me ekipin e parë të Hannover.

Futbollisti shqiptar është nën menaxhimin e ish-kapitenit të Kombëtares tonë, Altin Lala, që ka gjithashtu nën menaxhim dhe Milot Rashicën, yllin e Kosovës që po shkëlqen në Bremen.

View this post on Instagram

#firstdoppelpack⚽️⚽️ #niemalsallein⚫⚪💚

A post shared by Valdrin Mustafa (@valdrinmustafa98) on

Lenjani realizon dopietë në Zvicër (video)

Futbollisti i Kombëtares i dha fitoren ekipit të Sion

Ermir Lenjani ka realizuar dy golat e fitores së Sion në kampionatin zviceran të futbollit mbrëmjen e djeshme. Mbrojtësi anësor i ekipit tonë kombëtar, që këtë sezon po aktivizohet si mesfushor krahu në Zvicër, ka shkëlqyer në kuptimin e plot të fjalës ditën e djeshme.

Një super gol nga jashtë zone dhe një tjetër i realizuar fare pranë portës, pas një goditje dënimi, i dhanë ekipit të Sion fitoren përballë Thun me tre pikë të rëndësishme.

Të dy golat e realizuar nga Lenjani ishin një mesazh i qartë edhe për ish-trajnerin e ekipit tonë kombëtar, Christian Panucci, që nuk e grumbulloi futbollistin në dy takimet zyrtare të marsit për kualifikueset e Euro 2020.

View this post on Instagram

⚽️⚽️💥🎯 #Elhamdulillah

A post shared by Ermir Lenjani (@lenjaniermir) on

Ledian Memushaj, lider në Pescara


“Përtej golit që shënova, doja të ndihmoja ekipin në një moment të vështirë”

Ledian Memushaj ishte autor i një goli spektakolar mbrëmjen e djeshme në takimin mes Pescaras dhe Palermos. Mesfushori vlonjat, shënoi golin e barazimit për skuadrën e tij, duke i dhënë mundësi Pescaras të luftonte për fitoren, të cilën e arriti me një tjetër gol të realizuar në minutat e fundit të ndeshjes.

Java e 31 e Serisë B do të mbetet gjtë në kujtesën e Ledian Memushajt, pasi gola si ai i djeshmi shënohen rrallë në karrierë. Pas ndeshjes dhe tre pikëve të fituara dje, Memushaj ka folur për mediat italiane. Ai është shprehur se pjesa më e rëndësishme është që skuadra reagoi dhe doli nga momenti i vështirë.

“Është mirë të dalësh nga një moment i vështirë, tani duhet të ruajmë përqëndrimin. Përtej golit, për të cilin jam i lumtur, sepse ishte i pari për këtë sezon, dëshiroja t`i jepja ekipit një ndihmë në një moment kaq delikat.

Tani duhet të shohim përpara, sepse luajmë përsëri për katër ditë dhe do të jetë një tjetër sfidë e rëndësishme. Këtë vit mes ekipit dhe tifozëve ekziston një marrëdhënie tjetër, më e bukur se dy vjetë më parë, madje edhe kur ka më pak njerëz në stadium”-është shprehur Memushaj.

Skip to toolbar